Здравје
СЗО: Хепатитисот убива исто како и СИДА-та
![](https://makfax.com.mk/wp-content/uploads/2016/11/vakcina20hepatitis.jpg)
Хепатитисот е болест којашто е смртоносна речиси исто колку и СИДА-та, со околу 1,4 милиони смртни случаи на годишно ниво, објави во своето седиште во Женева Светската здравствена организација (СЗО- WHO) на Денот на борбата против хепатитисот кој се одбележува на 28-ми јули.
Медицинските експерти пред Светскиот ден на борбата против хепатитисот истакнаа дека оваа болеста, којашто може да предизвика и канцер, може да биде победена доколку во лекувањето се применуваат програмите паралелно со кои лекуваат болестите како што е AIDS (СИДА).
Инаку, вкупно 1,5 милиони луѓе починале од СИДА минатата 2013 година. А, пак, од 1,4 милиони починати од хепатитис минатата година, 90 отсто биле заразените со хепатитис Б и Ц, кои се одговорни за две третини од случаите на рак на црниот дроб во светот.
„Најдобар начин за превенција на ракот на црнито дроб или цирозата е спречувањето и лечењето на вирусниот хепатитис. Доколку така се дејствува ќе се спасат многу животи и истовремено ќе се заштедат големите трошоци во здравството“, изјави професорот Семуел Со, лекар и предавач на универзитетот Станфорд во Калифорнија, САД.
Во таа смисла др Со, како и другите експерти од СЗАО, заговараат јакнење на тестирањата за хепатитисот, болест којашто ја нарекуваат „тивок убиец“. Според статистичките податоци, на 500 милиони луѓе коишто го носат вирусот на хепатитисот, голем е бројот на оние коишто воопшто не знаат дека се заразени.
Др Стефан Виктор, водител на програмата за борба против хепатитисот во СЗО истакнува дека постојат нови терапии за оваа болест со процент на излекување од 95 отсто, што според него претставува „терапевтска револуција“. „Тоа целосно ја менува динамиката в пристапот на проблемот со хепатитисот“, истакнува др Виктор.
Др Со, исто така, предупреди дека заболените од СИДА особено се чувствителни на хепатитис. Се проценува дека околу 10 милиони лица во светот боледуваат истовремено и од СИДА и од хепатитис. „Структурата којашто се применува при лекувањето на СИДА-та е идеална за лекување на хепатитисот, и време е тие две болести се лекуваат задно“, заклучува др Со.
Светскиот ден на хепатитисот се одбележува до 2011 година, на денот на раѓањето на професорот Баруш С. Блумберг, добитникот на Нобеловата награда за откритието на вирусот на хепатитисот Б. Светската здравствена организација претходно во 2010 година овој ден го вброи меѓу единствените четири официјални денови посветени на поединечните заболувања. /крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Здравје
Овошје кое треба да го јадете почесто доколку сакате да ослабете
![](https://makfax.com.mk/wp-content/uploads/2018/09/how-to-make-a-banana-blueberry-smoothie-to-fix-the-most-ignored-deficiencies.jpg)
Да се открие која храна да се јаде и која да се избегнува кога станува збор за слабеење понекогаш може да биде многу предизвикувачки поради разновидноста на достапните информации. Доколку размислувате за слабеење и не сте сигурни кое овошје треба да почнете да го јадете почесто, група диететичари ги издвоила четирите најдобри опции кои можете да ги вклучите во вашата исхрана.
Банани
Диететичарот Кејли Џорџ објаснува дека содржината на шеќер зависи од зрелоста на бананата, а незрелите зелени банани содржат најмалку шеќер. „Зелените банани се познати и по нивната висока содржина на отпорен скроб, што е одлично за здравјето на цревата и целокупното губење на тежината“, истакнува тој. Иако содржат шеќер, бананите содржат и влакна кои можат значително да влијаат и да помогнат во слабеењето.
Манго
Мангото е сочно тропско овошје кое содржи приближно три грама влакна и само 99 калории по чаша. Бидејќи калорискиот дефицит е важен за губење на тежината, може да биде корисно да се замени висококалоричната храна со нискокалорична, но вкусна храна.
Со јадење манго, можете да го задоволите вашиот внес за слатко, а сепак да се грижите за калориите, а истовремено да бидете сигурни дека внесувате влакна во вашето тело, што е исклучително важно за здравјето на дигестивниот систем.
Ананас
Друго овошје кое треба почесто да го јадете доколку сакате да ослабете е ананасот. Ова овошје содржи ензим наречен бромелаин, за кој се покажа дека има позитивен ефект врз отпорноста на инсулин и одржување на рамнотежата на шеќерот во крвта.
Постигнувањето на избалансиран шеќер во крвта му помага на телото да ги користи и согорува мастите, промовирајќи поефикасно управување со тежината. Исто така, ананасот е нискокалорично овошје и добар извор на влакна. Ако го исечете и префрлите во шолја, ќе внесете само 83 калории и ќе внесете два грама влакна во телото, пренесува Eating Well.
Јаболка
Јадењето едно јаболко дневно не само што го оддалечува лекарот, туку може да помогне и во контролата на тежината.Јаболките се познати по тоа што се нискокалорични и богати со вода и растителни влакна, што помага да останете сити подолго време.
Покрај содржината на влакна и релативно малку калории по јаболко, ова овошје е богато со антиоксиданси кои помагаат во борбата против воспаленија и болести. Како што известува Eating Well, антиоксидансите во јаболката помагаат во борбата против оксидативниот стрес, кој ги оштетува клетките и е поврзан со состојби како што се кардиоваскуларни болести, дијабетес и дебелина.
Здравје
Безброј луѓе одат во Индија по „чудесниот лек“ за астма
![](https://makfax.com.mk/wp-content/uploads/2024/06/gb.jpg)
Безброј луѓе, кои боледуваат од астма, одат во индискиот град Хајдерабад бидејќи наводно мала жива риба полнета со одредени растенија е чудотворен лек за астма, пишува АП.
Агенцијата вели дека секое лето, на ден кој се смета за астролошки поволен, луѓето што страдаат од астма и други респираторни заболувања патуваат во Хајдерабад за да проголтаат мали живи риби полнети со разни чудотворни билки направени од семејството Батини.
Според легендата, во 1845 година еден светец скитник му ја претставил тајната формула на чудотворната билка на еден човек што живеел во градот Хајдерабад, Веран Гуд, и му рекол да им ја даде формулата бесплатно на пациентите со астма.
Оттогаш, потомците на Гуд, познати како семејството Батини, ги зачувале традицијата и хербалната формула.
Секоја риба чини 40 рупии или 50-ина центи.
Кога се купува, живата риба се става во пластична кеса наполнета со вода и се носи кај семејството Батини, кое става мешавина од растенија во устата на рибата.
Забава
Кората од портокал може да има изненадувачки здравствени придобивки за срцето
![](https://makfax.com.mk/wp-content/uploads/2017/06/portokal.jpg)
Горчливата кора од портокал е тука за да го заштити плодот, а може да го заштити и нашето тело, само ако престанеме да ја фрламе.
Откриено е дека кората од портокал содржи биоактивно соединение, наречено ферулоилпутресцин (ФП), кое може да има корист за здравјето на срцето кога се јаде.
Ова откритие ги заинтересирало научниците од Универзитетот во Флорида и американското Министерство за земјоделство.
Во експериментите, кога глувците биле хранети со хранлив екстракт од кора од портокал, богат со ФП, шест недели по ред, истражувачите забележале намалување на биомаркерите во крвта поврзани со воспаление и кардиоваскуларни болести.
ФП е метаболит првично пронајден во листовите и сокот од грејпфрут. Иако се појавува и во некои портокали, се чини дека не е присутен во лимон и мандарини.
Соединението привлече голем интерес во последниве години поради својот антиоксидативен и антиинфламаторен потенцијал, но сè уште има многу експерти кои не знаат многу за тоа, пренесува „Сајнс алерт“.
„Ова е ново откритие што го нагласува претходно непризнаениот здравствен потенцијал на ферулоилпутрецинот во намалувањето на ризикот од кардиоваскуларни болести“, вели научникот за храна Ју Ванг од Универзитетот во Флорида.
Портокалите се едно од најпопуларните овошја во светот, се консумира главно за нивниот сок, а горчливата кора обично се фрла.
Секоја година 32 милиони тони кора од портокал оди во отпад, иако се јаде и може да биде добра за нас.
Во споредба со сочниот дел, кората од портокал содржи импресивна концентрација на витамини, антиоксиданси и лимонен – хемикалија која може да има антивоспалителни и антиканцерогени својства. Откривањето кои биоактивни соединенија се најважни за човековото здравје и зошто ќе биде клучно ако научниците сакаат да создадат најздрав можен екстракт.
Работата на Ванг и нејзините колеги овозможи грант од 500.000 американски долари од владин оддел за истражување дали екстрактот од кора од портокал може да го подобри здравјето на нашите црева и срцето.
Кора од портокал не е најлесната храна за внесување во оброкот, но ако научниците можат да дизајнираат производ од кората, таа би можела да стане популарна храна за подобрување на здравјето.
Неколку компании веќе брзаат да го направат токму тоа. А неодамна, истражувачите открија дека со само малку труд, кората од банана може да се претвори во вкусна, хранлива закуска полна со антиоксиданси и витамини. Истото важи и за кората од манго.