Регион
Антивладини протести во Букурешт по трагедијата во ноќниот клуб
Околу 15 илјади луѓе протестираа во романската престолнина Букурешт во вторникот навечер, барајќи оставка од социјалдемократскиот премиер Виктор Понта и министерот за внатрешни работи Габреил Опреа, по пожарот кој ноќта кон минатата сабота во кој загинаа 32 млади луѓе.
„Понта оставка“, „Опреа оставка“, „Убијци“, беа повиците на собраните демонстранти на плоштадот Викторија, спроти зградата на романската влада во центарот на Букурешт. Некои од противниците на власта носеа романски национални знамиња со дупка, симбол на народната револуција против режимот на комунистичкиот диктатор Николае Чаушеску пред 25 години.Демонстрантите излегоа на улиците организирани преку социјалните мрежи и прво протестираа пред министерството за внатрешни работи, а потоа се упатија кон парламентот. Пиротехничко шоу за време на промоција на албум на хевиметал група го предизвика пожарот во ноќниот клуб во Букурешт, во кој загинаа 26 лица. Од 200-те повредени, следните денови во болниците починаа уште шест лица, а меѓу жртвите има и малолетници.Ноќниот клуб, отворен во поранешна фабрика за обувки во центарот на Букурешт, немал потребни дозволи за организирање концерти, како ни за употреба на пиротехника. Тројцата сопственици на клубот претходно во вторникот беа притворени. Во понеделникот неколку познати ноќни клубови во Букурешт и во другите романски градови објавија дека во следниот период ќе бидат затворени.Демонстрантите за медиумите изјавија дека протестираа на улиците во „знак на солидарност со жртвите во пожарот во клубот Coletciv, во знак на протест против владата и против градоначалникот на 4-от округ во кој се наоѓа клубот, како и против системот кој дозволил да се случи ваква трагедија“.По трагедијата, најголемата од овој вид во романската престолнина последните неколку децении, претседателот Клаус Иоханис со особено остри изјави се залагаше за темелни промени во романското општество. Премиерот Виктор Понта, кој и самиот е обвинет за корупција, со месеци е под притисок, а претседателот и опозицијата бараат да отстапи од должноста./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.