Свет
Пет години од трагедијата во Беслан
На почетокот од учебната година, пред пет години чеченските бунтовници убија 186 ученици во градот Беслан, во Северна Осетија
Русија одбележува петгодишнина од опсадата во Беслан, во која загинаа повеќе од 330 луѓе откако училиште беше окупирано од чеченските бунтовници, а рано утринава преку 2.500 луѓе се собрале пред училиштето во кое се случи трагедијата.Регионалните власти положиле цвеќе во спортската сала каде биле држани заложниците. На средината од салата бил поставен крст, а на ѕидовите од салата биле поставени венци и фотографии на тие коишто загинале во масакарот, пренесува РИА Новости.
Бунтовниците, кои држеа повеќе од 1.000 луѓе во заложништво, бараа повлекување на руските трупи од Чеченија.Опсадата заврши по три дена кога безбедносните сили навлегоа во зградата. Од загинатите во битката што претстоеше, 186 беа деца. Заложниците насилно биле внесени во гимназиската сала на училиштето, чувани без храна и вода, под бомби и заврзани за кошевите. Опсадата заврши катастрофално кога бомбите експлодирале, а руските војници, кои се зазеле на јуриш во зградата налетале на оган од резервоарите.Никој не знае кој ги запалил резервоарите во училиштето, кога толку многу деца биле држани внатре, прашува BBC.Трагите од бомбардирањето се’ уште стоеле во училиштето како потсетување на трагедијата, пишуваат странските медиуми.
Oколу 3.000 полициски службеници ги обезбедувале училиштата во Северна Осетија, а локалното министерство за внатрешни работи изјавило дека полицијата ќе остане во училиштата уште три дена, обезбедувајќи ја наставата, дознава РИА Новости.Минатата недела, рускиот министер за внатрешни работи, Рашид Нургалиев, побарал засилено обезбедување на училиштата во регионот, во пресрет на годишнината во Беслан, и во поглед на неодамнешното зголемување на насилствата во Северен Кавказ. Тој исто така искажал и грижа поради отсуството на безбедносни гарди во повеќето руски училишта.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Швајцарија ќе се одржат мировни преговори за Украина, Русите не доаѓаат
Швајцарската влада денеска соопшти дека во оваа фаза Русија не е меѓу 160-те делегации поканети на мировните преговори за Украина што ќе се одржат во Швајцарија во средината на јуни.
„Швајцарија е убедена дека Русија мора да биде вклучена во тој процес“, соопшти швајцарската влада. „Мировниот процес не е можен без Русија“.
Швајцарската влада соопшти дека отсекогаш била отворена за поканата на Русија, но Москва постојано нагласувала дека не е заинтересирана за учество на првиот самит.
Руските власти истакнуваат дека Швајцарија усвоила европски санкции против Москва поради инвазијата на Украина и затоа нема кредибилитет како неутрален посредник.
Свет
(Видео) Застрелани шест лица во Тексас, меѓу нив и деца
Најмалку шест лица на возраст од 3 до 19 години, од кои четири помлади од 15 години, се застрелани во станбена област во Форт Ворт, Тексас. Инцидентот се случил синоќа околу 19:30 часот кога полицијата добила дојава за пукање во западниот дел на градот, пишува „Еј-би-си Њуз“.
„Кога полицијата пристигна на местото на настанот во 19 часот и 38 минути, на паркингот пронашла неколку жртви со прострелни рани. Шест од нив се здобиле со полесни до тешки повреди“, соопшти полицијата во Форт Ворт.
Пет жртви биле префрлени во локалните болници, додека една одбила лекување. Засега не се знае каква е состојбата на жртвите кои се пренесени во болница.
„Потврдуваме дека на овој простор е забележано сомнително возило и дека најмалку едно или повеќе лица од автомобил пукале кон жртвите“, соопшти полицијата. Надлежните сметаат дека станува збор за изолиран инцидент и дека нема понатамошна опасност за јавноста. Покрената е истрага, а полицијата трага по напаѓачите.
Свет
Америка тврди: Русите користеле хемиско оружје во Украина, прекршена е меѓународната конвенција
Соединетите Држави официјално ја обвинија Русија дека користи хемиско оружје како метод за војување против Украина и воведоа нови санкции за руски компании и државни органи.
Во соопштението, американскиот Стејт департмент наведе дека утврдено е дека Русија употребила хемиско оружје хлоропикрин против украинските сили, што ја прекршува Конвенцијата за хемиско оружје (CWC).
Се додава дека Русија користела и солзавец.
„Употребата на таквите хемикалии не е изолиран инцидент и веројатно е поттикната од желбата на руските сили да ги избркаат украинските сили од вградените позиции и да добијат тактички предности на бојното поле“, се вели во соопштението.
Заклучокот на САД се совпаѓа со сведочењето на украинските војници кои велат дека се соочиле со зголемени средби со гас и други хемиски надразнувачи во делови од нивната линија на фронтот во последните месеци.
Украинските вооружени сили соопштија дека регистрирале повеќе од илјада инциденти во кои Русија употребила „муниција со солзавец со токсични хемикалии забранети за војување“, со 250 случаи само во февруари.
Русија негираше дека користела хемиско оружје.
Хлоропикринот бил широко користен како хемиски борбен агенс во Првата светска војна, но повеќе не е одобрен за воена употреба, а сега главно се користи во земјоделството. Ги иритира белите дробови, очите и кожата и може да предизвика гадење, повраќање и дијареа која трае со недели.
Се додава дека САД санкционираат три руски владини субјекти поврзани со програмите за хемиско и биолошко оружје на земјата и четири руски компании кои придонеле за тие тела.
Минатиот април, на самитот на Г7, министрите за надворешни работи на земјите-членки во заедничка изјава изјавија дека Русија ќе се соочи со „тешки последици“ за каква било употреба на хемиско, биолошко или нуклеарно оружје.
Оттогаш, американските власти предупредуваат дека Русија сепак го направила тоа. Во ноември, Мелори Стјуарт, помошник државен секретар на САД за контрола на вооружувањето, одвраќање и стабилност, ги наведе извештаите од Украина дека Москва користи „агенси за контрола на немири“ во војувањето.