Свет
Најмногу болни од рак има во Данска

Во Данска има највисок процент на заболени од рак во светот, секоја година заболуваат 326 на секои 100.000 луѓе, покажуваат податоците на Светската здравствена организација.Една од причините поради која, Данците се особено чувствителни во однос на ракот, е тоа што нивниот регистер за дијагностицирање на на ова заболување функционира многу добро. Од ова произлегува дека лекарите од оваа држава регистрираат повеќе случаи, отколку во која било друга држава во светот.Но исто така, врз ова влијае и начинот на живот, кои го покажуваат своето влијание низ бројките кои ги објави, Светскиот фонд за истражување на ракот.Процентот на Данците кои пушат е повисок од просекот, а исто така е висок и процентот на консумирачите на алкохол.И двата фактори ја зголемуваат опасноста од развивањето на ракот. Податоците покажуваат дека во државите со високи приходи процентот на болните од рак е повиско отколку во послабо развиените земји.Тринаесет европски држави, САД, Канада, Австралија и Нов Зеланд припаѓаат меѓу 20-те држави со најмногу болни од рак.Тоа најверојатно се должи на подобрата дијагностика во развиените земји, но тука големо влијание има и тоа што богатите луѓе имаат прекумерна тежина и вршат помала физичка активност, што исто така го зголемува ризикот од појава на рак./крај/бгнес/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Русија и Украина утре ќе разменат 175 воени заробеници

Русија и Украина утре ќе разменат 175 воени заробеници од двете страни, изјави претседателот Владимир Путин за време на телефонскиот разговор со неговиот американски колега Доналд Трамп.
-Путин објави дека на 19 март руската и украинската страна ќе разменат по 175 затвореници, се вели во соопштението на Кремљ.
Белата куќа, од своја страна, објави дека Трамп и Путин се договориле за 30-дневен прекин на огнот во енергетскиот и инфраструктурниот сектор на Украина и дека преговорите за ставање крај на конфликтот ќе започнат „веднаш“.
Тие разговори ќе бидат на Блискиот Исток, соопшти Белата куќа, пофалувајќи ги „огромните придобивки од подобрените односи“ меѓу САД и Русија
Свет
Трамп: Со Путин е договорен прекин на огнот за енергетските и инфраструктурните објекти

Американскиот претседател Доналд Трамп изјави дека во денешниот телефонски разговор со неговиот руски колега Владимир Путин се договорил за итен прекин на огнот меѓу Русија и Украина во сите енергетски и инфраструктурни објекти.
„Се согласивме на итен прекин на огнот на сите енергетски и инфраструктурни објекти, со разбирање дека ќе работиме брзо за да постигнеме целосен прекин на огнот и, на крајот, да ставиме крај на оваа многу страшна војна меѓу Русија и Украина. Оваа војна никогаш немаше да започне ако јас бев претседател“, рече Трамп на Truth Social.
Тој додаде дека имал „многу добар и продуктивен“ разговор со Путин и дека разговарале за „многу елементи од мировниот договор, вклучувајќи го и фактот дека илјадници војници умираат“.
„Тој процес сега е во полна сила и ефект, и се надеваме, заради човештвото, дека ќе ја завршиме работата“, рече Трамп.
Свет
Гутереш ги повика Израел и Хамас целосно да го почитуваат прекинот на огнот во Газа

Генералниот секретар на Обединетите нации Антонио Гутереш денеска ги повика Израел и палестинската милитантна група Хамас целосно да го почитуваат прекинот на огнот во Појасот Газа.
Тој рече дека Палестинците во Појасот Газа се подложени на „неподносливо страдање“ додека израелските напади продолжуваат немилосрдно.
Гутереш им рече на новинарите во Женева дека улогата на ОН е меѓународната заедница да изврши притисок врз Израел и Хамас целосно да го почитуваат прекинот на огнот во Појасот Газа, пренесе Ал Џезира.
Министерството за здравство на Хамас објави дека повеќе од 400 луѓе, главно палестински деца и жени, биле убиени во текот на ноќта во израелските напади врз Појасот Газа.