Регион
Сирискиот бомбаш во Турција влегол како бегалец
Бомбашот самоубиец на екстремната сунитска организација Исламска држава кој уби во вторникот десет германски туристи во центарот на Истанбул, влегол во Турција како бегалец од соседна Сирија и не бил под надзор бидејќи не бил на никаков список на сомнителни лица, изјави турскиот премиер Ахмет Давутоглу.
Бомбашот самоубиец кој се разнесе во вторникот претпладнето на истанбулскиот плоштад Султанахмет, бил регистриран во миграциското биро во Истанбул пред една седмица.
Турција од почетокот на сириската војна во март 2011 година примила 2,2 милиони бегалци и ги држи границите отворени, а преку нив минуваат странски милитанти на патот кон Сирија и Ирак каде ѝ се придружуваат на џихадистичката група Исламска држава.
„Тој поединец не бил под надзор. Влегол во Турција нормално, како бегалец, како некој кој бара засолниште“, изјави турскиот премиер Ахмет Давутоглу на прес-конференција.
Терористот е идентификуван од останките на неговиот череп, лицето и ноктите, додаде Давутоглу и потврди дека неговите отпечатоци од прсти се земени пред една седмица во миграциското биро.
„По нападот неговите врски се откриени, а меѓу нив е и Даеш (арапскиот акроним за Исламската држава), но ние се сомневаме дека некои сили можеле да го користат Даеш“, рече Давутоглу.
Исламската држава и овојпат како и во другите напади во Турција не се огласи со никакво соопштение со кое ја презема одговорноста за експлозијата во Истанбул.
Суниска Турција ги обвинува сирискиот претседател алавит (шиит) Башар ал-Асад и неговите сојузници шиитски Иран и Русија дека соработуваат со Исламската држава за да ја уништат сириската опозиција. Асад, пак, од почетокот на сирискиот конфликт ја обвинува Турција дека преку своите тајни служби учествувала во радикализирање на сунитската опозиција во Сирија, како и дека ја вооружува, а Москва обвинува дека членови од блиското опкружување на турскиот претседател Реџеп Тајип Ердоган тргуваат со украдената сириска и ирачка нафта од Исламската држава, со што придонесуваат за нејзиното финансирање.
Турција по долготрајните забелешки од нејзините западни сојузници за млакото однесување кон трансферот на странските џихадисти преку нејзината територија, од јули минатата година е цел на радикалните сунитски муслимани кои извршија на нејзина територија два големи терористички напада, во градот Сирич во близина на сириската граница во кој загинаа 32 лица, и во престолнината Анкара кога беа убиени повеќе од 100 луѓе, а во двата случаи цели на нападите беа прокурдски и левичарски активисти.
Давутоглу, пак, за турските проблеми со Исламската држава ја обвини Русија, велејќи дека руското вклучување во акциите против џихадистите во Сирија „е отежнувачки фактор“ и додаде „Тие (руската авијација) не би смееле да ја опструираат турската борба против Даеш“, без да прецизира на што мисли.
Го пофали турскиот водич на германската туристичка група кој, според пишувањето на весникот Hurriyet, на туристите им викал „Бегајте“ кога видел како бомбашот го извлекува сигурносниот затворач од експлозивот, и со тоа предупредување барем на некои им помогнал да се спасат.
Германскиот министер за внатрешни работи Томас де Мезиер во средата допатува во Истанбул и изјави дека нема показатели дека германските туристи биле избрани цели, како и дека не гледа причина да се откажат туристичките патувања во Турција. „Германија решително стои зад Турција во борбата против тероризмот“, рече де Мезиер.
По нападот турските сили привеле вкупно 65 лица, вклучително и 16 странски државјани, а руското министерство за надворешни работи потврди дека меѓу нив има тројца руски државјани.
По минатогодишното турско соборување на рускиот бомбардер над сириската граница по што Москва ги прекина пријателските односи со Анкара и воведе санкции, шефот на руската дипломатија Сергеј Лавров, барајќи да биде суспендиран безвизниот режим меѓу двете земји, меѓу другото истакна дека во многу случаи Турција одбивала на Русија да ѝ ги екстрадира руските државјани кои се осомничени како радикални исламисти од претежно доминантно миуслиманските кавкаски републики, и наместо тоа ги протерувала во трети земји.
Турските конзервативно-исламистички власти ги отфрлаат критиките дома и од странство дека не вложуваат доволни напори во борбата против Исламската држава, што министерството за внатрешни работи го негира со податокот дека за само една седмица биле приведени 200 осомничени.
Турција притворила 3.318 лица осомничени за поврзаност со Исламската држава или со други терористички групи, во изминатите пет години од почетокот на војната во Сирија. Од тоа 847 потоа биле уапсени, главно странци, изјави министерот за внатрешни работи Ефкан Ала. Додаде дека Турција повеќепати ги повикала странските разузнавачки служби да работата повеќе за да ги спречат потенцијалните џихадисти да патуваат во Турција, од каде што патуваат до боиштата на кои ѝ се приклучуваа на Исламската држава./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Вучиќ: Тешка вечер за граѓаните на Србија, со некое чудо успеавме да го зачуваме мирот
Српскиот претседател Александар Вучиќ ги обвини демонстрантите за насилство синоќа, во услови на бран нови антивладини протести, и рече дека државата нема намера да распореди војска и дека нема да има граѓанска војна.
Вучиќ го одржа вонредното обраќање кратко пред полноќ откако беа организирани протести во неколку градови низ Србија – особено во Нови Сад, Белград и Ниш – поради насилството на поддржувачите на владејачката Српска напредна партија (СНС) врз граѓаните на претходните демонстрации во вторник вечерта во Врбас и Бачка Паланка.
Според Вучиќ, повеќе од 60 граѓани биле повредени во инцидентите во Нови Сад во среда вечерта. Тој додаде дека 16 полицајци биле повредени, меѓу кои двајца со сериозни повреди на вилицата и градниот кош.
Српскиот претседател изјави дека „се воспоставува контрола“ и дека повеќе полицајци ќе излезат на улиците.
„Вечерва е тешка вечер за граѓаните на Србија. Важно е што, благодарение на мудроста и трпението на огромен број граѓани, засега чудесно успеавме да го зачуваме мирот“, рече Вучиќ.
Тој со драматичен тон изјави дека во Нови Сад „до пред неколку минути беше прашање дали околу 300 граѓани кои ја чуваа својата куќа ќе преживеат“, алудирајќи на поддржувачите на СНС собрани пред седиштето на партијата во Нови Сад кои, како што рече, „се спротивставија на тепачите и блокадерите“.
Спротивно на изјавите на шефот на државата и полицијата, демонстрантите го тврдат спротивното – дека се обвинети за насилство, но дека всушност се синхронизирано нападнати од поддржувачи на СНС, меѓу кои, како што тврдат, има луѓе со „сомнително минато“, ангажирани да предизвикуваат инциденти и да провоцираат полициска интервенција.
Демонстрантите тврдат дека на улиците ги извела политиката на владејачката партија и српскиот претседател Вучиќ, кои упорно одбиваат да воспостават владеење на правото, да ги регулираат институциите, да спроведат истрага и да ги изведат пред лицето на правдата сите одговорни за уривањето на настрешницата на железничката станица во Нови Сад на 1 ноември минатата година, кога загинаа 16 претежно млади луѓе.
Трагедијата во Нови Сад во ноември минатата година беше проследена со бран протести во кои се појави студентско движење, кое бараше уредно општество со владеење на правото и сузбивање на корупцијата, како и функционирање на институции ослободени од политички притисок и влијание.
Последното во низата барања е распишување предвремени избори, што владата досега упорно одбиваше да го стори.
фото: принтскрин
Регион
(Видео) Судир меѓу поддржувачите на СНС и граѓани во Нови Сад, маж извади пиштол
Во близина на просториите на Српската напредна партија во Нови Сад, избувна судир меѓу поддржувачите на СНС и Александар Вучиќ и граѓани, а едно лице беше снимено со пиштол.
Граѓаните се приближија кон просториите на СНС одзади, каде што избувна тепачка. Според новинскиот портал „Разглас“, некој од присутните пукал во воздух, по што некои граѓани се оддалечиле.
#Serbia | #BREAKING:#CONFIRMED pro-SNS individual used a handgun in front of the local SNS building in Novi Sad to disperse the protesters.#SNS #NoviSad #blokada #pistolj https://t.co/GPsii8GbPw pic.twitter.com/IrRLtQNiNx
— Luka | Дунав Intel (@Lukai1861) August 13, 2025
Исто така, беше снимено видео на кое се гледа како маж си оди со кренат пиштол. Снимката ја објави Н1 Србија.
Malo pre nego je izvadjen pištolj!Novi Sad pic.twitter.com/eUmacIhYLC
— Branka Zaric (@branka_zaric) August 13, 2025
Потоа на местото на настанот пристигна жандармериски кордон и ги одвои граѓаните и поддржувачите на СНС.
Како што можеше да се види на снимката од телевизијата Н1, граѓаните бегаа во паника и викаа дека некој извадил пиштол.
фото: принтскрин
Регион
(Видео) Нов жесток напад врз демонстрантите во Србија
Протестите продолжуваат во неколку градови во Србија вечерва по вчерашните напади од страна на поддржувачите на Српската напредна партија (СНС) врз демонстрантите во Врбас и Бачка Паланка. Собирите беа организирани од „студенти во блокада“, кои ги повикаа граѓаните да излезат на улиците и да протестираат пред канцелариите на СНС и полициските штабови.
Најголемите собири се одржуваат во Белград, Нови Сад, Ниш, Крагуевац и други градови, вклучувајќи ги Суботица, Шабац, Лесковац, Сомбор, Панчево и Ваљево.
Novi Sad
SNS na gradjane pirotehnikom pic.twitter.com/8tk37G5df0— Žaklina Tatalović (@zaklina_prva) August 13, 2025
Ескалација во Нови Сад вечерва
Ситуацијата во Нови Сад ескалираше кога пиротехнички средства беа лансирани кон граѓаните од правец на просториите на СНС. Демонстрантите одговорија со кршење прозорци во партиските простории, по што полицијата во опрема за разбивање демонстрации, формираше кордон. На протестот беа фрлени и факели.
Протестната колона во Нови Сад тргна од студентскиот кампус, по дебатата „Медиумите во ерата на репресија“, кон главните простории на СНС.
Вчера во Врбас, поддржувачи на СНС и Александар Вучиќ ги нападнаа демонстрантите со пиротехнички средства, камења, шишиња и клучеви. Еден граѓанин претрпе повреда на ногата, а помошник снимател на Н1 беше погоден со камења. Сличен напад се случи и во Бачка Паланка.
Директорот на српската полиција, Драган Васиљевиќ, изјави дека полицијата „спречила големи конфликти“ синоќа, дека граѓани и полицајци биле повредени, а неколку лица биле приведени. „Не заштитувавме една група, туку јавен ред и мир“, рече Васиљевиќ.
фото: принтскрин
Активни два пожари на територијата на Македонија, под контрола ставени три
Центарот за управување со кризи извести дека во последното деноноќие, до 7 часот утрово на територијата на Македонија имало вкупно...
Вучиќ: Тешка вечер за граѓаните на Србија, со некое чудо успеавме да го зачуваме мирот
Српскиот претседател Александар Вучиќ ги обвини демонстрантите за насилство синоќа, во услови на бран нови антивладини протести, и рече дека...
(Видео) Украинците нападнаа рафинерија за нафта во Волгоград, избувна пожар
Во напад со дронови во текот на ноќта беше погодена рафинерија во рускиот град Волгоград, предизвикувајќи излевање на нафта и...
Откриено е што Трамп ѝ понуди на Украина во замена за прекин на огнот; Оптимизам во Европа
Американскиот претседател Доналд Трамп им кажал на европските лидери и на украинскиот претседател дека САД се подготвени да обезбедат безбедносни...
Каде ќе се одржи самитот Трамп-Путин? Локацијата има големо историско значење
Средбата меѓу американскиот претседател Доналд Трамп и рускиот претседател Владимир Путин в петок ќе се одржи во Елмендорф-Ричардсон, воена база...
(Видео) Судир меѓу поддржувачите на СНС и граѓани во Нови Сад, маж извади пиштол
Во близина на просториите на Српската напредна партија во Нови Сад, избувна судир меѓу поддржувачите на СНС и Александар Вучиќ...
Британски „Тајмс“: Новиот план на Трамп – Украина ќе ги зачува своите граници, но територијата ќе биде окупирана од Русите?
Русија и САД разговарале за израелската окупација на Западниот Брег како можен модел за завршување на војната во Украина, дознава...
Трамп по разговорот со европските лидери и со Зеленски: Русија ќе се соочи со последици ако не се движи кон мировен договор
Американскиот претседател Доналд Трамп изјави дека денешниот разговор со европските лидери и украинскиот претседател Володимир Зеленски бил „многу добар“. „Тој...
Зеленски не го промени својот став за територијалните отстапки
На прашањето дали го променил својот став за предавањето на источниот регион Донбас по денешните разговори, украинскиот претседател Володимир Зеленски...
Што сакаа да постигнат европските лидери преку разговорот со Трамп?
Можноста, американскиот претседател Доналд Трамп самиот да седне со Владимир Путин, предизвика нервоза кај европските лидери. Иако Трамп јавно покажа...
(Видео) Повторно излезе од контрола пожарот во Јасен
Состојбата со пожарот во ловиштето Јасен е променлива, и во моментот не е воспоставена контрола, информираше директорот на Дирекцијата за...
Според очевидците пожарот кај Јасен бил разгорен од удар на гром, Мицкоски вели се прават натчовечки напори
Премиерот Христијан Мицкоски денеска заедно со директорот на Дирекцијата за заштита и спасување беше во ловиштето „Јасен“, каде што веќе...
Уставен оформи предмет за вториот протокол меѓу Македонија и Бугарија
Уставниот суд оформи предмет по иницијатива на Лилјана Поповска, со која се оспорува протоколот од вториот состанок на Заедничката меѓувладина...
Почина оперската дива Милка Ефтимова
Почина оперската примадона Милка Ефтимова, доајен на Македонската опера и амбасадор на македонската уметност и култура во светот. Во својата...
(Видео) Мицкоски: Рамковниот договор 24 години потоа донесе мир и стабилност
Рамковниот договор е потсетник на една длабока вистина – дека државата ја имаме само ако ја чуваме заедно, по пат...
Уапсен скопјанец, фрлал камења кон полициски хеликоптер додека полнел вода за гаснење пожар
Вчера вечер, во 18:55 часот, полициски службеници од ПС Карпош го лишија од слобода И.А. (55) од Скопје поради сомнение...
ЦУК: Изгаснати 28, активни три пожари
До 08:00 часот, на територијата на Македонија имаше вкупно 33 пожари на отворен простор, од кои активни се три пожари,...
Комисијата на СЗО: Топлотните бранови повеќе не се климатска закана, туку здравствена криза
Екстремните временски услови што ги засегаат Европа и Централна Азија повеќе не се само климатска закана, туку и сериозен проблем...
Димова: Повеќе од пет години не сум директорка на несреќната институција, недолично е да се кажуваат лаги
Повеќе од пет години не сум директорка на оваа несреќна институција и сметам дека е недолично да се кажуваат лаги...
Пожарот кај Јасен сè уште активен, патот Македонски Брод – Скопје затворен за сообраќај
Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила,...
