Европа
Повеќе приведени во антитерористичката операција во Франција
Француските безбедносни сили извршија претреси и приведувања во големата антитерористичка операција извршена во неколку градови во различни деливи на земјата, пренесуваат во понеделникот медиумите.
Првите претреси се извршени во неделата доцна ноќта во местото Бобињи, во близина на француската престолнина, во рамките на истрагата за терористичките напади во Париз од петокот вечерта. Според, медиумските извештаи, еден човек е уапсен, но полицијата не соопштува повеќе поединости.
Најмалку три лица се уапсени во јужниот град Тулуз ноќта кон понеделникот Полицијата запленила оружје и наркотици во рамките на претресите во неколку станови во кварт во кој живеел терористот Мохамед Мера, кој во 2012 година изврши неколку напади во кои беа убиени седум лица, меѓу кои француски војници и деца од еврејско училиште. Притоа, од обвинителството на Тулуз изјавиле дека операцијата била спроведена независно од истрагата за париските напади и била насочена кон спречување терористички активности, пренесува телевизијата BFM.
За значителен успех на антитерористичката операција во областа на Гренобл, во источна Франција, пишува електронското издание Dofin Libere. Таму безбедносните сили уапсиле најмалку шест лица, а било запленето големо количество оружје и лични предмети.
Уште еден маж е уапсен во градот Жемон, во регионот Норд-Па-де-Кале, каде што во рамките на антитерористичката операција биле спроведени претреси на неколку адреси. Телевизијата BFM го пренесува коментарот на експерт на локалната полицијата кој прецизира дека оваа операција „како и во неколку други градови, се изведува со цел, пред сé, во потрага по скривалишта на оружје./крај/мф/сн
Извор: BFM TV
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во неговото креветче и веднаш повикале помош, но веќе било доцна.
Медицинскиот персоналнал направил се, за да го реанимира бебето, дури го пренеле во најблиската болница Форнароли во Магента, но не можеле ништо да направат за да го спасат детето.
Момчето починало во истата болница каде што било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи, Аналена Бербок, изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер-нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер-напади врз СДП и германски компании од секторите на одбраната, авијацијата и информатичката технологија.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.