Регион
Србија подготвува голем дочек на Путин, балансирајќи меѓу Русија и ЕУ
Рускиот претседател Владимир Путин во Белград ќе биде пречекан со особени почести, меѓу кои се издвојува неговото присуство на воената парада во чест на 70-годишнината од ослободувањето на српската престолнина за време на Втората светска војна. Србија го зема курсот на евроинтеграциите но се труди да ги има предвид и интересите на Русија, со којашто тесно е поврзана културно, политички и економски, и од којашто очекува нови инвестиции, оценува пред посетата на рускиот челник агенцијата РИА Новости.
Поради доаѓањето на рускиот претседател, српските власти ја поместија датата на традиционалното одбележувањето – 20-ти октомври, кога се одбележува Денот на ослободувањето на Белград, а покрај тоа и првпат по 1985 година ќе се одржи воена парада, во којашто ќе учествуваат 4.500 војници од сите родови војска.Посетата на Путин на Србија се случува во периодот кога владата во Белград се обидува да балансира меѓу интересите на Истокот и на Западот. Од една страна, српските власти се определија во своите намери да се приближат кон Европската унија. Од друга страна, пак, тесните историски и економски врски со Русија, со која Белград има договор за слободна трговија и договор за стратешка соработка, го тераат Белград да дејствува земајќи ги предвид сите интереси. Притоа, на адреса на Белград се сѐ погласни критиките од Западот во врска со одбивањето да се придружи на санкциите против Русија поради украинската криза.Србите упорно стојат на своите позиции, а надворешниот притисок од Западот по споменатото прашање, Белград веќе и не го одрекува. Мината седмица српскиот амбасадор во Москва, Славенко Терзиќ изјави дека „неодамна еврокомесарот (за регионални политики) Јоханес Хан напомна дека е потребно уште еднаш да се разговара за пристапувањето на Србија кон ЕУ“.Европската унија и земјите од групата седум најразвиени земји Г7 предводени од САД од пролетва воведоа неколку пакети санкции против руски политичари, деловни луѓе и компании, од секторите на одбраната, енергијата и финансиите, поради присоединувањето на црноморскиот полуостров Крим на Руската Федерација, што Западот го смета за руска анексија на украинската територија, како и поради разгорувањето на украинските криза и конфликтот во југоисточните проруски региони за што е обвинета Москва. Од друга страна, Русија наметна ембарго за увозот на земјоделски и прехранбени производи од ЕУ, САД, Канада, Австралија…, што некои земји како Србија, на пример, се обидуваат да го искористат за пласирање на своите производи.Но покрај политичките аспекти, Србија ја загрижуваат и економските прашања. Белград, кој буџетскиот дефицитот, кој во 2014 година го проектираше на 8,5 отсто од бруто домашниот производ (БДП), очекува од Русија економска поддршка, и земјата јасно се дефинира во градењето на стратешко партнерство со Москва, смета српскиот политички аналитичар Драгомир Анѓелковиќ.Токму и за тоа во својата последна изјава говореше шефот на српската влада Александар Вучиќ. Според него, за време на посетата (на Путин) „ќе бидат дискутирани конкретни теми за соработката на двете земји во областа на економијата, енергетиката и земјоделието“. „Поточно, Србија очекува зајакнување на економската соработка, не само преку меѓусебната трговија, туку сериозно преку влез на руски капитал во стратешките области, како што е учеството во компанијата ‘Петрохемија’. На самата Србија на внатрешен план ѝ е потребен некој вид баланс. Тоа значи дека за Белград е важно да го зголеми уделот на Русија не само во енергетиката, туку и да има руско присуство и, на пример, во медиумите и другите важни сфери кои влијаат врз општествено-политичкиот живот“, вели аналитичарот Анѓелковиќ во разговорот за РИА Новости.Кога станува збор за можностите за соработка во воената сфера, Србија нема финансиски капацитети да се снабдува со нова технологија, но двете земји може да разгледаат учество во заеднички проекти во производството во одбранбената индустрија, смета натаму српскиот политиколог.За најголема руска инвестиција во Србија се смета купувањето на „Газпром нефт“ на контролниот пакет акции на српската национална нафтена компанија NIS во периодот од 2008 до 2009 година. Руската компанија купи 51 отсто акции во рамките на меѓувладините договори меѓу Белград и Москва, плаќајќи 400 милиони евра и обврзувајќи се на инвестиции во износ од 500 милиони евра.Другата голема руска инвестиција се однесува на идниот магистрален дел од рускиот гасовод Јужен тек во должина од 422 километри на српска територија. Неговата вредност во јули годинава беше проценета на 2,1 милијарди евра, а на неговата изградба ќе бидат ангажирани околу 2.500 луѓе. Србија, исто така, очекува дека нејзините приходи од транспортните такси и даноци на гасоводот ќе изнесуваат 300 милиони евра годишно./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Советот на Европската Унија го усвои планот за раст за Западен Балкан
Советот на Европската Унија денеска даде зелено светло за воспоставување на инструментот за реформи и раст за Западен Балкан.
Ова го претставува финансискиот дел од планот за раст за Западен Балкан, кој на земјите од нашиот регион, вклучително и Србија, им обезбедува шест милијарди евра од буџетот на Европската Унија, две милијарди директна помош и четири заеми.
За да добијат пари, земјите треба да подготват реформски агенди, во кои ќе наведат кои реформи ќе ги спроведат.
Дополнително, предуслови за добивање пари, меѓу другото, се почитување на демократските принципи, слободни и фер избори, медиумски плурализам, независност на судството, владеење на правото.
Дополнителни предуслови имаат и Белград и Приштина, што е видливо поместување во нормализацијата на односите, како и исполнување на обврските што произлегуваат од претходно договорените договори.
Регион
Кинескиот претседател денеска пристигнува во Белград: ќе го чуваат илјадници полицајци
Кинескиот претседател Шји Џјинпинг денеска доаѓа во официјална посета на Белград, а според „Танјуг“, за неговото пристигнување се преземени големи безбедносни мерки, па неговата делегација ќе ја штитат 3.400 полицајци.
Ќе го пречекаат српските ловци „миг-29“, кои ќе го следат неговиот авион од границата, а на аеродромот во Белград во негова чест ќе биде построена стража на војската на Србија.
Покрај автопатот во Белград се поставени кинеското и српското знаме, а пред Палатата „Србија“ ќе биде организиран и свечен пречек на кинеската делегација, броена од 400 луѓе, а планирано е да се потпишат повеќе од 30 договори.
Ќе биде организиран и свечен ручек, кинескиот претседател ќе има можност да дегустира српски јадења и вина, а ќе има и музичка програма на српски и кинески јазик“.
Домаќин на кинескиот претседател ќе биде српскиот претседател Александар Вучиќ.
Шји последен пат беше во Србија во 2016 година, што беше прва посета на претседателот на Кина на Србија по 32 години и по тој повод беше потпишана декларацијата за стратешко партнерство.
Вучиќ се сретна со Шји во октомври минатата година во Пекинг кога беа потпишани 18 договори, меѓу кои и договорот за слободна трговија меѓу Србија и Кина, кој набргу треба да стапи во сила.
Ова е прва посета на претседателот Шји на Европа во последните пет години од избувнувањето на пандемијата на Ковид-19, а за време на оваа европска турнеја тој ќе посети само три европски престолнини – Париз, Белград и Будимпешта.
Петдневната турнеја ја почна со посета на Франција на 5 мај, во Белград доаѓа на 7 мај, а потоа ќе ја посети Будимпешта.
На последната средба меѓу кинескиот и српскиот претседател во октомври минатата година во Пекинг, покрај договорот за слободна трговија, беа потпишани и неколку билатерални документи, како оние за полициска соработка во управувањето со вонредни ситуации, изградбата на патишта, индустриски парк, извоз на јаболка, дигитализација.
Регион
„Албанијан пост“: Франција побара Советот на Европа да ја одложи одлуката за членство на Косово
Франција испрати демарш до земјите-членки на Советот на Европа со барање за одложување на одлуката за прием на Косово во Советот на Европа поради неисполнување на обврската за формирање на Заедницата на српските општини, објави порталот „Албаниан пост“, повикувајќи се на дипломатски извори.
Денеска во Стразбур треба да се одржи последниот состанок на амбасадорите пред состанокот на министрите, кои на 16 и 17 мај треба да ја донесат конечната одлука за прием на Косово во оваа меѓународна организација, пишува медиумот.
Порталот наведува дека според нивните сознанија, амбасадорите на земјите членки на Советот на Европа нема да го стават прашањето за членството на Косово на дневен ред на мајскиот министерски состанок.
Причината е што Косово нема преземено никакви чекори кон формирањето на Заедницата на српските општини.
Агенцијата „Бета“ во понеделникот објави дека објавената агенда на состанокот на Комитетот на министри на Советот на Европа, што ќе се одржи на 16 и 17 мај, укажува дека нема да се донесе одлука за Косово.
„Иако германската позиција до сега не беше јасна, сега се чини јасно дека и Германија зазема став дека владата на Курти мора да преземе конкретни чекори во однос на Асоцијацијата за да добие членство во Советот на Европа. Франција, Германија и Италија веќе се на мислење дека членството на Косово во Советот на Европа може да се одложи до моментот кога Владата на Косово ќе ја докаже својата посветеност на имплементацијата на Асоцијацијата со испраќање нацрт до Уставниот суд“, објави „Албаниан пост“.
Порталот додава дека ваквиот пристап не бил поддржан од Велика Британија, која смета дека прашањето за Заедницата на српските општини не треба да се меша со членството во Советот на Европа.
„И покрај епилогот од состанокот, постои техничка можност Косово да биде на дневен ред неколку дена пред министерскиот состанок. Јасно е, меѓутоа, дека тоа нема да се случи во отсуство на видлив напредок кон имплементација на Асоцијацијата од страна на Курти“, заклучува албанскиот портал.
Францускиот претседател Емануел Макрон и косовскиот премиер Албин Курти телефонски разговараа на 23 април. Како што соопштија од кабинетот на Макрон, францускиот претседател го повикал Курти за целосно спроведување на бриселските и охридските договори.
„Сепак, и во контекст на барањето на Косово за членство во Советот на Европа, тој ја подвлече важноста што Франција ја придава на брзиот и неповратен напредок во спроведувањето на Заедницата на општини со српско мнозинство“, објави француското претседателство во соопштението.