Европа
И во западна Украина побараа автономија
Неколку стотици активисти на граѓански здруженија протестираа пред зградата на локалната власт во западниот украински град Л’вов, барајќи автономија за Л’вовскиот регион кој инаку е далеку илјада километри од побунетиот рускојазичен исток каде регионите Донецк и Луганск треба да добијат таков „специјален“ статус во рамките на мировниот договор од февруари што во Минск го потпишаа челниците на Украина, Русија, Франција и Германија.
Акцијата на поддржувачите на ткн Галициска автономија, како што пишува порталите dialog.ua и bagnet.net, се одржала со учество на 300 лица кои носеле транспаренти со натписите „Порошенко го предаде својот народ“, „Специјален статус за Галиција – реална автономија за Л’вовскиот регион“, „Галиција – тоа е Европа“, „Стоп за хранењето на крадците од Киев“, „Даноците за потребите на Л’вовскиот регион“.
Еден од организраторите на манифестацијата, Данило Повидалчик, истакнал дека во услови кога сее објавени уставните реформи, жителите на Галиција, која се наоѓа кон границата со Полска и Белорусија, „не сакаат да бидат граѓани од втор ред“.
„Не е поразена корупцијата на централните власти, парите кои им припаѓаат на работниците и пензионерите од нашиот региони, завршуваат во џебовите на престапните чиновници во Киев, па оттаму бараме реална автономија за Л’вовскиот регион, во рамките на процесот на уставните реформи кои ги објави претседателот Петро Порошенко“, рекол Повидалчик.
Учесниците побарале и право регионот да спроведува сопствена царинска политика, особено во надворешната трговија со Европската унија, со којашто практично граничи, о автономија на тарифните политики. Од собирот на претставникот на државната администрација му била предадена резолуција со барањата.
Овие акции следеа откако минатата седмица во Мукачево во Л’вовскиот регион дојде до престрелка меѓу припадниците на неонацистичкото движење Десен сектор и полицијата, во кои имаше мртви и ранети, а како заднина на инцидентот беше истакната желбата на одредени структури да ги контролираат каналите за извоз и увоз кон Европската унија, поради криумчарење. По тоа се зголемија тензиите меѓу киевските власти и националистите низ целата земја.
Пред петочниот собир, претставниците на Десниот сектор за Л’вов и повикаа украинските служби да го спречат неговото одржување и „да не дозволат манифестации на сепаратизам во Украина и особено во Л’вовскиот регион“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.