Европа
Шпанија: Мас подготвен за нови избори во Каталонија, Рахој не гледа алтернатива во нив
Каталонскиот сепаратистичкиот челник Артур Мас изјави во вторникот дека и против своја волја е подготвен да распише нови парламентарни избори, бидејќи крајниот рок до кој поборниците за независност на оваа шпанска покраина требаа да формираат влада речиси истече, а истовремено вршителот на должноста шпански премиер Маријано Рахој изјави дека не гледаа алтернатива во повторувањето на изборите во Каталонија, имајќи предвид дека поборниците на независноста не можат да се договорат кого да го именуваат на чело на покраинската влада.
„Подготвен сум, и против својата волја зашто тоа не е она што го посакувавме и не она што го сакав, но подготвен сум да го потпишам указот да се одржат нови избор“, изјави Артур Мас за новинарите во Барселона, откако различните фракции во рамките на сепаратистичкото парламентарно мнозинство на септемвриските избори досега не успеаја да се согласат кој треба да ја води владата на Каталонија.
Каталонската сепаратистичка и екстремно лева партија CUP објави во неделата дека нема да ја поддржи каталонската влада предводена од челникот на движењето за автономија Артур Мас, што може да предизвика нови избори во шпанската покраина во која сегашното мнозинство пратеници се залагаат за отцепување од Шпанија.
На Артур Мас, кандидат на сепаратистичката коалиција Junts pel Si (Заедно за Да), која доби 62 мандати во 135-члениот каталонски парламент на изборите на 27-ми септември, му беа потребни најмалку 2 од 10-те гласови на CUP за да стане каталонски премиер. Доколку двете страни не се договорат до следната сабота, 9-ти јануари, околу името на можниот нов кандидат, ќе мора да се организираат нови избори.
Неуспешното составување на каталонската влада ја одразува политичката ситуација и на национално ниво во Шпанија по изборите од 20-ти декември, на коишто победи конзервативна Народна партија (PP) на поранешниот премиер Маријано Рахој, но не успеа да освои апсолутно мнозинство, така што постои голема веројатност и цела Шпанија да оди повторно на парламентарни избори годинава.
„Искрено не знам што би можело да се случи во следните пет дена, но верувам дека би било најдобро да (вршителот на должноста регионален премиер Артур) Мас да се откаже од независноста, а имајќи предвид дека тоа се чини невозможно, нема алтернатива за изборите“, изјави Рахој во интервју за државното радио.
Изгледите за одржување нови избори во Каталонија, најверојатно во март, ја зголемуваат веројатноста за одржување на повторените парламентарни избори на национално ниво оваа година, бидејќи намалената закана од силна каталонска влада која бара одвојување од Шпанија ќе го намали притисокот врз партијата од десниот центар на Рахој и врз опозициските социјалисти да формираат голема коалиција за да се спротистават на сепаратистичката каталонска администрација./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.