Спорт
Разочарувачки пораз на ракометарите
Македонија – Унгарија 22:29 (6:16). И покрај најавите дека против Унгарците ќе играме на победа и на обезбедување на пласманот на ЕП 2012, на натпреварот видовме очајно издание на нашиот тим
Унгарците поведоа од првата минута и водството, благодарејќи на головите на браќата Иванчик, полека го зголемуваа. На средината на полувремето беше 5:10. Нашиот состав делуваше како набрзина присобрана екипа, без идеи и со еден куп технички грешки, па Унгарците направија серија од 5:0, поведоа со 15:5 и победникот беше познат, само се поставуваше прашање со колку голови на крајот ќе биде изразена победата. Резултатот на полувремето можеше да биде и уште посрамотен за Македонија да не беа седумте одбрани на голманот Ристовски, единствената светла точка во раштимуваниот состав.Во вториот дел гостинскиот селектор одлучи да ги одмори браќата Иванчик кои заедно постигнаа 9 голови и Илјеш, па влегоа и резервистите, па Македонија преку Димовски и Филип Лазаров успеа да намали и на седум голови во неколку наврати, па да го ублажи колку толку овој освестувачки пораз.За нашиот тим најмногу голови постигна Филип Лазаров, седум, од кои пет од пенал, а Димовски постигна 3 голови сите во второто полувреме. Мојсовски и Митков исто така постигнаа по три голови. Потфрли Наумче Мојсовски кој што беше комплетно исклучен од игра и постигна само еден гол во финишот. Во вториот меч од нашата група Естонија ја победи Босна и Херцеговина со 35:30.Табела: Унгарија 6, Македонија 3, Естонија 2, БиХ 1. /крај./макфакс/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Бјелица доби отказ
Фудбалскиот клуб Унион Берлин соопшти дека му ја врачил оставката на хрватскиот тренер Ненад Бјелица по серијата лоши резултати во Бундес лигата.
Челниците на Унион решија да го заменат Бјелица по поразот од Бохум (3:4) во 32. коло од Бундес лигата.
Хрватскиот тренер го презеде тимот од Берлин во ноември минатата година, откако беше отпуштен oд Урс Фишер.
Унион Берлин моментално е на 15. место на табелата во германскиот шампионат со 30 бодови.
Во соопштението на клубот се наведува дека тимот до крајот на сезоната ќе го води Марко Гроте.
„Со нетрпение го очекувам предизвикот и убеден сум дека ќе успееме да избегнеме испаѓање од Бундеслигата. Добро го познавам нашиот тим и знам дека сме способни за опстанок“, изјави Гроте, а пренесува официјалниот сајт на клубот.
До крајот на сезоната во Бундеслигата, Унион следната сабота му гостува на Келн, а потоа на 18 мај на домашен терен го пречекува Фрајбург.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.