Европа
Шојбле очекува ‘извонредно’ тешки преговори за Грција
Германскиот министер за финансии Волфганг Шојбле изјави во саботата во Брисел пред клучниот состанок на Еврогрупата во врска со предлогот на Грција дека очекува извонредно тешки преговори.
„Ќе имаме извонредно тешки преговори“, изјави германскиот министер за финансии Волфганг Шојбле по пристигнувањето во Брисел на вонредната средба на Еврогрупата, телото коешто го сочинуваат министрите за финансии на 19-те земји членки на еврозоната и кои треба да го дадат своето мислење за најновите грчки предлози за реформи, коишто Атина ги поднесе со барање да ѝ бидат дадени дополнителни заеми во износ од 53,5 милијарди евра во следните три години по линија на Европскиот механизам за стабилизација (ESM).
Шојбле притоа истакна дека отпишувањето на долговите, како што сугерираа САД и делумно ММФ не е дозволено според основните европски договори, и изрази сомневања во некои од бројките коишто се изнесени во грчката програма, „Не сме подготвени да прифатиме бројки кои не се веродостојни“, рече германскиот министер за финанси.
Слична беше и изјавата на челникот на Еврогрупата, холандскиот министер за финансии Јероен Дијселблом.. „Договорот уште не е тука, очекувам тежок состанок, бидејќи има многу критики на грчката реформска програма . Тука, исто така, е и прашањето на довербата. Како што можен да ѝ веруваме на оваа грчка влада дека ќе го спроведе она што го вети?“, запраша Дијселблом.
Еврогрупата започна со состанокот откако грчките доверители, Европската комисија, Европската централна банка (ЕЦБ) и Меѓународниот монетарен фонд (ММФ) оценија дека грчкиот реформски пакет, кој ноќта кон саботата го предаде владата во Атина откако го потврди грчкиот парламент, е добра основа за преговорите за новата програма за финансиска помош на Грција.
Челничката на ММФ, Кристин Лагард, изјави дека очекува напредок. „Денеска сме тука за да направиме голем напредок“, изјави Лагард за медиумите по пристигнувањето во Брисел каде што и таа ќе присуствува на вонредната средба на Еврогрупата.
Еврокомесарот за економски и финансиски работи, Пјер Московиси, изјави дека е неопходно „брзо да се спроведат реформите, за да се деблокира програмата за помош и да се разговара за прашањето на одржливост на грчкиот долг“.
Од друга страна, државниот секретар во холандското министерство за финансии Ерик Вјеберс изјави дека кај повеќе европски влади постојат сериозни сомневања во подготвеноста на грчката влада да ги спроведе реформите. „Повеќе влади од еврозоната, меѓу кои и мојата, сериозно се сомневаат во посветеноста на грчката влада и нејзината способност да ги спроведе предложените реформи. Разговараме за предлогот на грчката влада кој пред една седмица беше жестоко отфрлен. Тоа предизвикува сериозна загриженост“, реле Вјеберс.
Потпретседателот на ЕК задолжен за еврото и социјалниот дијалог, Валдис Домбровскиск, изјави дека реформската програма на грчката влада во голема мера е сличен на предлогот на третите институции доверители на Атина, коишто Грците на референдумот од 5-ти јули со огромно мнозинство го отфрлија следејќи го повикот на грчкиот премиер Алексис Ципрас.
Еден од најжестоките во критиките беше словачкиот министер за финансии, Петер Кажимир, кој изјави дека грчкиот предлог за реформи бил добар за завршувањето на втората програма за помош која истече на 30-ти јуни и која никогаш не беше докрај исполнета, но дека не е добар за третата програма. Истакна и дека гледа „голем проблем“ во одржливоста на грчкиот долг.
Доколку предлогот на Атина добие одобрување на состанокот на Еврогрупата, тогаш тој ќе може да послужи како основа за почеток на преговорите за третата програма за помош на Грција, а тоа би требало да го одобрат челниците на 28-те земји членки на Европската унија во недела на вонредниот самит во Брисел. Меѓутоа, дури и доколку на овој самите предлогот добие „зелено светло“, работата нема да биде завршена, бидејќи во некои земји членки програмата за помош мора да биде изгласана во националните парламенти.
Според коментарите коишто можеа да се слушнат изминатите денови, земјите членки на ЕУ се поделени во врска со грчкото прашање, Најпомирлива е Франција, којашто грчките предлози ги смета за веродостојни, а најтврда е Германија којашто силно се спротиставува на реструктуирањето на грчкиот долг./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.