Европа
Германскиот сатиричар одбива спогодба за наводните навреди на Ердоган
– Јан Боемерман
Германскиот сатиричар Јан Боемерман, против кој турскиот претседател Реџеп Тајип Ердоган подигна кривична пријава за навреда, одби да ја потпише изјавата во која се обврзува дека тоа дело нема да го повтори во иднина, изјави во четвртокот неговиот адвокат.
Германскиот сатиричар Јан Боемерман, против кој турскиот претседател Реџеп Тајип Ердоган подигна кривична пријава за навреда, одби да ја потпише изјавата во која се обврзува дека тоа дело нема да го повтори во иднина, изјави во четвртокот неговиот адвокат.
Истовремено и вработените во германскиот јавен сервис ZDF се побунија против симнувањето на спорниот сатиричен прилог од интернет страницата на телевизијата.
„Јан Боемернам нема да ја потпише изјавата во којашто се обврзува дека нема да го повтори делото поради коешто турскиот претседател Ердоган го тужи“, изјави адвокатот на сатиричарот, Кристијан Шерц.
Истовремено појасни дека турските адвокати „погрешно го сфатиле“ прилогот на Боермерман во емисијата „Neo Magazin Royale“, која пред две седмици беше емитувана на јавниот сервис ZDF.
„Целата работа е погрешно сфатена и извадена од контекстот. Во прилогот, всушност, станува збор за тоа што во Германија е дозволено, а што не“, изјави Шерц.
Боемерман во својата емисија, емитувана на 31-ви март, откако беше прочитана песната во која турскиот претседател Реџеп Тајип Ердоган е доведен во врска со педофилија и содомија, изјави дека станува збор за исмејување што во Германија е забрането. Тој, како што толкува неговиот адвокат, само сакал да укаже на тоа што во Германија е забрането.
Потоа турската влада на Германија ѝ упати барање за кривичен прогон на Боемерман повикувајќи се на членот 103 од германскиот кривичен законик кој предвидува казна за навреда на странски државници.
Германската влада од понеделникот го разгледува ова барање на Турција, nо во меѓувреме и Ердоган лично подигна пријава против Боемерман. Вработените во јавниот свет ZDF бараат во писмено соопштение враќање на спорниот прилог, кој е симнат од интернет ресурсот по избувнувањето на скандалот.
Случајот на Боемерман предизвика големо внимание во германската јавност и ја поттикна расправата за тоа дали германската влада да му излезе пресрет на еден државник кој спроведува контроверзна политика, особено кога станува збор за слободата на медиумите и мислењето.
Германската канцеларка Ангела Меркел во разговорот со турскиот премиер Ахмет Давутоглу ја критикувала содржината на прилогот на сатиричарот како обид за „свесно навредување“, но во повеќе наврати повтори дека за слободата на мислењето и уметноста, која ја гарантира германскиот устав – „не преговара“.
Боемерман би можел кривично да одговара врз основа на споменатиот член од германскиот кривичен закон, но, исто така, можено е избегнување на процес со постигнување спогодба, односно давање изјава за тоа дека нема да го повтори истото дело./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.