Европа
Оланд, Меркел и Путин за спроведување на договорот од Минск, и престанок бомбардирање цивилни цели
Францускиот претседател Франсоа Оланд и германската канцеларка Ангела Меркел повторно во петокот го повикаа рускиот претседател Владимир Путин „што поскоро да го спроведе“ договорот од Минск во врска со судирите во источна Украина, соопшти Елисејската палата. Истовремено Кремљ акцентот од телефонскиот разговор го става на загриженоста на рускиот челник од бомбардирањето на украинските сили врз цивилни цели и на можните мерки кои треба да се преземат за осигурување на траењето на прекинот на огнот.
Францускиот и германскиот челник, според француската страна, „го предупредија претседателот Путин дека мора што поскоро да ги спроведе мерките прифатени во Минск на 12-ти февруари“.
Оланд и Меркел во прв ред побарале придвижување „во врска со полното почитување на примирјето и со прекин на користењето на тешкото оружје, ослободување на заробениците и воспоставувањето на економските врски меѓу областите кои ги контролираат сепаратистите и остатокот од украинската територија“, истакнува Елисејската палата.
Двајцата западни челници, покрај тоа, изразиле желба „четирите работни групи за политичките, безбедносните, економските и хуманитарните прашања, основани на 6-ти мај (…) да донесат конкретни решенија“, додала германската канцеларка повикувајќи ги челниците на рускојазичните бунтовнции „активно и конструктивно“ да учествуваат во тие работни групи.
„Од руска страна беше истакната загриженоста во врска со зачестените бомбардирања од страна на украинските безбедносни сили врз цивилни објекти, кои доведоа до загинување на цивили“, се наведува во соопштението на Кремљ.
Руското претседателство, исто така, наведува дека биле разменети мислења за „можните дополнителните мерки, насочени кон почитување на прекинот на огнот и ескалација на тензиите“. Кремљ информира и дека во текот на тристраниот телефонски разговор, била истакната важноста за строго спроведување на договорите за повлекување на тешкото оружје под надзор на ОБСЕ и воспоставување демилитаризираната зона на линијата на судирот.
„Разгледувана беше кризата во Украина во контекст на потребата од исполнување од страните во конфликтот на југоистокот на сите точки од Комплексот мерки договорени во Минска на 12-ти февруари годинава. Истакната е важноста од строго реализирање на договореното за повлекување на тешкото вооружување под надзор на ОБСЕ и воспоставување на демилитаризираната зона на линијата на контактот“, се заклучува во соопштението на Кремљ./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.