Скопје
Град Скопје ги санираше последиците од невремето
По невремето со силен ветер и обилни врнежи од дожд што во вторник попладне го зафати Скопје, екипите на Градот и на јавните градски претпријатија веднаш излегоа на терен и ги санираа последиците.
Како што соопшти Град Скопје, екипите на Јавното претпријатие „Водовод и канализација“ вчера на терен беа излезени со целокупната механизација и интервенираа со десетина цистерни, а вода се исцрпуваше од подвозникот кај улицата „Павел Шатев“ и од подвозникот на булеварот „Србија“. Исто така, екипите интервенирале и кај клучката кај хотелот „Континентал“, на улицата „Владимир Назор“, на улицата „474“ кај црквата „Света Петка“ во Црниче и на улицата „Мишко Михајловски“.
Екипите на ЈП „Паркови и зеленило“ вчера интервенираа на расчистување на паднати дрвја и гранки на повеќе локации, и тоа две паднати дрвја беа расчистени од раскрсницата меѓу булеварот „Борис Трајковски“ и улицата „Народни херои“, а две паднати дрвја беа остранети од паркот кај училиштето „Невена Георгиева Дуња“. На улицата „Ѓорѓи Сугаре“ отстрането е едно дрво што паднало врз возило. На повеќе локации низ градот се отстранети и паднати гранки.
Градскиот штаб за заштита и спасување во соработка со јавните градски претпријатија ја следат состојбата на терен и интервенираат на сите локации каде што има потреба, информира Град Скопје./крај/мф/сд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.
Скопје
Неколку скопски општини утре ќе останат без струја
Без електрична енергија утре од 07:00 до 16:00 часот ќе останат дел од корисниците во населените места Волково и Кучково, општина Ѓорче Петров.
Како што соопшти РЦУК – Скопје, прекинот е поради технички зафати во електро дистрибутивната мрежа.