Македонија
Иванов и Селмани во втор круг
Кандидатите за претседател на државата Ѓорге Иванов и Имер Селмани имаат најстабилни и сигурни рејтинзи, кои им гарантираат влез во вториот изборен круг…
покажала анкетата на Центарот за истражување и креирање политики (ЦРПМ). Доколку утре се одржат парламентарни избори, 30,9 отсто од испитаниците би гласале за ВМРО-ДПМНЕ. Повеќе од 30 отсто од испитаниците се определиле за кандидатот на ВМРО-ДПМНЕ, Ѓорге Иванов, за кого имаат и позитивно мислење, а 18,8 отсто се определиле за Имер Селмани од Нова демократија. Зад овие двајца се кандидатите Љубомир Фрчкоски, за кого би гласале 15,6 отсто од испитаниците, потоа 10, 9 отсто би гласале за Агрон Буџаку, за Нано Ружин 5,6 отсто, 4,4 отсто за Љубе Бошкоски, а 2,7 отсто својот глас би го дале на единствената жена меѓу кандидатите, Мируше Хоџа.Позитивно мислење за Иванов и за Селмани имаат најголем број испитаници и тоа 37,5 отсто, односно 32,1 отсто. Трет на листата е Љубе Бошкоски, за кого позитивно мислење имаат 25 отсто од испитаниците. Под 20 отсто од испитаниците имаа позитивно мислење за Фрчкоски, за Агрон Буџаку, за Нано Ружин и за Мируше Хоџа. Од друга страна, пак, над 50 отсто од испитаниците имаат негативно мислење за кандидатите, со исклучок на Иванов и на Селмани.Најлошо стојат Мируше Хоџа и Љубомир Фрчкоски, со дури 61 отсто од испитаниците кои имаат негативно мислење за нив. Наспроти нив, Иванов негативно им делува на 45,1 отсто од испитаниците, а додека Селмани само 33,7 отсто. Останатите кандидати, според негативното мислење се движат околу 55-58 отсто.Граѓаните сметаат дека претседателот треба најголемо внимание да обрне на економските прашања во земјава, дури 51 отсто, иако има многу мали надлежности на тоа поле. Околу 27 отсто испитаници, приоритет му дале на влезот во НАТО и во ЕУ, а спорот со Грција за името добил само 7,4 отсто.Личниот контакт меѓу кандидатите и избирачите е важен дел од кампања за 40,8 испитаници. Јавната дебата добила поддршка од 39,4 отсто од испитаниците, а големите митинзи излегуваат од мода, зашто добиле доверба од само 9,9 отсто од испитаниците.Доколку утре се одржат парламентарни избори, 30,9 отсто од испитаниците би гласале за ВМРО-ДПМНЕ, додека за опозиционите СДСМ и ЛДП би гласале 19,7 отсто, односно 1,5 отсто. Доверба од граѓаните, партиите од албанскиот блок би добиле во 11,9 отсто за ДУИ, Нова демократија 8,9 отсто и 3,5 отсто ДПА.Анкетата е спроведена на стандарден репрезентативен примерок, со запазени критериуми за етничка, полова и регионална припадност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: ВМРО-ДПМНЕ освои 59 мандати, СДСМ 19, Европски фронт 18, ВЛЕН 13, Левица 6 и ЗНАМ 5 мандати
Државната изборна комисија ги објави првичните резултати за парламентарните избори, а бројките ги потврдија пресметките на партиските штабови.
„На ниво на држава по мандати коалицијата ’Твоја Македонија’ со ВМРО-ДПМНЕ освои 59 мандати, коалиција ’За европска иднина’ со СДСМ 19 мандати. Коалицијата ’Европски фронт’ има 18 мандати, коалиција ВЛЕН 13 мандати, политичка партија Левица 6 мандати и ЗНАМ 5 мандати. Може да се случат некои мали промени да претрпат овие бројки. 94,05 е голем процент на обработени податоци, не верувам дека ќе има некои сериозни промени. Тоа ќе го знаеме веќе утре“, рече претседателот на Државната изборна комисија, Александар Даштевски.
Вечерва почнаа да течат и рокови за приговори за парламентарните избори. Приговори за текот на гласањето може да се поднесат до 19 часот на десетти мај, а приговори за сумирање и утврдување резултати до 32.30 часот исто така на десетти мај.
Македонија
ВМРО-ДПМНЕ ја слави двојната победа, Мицкоски порача: Сите кои што мислеа дека можат да ја уништат Македонија, завршија на буниште
Членовите на партијата ВМРО-ДПМНЕ, заедно со своите симпатизери ја слават победата на претседателските и парламентарните избори на плоштадот во Скопје.
На насобраните луѓе им се обрати лидерот на ВМРО-ДПМНЕ, Христијан Мицкоски.
„Ја ослободивме Македонија. Сите тие кои што мислеа дека можат да ја ограбат Македонија, да ја понижат, да ја уништат, денеска завршија на буниште, а набргу ќе одговараат“, порача тој.
Мицкоски претходно ги повика граѓаните да дојдат на плоштадите низ сите градови на Македонија заедно да ја прослават победата.
Македонија
Ахмети: ДУИ е втора сила во државата
ДУИ е втора сила во државата, изјави вечерва лидерот на интегративците, Али Ахмети.
„Ние Европскиот фронт сме втора сила во државата. Ние всушност го имавме ВМРО-ДПМНЕ како главен противник, затоа што ВМРО многу му помогна на Влен, но разликата помеѓу Европскиот фронт и Влен е преку 30.000 гласови“, рече Ахмети.
Според официјалните податоци на ДИК, ДУИ освои 18 мандати, коалицијата Влен освои 13 мандати.
ВМРО-ДПМНЕ која извои убедлива победа со 59 пратеници и ќе го добие мандатот за формирање Влада, најави дека ќе почне преговори со Влен за коалицирање. Партискиот лидер, Христијан Мицкоски и вечерва повтори дека е време ДУИ да замине во опозиција.