Црна хроника
Кавадарчаните кои го украдоа мајмунчето имале над 30 кривични пријави
Кавадарчаните кои во неделата го украдоа мајмунчето Лука од Зоолошката градина во Скопје имале криминално досие и против нив досега биле поднесени над 30 кривични пријави.
Против кавадарчанката имало поднесено две кривични пријави за кражби, а против нејзиниот пријател поднесени биле дури 33 кривични пирјави, најмногу за кражби, но и за трговија со дрога, комјутерски криминал.Пријавените во понеделникот попладне го украдоа мајмунчето павијан од Зоолошката градина во Скопје, но беа фатени на пат кон Кавадарци. Мајката изјави дека наводно го украле мајмунот за да му го подари на своето глувонемо дете за да го израдува, бидејќи секогаш кога ќе го видело се радувало. Против двајцата крадци ќе биде поднесена кривична пријава./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава за директорка на училиште во Делчево, без да спроведе транспарентна постапка извршила набавка
Надворешна канцеларија за криминалистички работи Делчево поднесе кривична пријава против Д.Ц. (52) од Делчево, директорка на средно училиште, поради постоење сомневање за сторено кривично дело „несовесно работење во службата“.
Таа, без да спроведе транспарентна постапка за набавка на стоки и услуги, извршила набавка од повеќе правни лица во вкупна вредност од 905.482 денари, а со Законот за јавни набавки е предвидено дека износот на извршени набавки без спроведена јавна набавка во текот на годината не смее да го надмине износот од 12.000 евра во денарска противвредност.
Црна хроника
Жена нападната од својот сопруг во семејниот дом
Вчера во 18:35 часот во СВР Скопје, 30-годишна жена пријавила дека во семејниот дом на подрачјето на Бит Пазар била физички нападната од нејзиниот сопруг О.Ѓ.(38) од Скопје.
Се преземаат мерки за расчистување на случајот.
Црна хроника
Обид за убиство во гостиварско
СВР Тетово поднесе кривична пријава против К.З.(63) од с.Церово, гостиварско, поради постоење основи на сомнение за сторени кривични дела „убиство во обид“, „предизвикување на општа опасност“ и „неовластено изработување, држење, посредување и тргување со оружје или распрскувачки материи“ и против Х.А.(38) од с.Церово, поради постоење основи на сомнение за сторено кривично дело „насилство“.
На 04.05.2024, по претходна расправија помеѓу пријавените, првопријавениот испукал три куршуми од автоматска пушка, по што бил физички нападнат од второпријавениот.