Европа
Припадник на Националната гарда убиен во безредијата во Киев
Челникот на украинското министерство за внатрешни работи Арсен Аваков го обвини во понеделникот попладнето челникот на националистичката партија Свобода, Олег Тјагнибол за предизвикување на судирите со припадниците на безбедносните сили пред парламентот во кој беа донесени измените на уставот на Украина во делот на децентрализацијата, односно давањето на поголема автономија на одметнатите рускојазични источни региони, при што од здобиените рани во болница почина 25-годишен припадник на Националната гарда, а повредени беа повеќе од сто луѓе.
„Јас директно го обвинувам Олег Тјагнибок и неговата партија Свобода. Сметам дека станува збор за кривично дело, а не за политичка позиција“, изјавил украинскиот министер за внатрешни работи Арсен Аваков за новинарите по судирите во центарот на Киев во понеделникот.
Истакнал дека видел видео материјал и фотографии на кои се гледа дека Тјагнибок стоел на веднаш до местото на коешто припадникот на Националната гарда на Украина е настрадал. „Не разбирам зошто треба да ја платиме таквата цена, И не знам зошто тоа беше потребно. Само поради тоа што сега не е во власта“, додал Аваков.
Во украинската Врховна Рада (парламентот) во понеделникот од 265 пратеници, 226 украински пратеници гласаа за предлогот на претседателот Петро Порошенко по текот на бурната седница на којашто пратениците кои се противат на овој закон го нарекоа „антиукраински“ и „пропутиновски“, и ја блокираа парламентарната говорница и извикуваа „срамота“. Пратениците од Радикалната партија активираа во собраниската сала и сирени за да го спречат зборувањето од говорницата.
Станува збор за амандманите на Уставот на Украина во делот на децентрализацијата на власта, кои пратениците ги поддржаа измените веќе во првото читање во понеделникот, а е дел од февруарскиот мировен договор од Минск со кој рускојазичните источни региони добиваат поголема автономија.
Уставната реформа предвидува на рускојазичните одметнати региони Донецк и Луганск, како услов за спроведување на локални избори според украинското изборно законодавство, треба да им биде доделен ткн „специјален статус“, односно поголема автономија во доменот на безбедноста, именувањето функционери и финансиите. Тоа е дел од договорот за прекин на огнот што на 2-ри февруари во белоруската престолнина Минск го потпишаа челниците на Украина, Русија, Франција и Германија.
По гласањето во парламентот околу три илјади приврзаници на радикалните националисти се судрија со полициските сили во близина на зградата на парламентот. Агенцијата AFP претходно јави дека одекнала и експлозија во која имало десетици повредени.
Според последните податоци, во судирите се повредени повеќе од 100 лица, меѓу кои повеќе десетици полицајци. Припадникот на Националната гарда починал во болница поради повреда од остар предмет, можеби шрапнел, во срцето. Локалните медиуми јавуваат дека и повеќе од десет припадници на безбедносните сили се хоспитализирани во тешка состојба.
Од своја страна, партијата Свобода, за чиешто милитантно крило се смета неонацистичката групација Десен сектор, а чии припадници војуваат во специјални доброволечки баталјони во источна Украина, побара оставка од министерот Аваков.
„Полицијата прва употреби сила против демонстрантите, и испровоцира повеќе судири. Органите на редот не преземаа мерки за да ги неутрализираат провокаторите“, се вели во официјалното соопштение на партијата Свобода. Тие веруваат дека импровизираната експлозивна направа, која била фрлена меѓу полицајците „е претходно планирана провокација, насочена против украинските патриоти“./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.