Црна хроника
Обвинет во „Музеј“: Ниту арамија, ниту злато бараа, туку крв за јавноста
Ниту арамија, ниту злато бараа, туку крв за јавноста, реагира осудениот Јован Кондијанов, член на Комисијата за откуп на музејски материјали којшто е осуден на три години затвор за злоупотреба на службенета положба во случајот „Музеј“.
Тој заедно со Дарко Кржовски, кој е сега директор на Музејот на Македонија, и Андреј Ежов, се товарат дека откупувале монети од златарот Часлав Кузмановиќ без доказ на потеклото. Но досега не се најдени ниту крадците на 162 артефакти, меѓу кои монети, обетки и други златни предмети, а не се најдени ниту украдените артефакти.„Откупивме материјал којшто беше анализа и на експерти. Никаква грешка не се најде во откупот, освен една измислена грешка. Од каде му биле монетите. Парите се државни документи што лутаат и се движат по империите неконтролирано, ја следат судбината на луѓето. Тие тоа не го земаа предвид, нé осудија. Комисијата брои три члена со еднакви права и обврски. Двајца членови добија по една година, на мене, најозлогласениот ми дадоа три. Три години затвор за мене се исто како смртна пресуда. Јас не сум роден да лежам во затвор, јас ќе умрам во затвор. Тие тоа и го сакаат. Поздрав од ова место на инспекторот, велеинспекторот, полицаецот Бојиќ, експертот за овие работи. Ниту арамија бараа, ниту злато бараа, бараа крв за јавноста и еве ја крвта за јавноста – нема сторители на делото, го нема златото. Полицијата нема абер од својата работа, сите да одат да одржуваат паркови и зеленило. Гонат виновници, а не сторители, затоа што не знаат“, рече во судницата револтирано Кондијанов.Според него, Кузмановиќ имал приватна колекција којашто била регистрирана според законите.„Не го прашавме доносителот на парите од каде му се, а човекот има приватна колекција со закон регистрирана. Законот за колекционери дозволува колекционирање на стари пари, поштенски марки, салфетки и човекот ги понуди на Музејот и музејот ги откупи. Експертизата покажа дека тоа се извонредни примероци. Станува збор за статери Александар III и Филип II и други монети од ковницата Стоби што во референцијалните каталози не постоеше зошто немаше кој да ги собере. Е на крај колегата ги собра и влегоа во референцијален каталог“, додаде Кондијанов.Пресудата за овој случај беше дочекана голем револт и негодувања од страна на обвинетите и на нивните семејства. „Ќе ви падне овој монтиран случај, за ова ќе одговарате диктатори, ќе паднете“ им порачаа семејствата на обвинетите на судиите во овој случај. Највисока казна затвор од 8,8 години му беше изречена на поранешниот директор на Музејот на Македонија, Перо Јосифовски за отуѓување на културно наследство и за злоупотреба на службената положба. Златарот Часлав Кузмановиќ е осуден на казна затвор од 7,8 години за отуѓување на културно наследство и прикривање, а програмскиот директор на музејот е осуден на затвор од 6,8 години за несовесно работење и за отуѓување на културно наследство .Ракувачот на депото на музејот, Софка Кушовска Сафитли е осудена на 3 години затвор. Членот на комисијата за откуп на музејски материјал, Јован Кондијанов, исто така, е осуден на 3 години. Директорот на музејот, Дарко Кржоски и членот на комисијата Андреј Ежов се осудени на по една година затвор сите за злоупотреба на службената положба.Адвокатката на Јосифовски, Соња Петрушева, изјави дека со ваква пресуда се праќа порака до граѓаните дека подобро е да убиеш човек и да добиеш казна затвор од четири години отколку максимална казна предвидена со закон ако работиш чесно.„Ова е еден голем медиумски настан за институциите на системот кои сакаат да ги оправдаат вистинските крадци кои се наоѓаат на слобода и истовремено наведувам дека воопшто не се прават напори да се откријат тие крадци, а невини луѓе лежат во затвор. Притоа максимално изречената казна доведува до една поинаква порака до граѓаните дека подобро е да убиеш човек и да прошверцуваш 25 килограми хероин зошто ќе добиеш четири годни затвор отколку максимална казна предвидена со законот ако работиш чесно и придонесуваш за културното наследство со кое сите се гордеат. Но, каде е одговорноста на институциите на системот вклучително и на Управата за заштита на културното наследство и на државниот завод за ревизија и на владата кои во ниту еден годишен извештај ниту навеле дека ќе вршат инспекција ниту направиле инспекција пет години во Музејот за тоа како се работи туку само постојано се додаваат нови и нови работи“, рече Петрушева.Судењето за предметот за кражбата во Музејот на Македонија почна во септември минатата година. Исчезнувањето на 162 артефакти беше забележано во ноември 2013 година, а обвинетите се товарат дека поради несовесно работење дошло до кражба на артефактите. Обвинителката Лиле Стефановска не присуствуваше на изрекувањето на пресудата. Само на еден од четворицата обвинети кои се во притвор му е укината оваа мерка,на Софка Кушовска додека тројца обвинети и претходно се бранеа од слобода. /крај/мф/ффс
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Тешко повредена жена во Охрид, разбојник ја турнал и ја ограбил
СВР Охрид поднесе кривична пријава против 36-годишниот Д.М. од Охрид поради постоење основи на сомнение за сторени кривични дела „разбојништво“ и „тешка кражба на дрзок начин“, извести СВР Охрид.
„Тој, на 28.03.2024 на улицата „Марко Нестороски“ во Охрид турнал 84-годишна жена од Охрид и ѝ одзел чанта со пари и лични документи. Притоа, таа паднала и се здобила со тешки телесни повреди. Исто така, пријавениот на улица „Богомолска“ на сличен начин од 65 – годишна жена одзел чанта со пари и лични документи“, соопшти СВР Охрид.
Црна хроника
Физичка пресметка меѓу охриѓанки: по кавга меѓу две деца, се истепаа мајките
Вчера во 14.50 часот во СВР Охрид е пријавено дека на улицата „Ванчо Питошески“ во Охрид, поради меѓусебно недоразбирање помеѓу две малолетни лица, нивните родители 36-годишната П.В. и 35-годишната М.Т., двете од Охрид, го нарушиле јавниот ред и мир со меѓусебна физичка пресметка, извести СВР Охрид.
По целосно документирање на настанот, ќе биде поднесена соодветна пријава.
Црна хроника
Тешко повреден тетовчанец во судир на два автомобили
Вчера во 11.00 часот во СВР Тетово било пријавено дека на регионален пат Тетово – с.Јажинце, на влез за тетовско Теарце, се случила сообраќајна несреќа помеѓу патничко моторно возило „фолксваген голф“, управувано од Ш.Џ.(74) од тетовско Шемшово и патничко возило „фолксваген голф“, управувано од А.Р.(78) од тетовско Пршовце, двете со тетовски регистарски ознаки.
Во несреќата, А.Р. се здобил со тешки телесни повреди, додека Ш.Џ. се здобил со телесни повреди, констатирани во Клиничка болница Тетово.
Увид на местото извршила екипа од СВР Тетово.