Европа
Франција покрена истрага против непознато лице за несреќата на Germanwings
Француско правосудство задолжено за истрагата за несреќата на авионот „Airbus A320“ на нискотарифната германска воздухопловна компанија „Germanwings“ во мар на југот на Франција, отвори формална истрага против непознато лице поради убиство од небрежност, изјави во четвртокот обвинителот во Марсеј.
Обвинителот на Марсеј, Бри Робен, кој на 11-ти јуни се сретна со семејствата на жртвите, истакна тогаш дека францускиот кривичен закон „забранува покренување судска постапка за убиство со предумисла кога сторителот не е жив“.
Истрагата утврди дека авионот намерно ја урнал копилотот Андреас Лубитц кој имал здравствени и психолошки проблеми.
Имајќи предвид дека осомничениот, и веќе прогласен во јавноста како сторител, загина во несреќата, правосудството 27-годишниот копилот Андреас Лубитц не може да го гони. Наместо тоа, отворена е истрага за убиство од небрежност, којашто би требала да ја утврди одговорноста на „Lufthansa“, чија фирма ќерка е „Germanwings“, регулаторните власти или лекарите. Постапката којашто ќе ја водат тројца судии би требало јасно да покаже дали постоеле „грешки или недостатоци во утврдувањето на здравствената состојба на Андреас Лубитц од страна на компанијата ‘Lufthansa’“.
Досега истрагата утврди дека Лубитц намерно го урнал авионот на 24-ти март во француските Алпи, при што загинал заедно со уште 149 патници и членови на екипажот. Обвинителите претходно објавија дека пронашле докази дека Лубитц, кој пател од тешка депресија, истражувал методи на самоубиство и ја криел болеста од работодавачите.
Обвинителот Робен неодамна изјави дела Лубитц „во петте последни години посетил 41 лекари“, од кои кај седуммина од нив бил на преглед во текот на месецот кој претходел на трагедијата. „Лубитц, кој постојано бил загрижен за своето здравје и стравувал да не го загуби видот, пател од тешка депресија, од психоза која ја следеле животни тешкотии“, појасни обвинителот на прес-конференцијата на 11-ти јуни, по средбата со членовите на семејствата на жртвите и поради тоа не бил способен да управува со авион./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Бебе почина по операција на крајниците: имало интервенција пред само една недела, се истражува причината за смртта
Седуммесечно бебе од Милано било пронајдено починато во креветчето само една недела по тонзилектомија.
Италијанската полиција веднаш почна да утврдува дали операцијата на крајниците, на која бебето било подложено непосредно пред смртта, има врска со смртоносниот исход.
Родителите на 6 мај го пронашле бебето во своето креветче и веднаш повикале помош, но веќе било доцна.
Медицинскиот персоналнал направил сѐ за да го реанимира бебето, дури го пренеле и во најблиската болница „Форнароли“ во Магента, но не можеле ништо да направат за да го спасат детето.
Момчето починало во истата болница во која било оперирано пред една недела, а обдукцијата ќе ја покаже вистинската причина за неговата смрт, пренесуваат локалните медиуми.
Европа
Шефицата на германската дипломатија: Руската војна се води на сите нивоа
Германската министерка за надворешни работи, Аналена Бербок, изјави дека „војната во Русија се води на сите нивоа“, вклучително и блокадата на украинскиот извоз на жито, но и сајбер-нападите, не само во Украина, туку и врз германската владејачка Социјалдемократска партија (СДП) и германските компании.
Тоа е неодговорен процес, настан за кој не можеме да молчиме, изјави Аналена Бербок при посетата на Фиџи, пренесува ДПА.
Неодамна беше објавено дека Русија извршила сајбер-напади врз СДП и германски компании од секторите на одбраната, авијацијата и информатичката технологија.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.