Српскиот премиер Александар Вучиќ изјавил дека ЕУ треба да каже која е причината поради која не се отворени поглавјата во пристапните преговори со Србија, пренесуваат српските медиуми.
 

Српскиот премиер Александар Вучиќ изјавил дека ЕУ треба да каже која е причината поради која не се отворени поглавјата во пристапните преговори со Србија, пренесуваат српските медиуми.

Вучиќ изјавил дека со еврокомесарот за соседска политика и пристапни преговори Јоханес Хан ќе разговараат околу тоа што Србија сработила досега, додавајќи дека забележал дека сè се врти околу прашањето за дијалогот со Приштина.

„Немојте да ни кажете дека поглавјата не се отворени поради Бриселскиот договор. Што е тоа што Србија не го исполни? Убаво кажете дека проблемот е во нешто друго, нека прашаат зошто не сакам да дадам 100 проценти од браната Газивода. Јас нема да го дозволам тоа. Нека кажат дека поради тоа нема отворање на поглавјата“, рекол Вучиќ.

Српскиот премиер додал дела Белград нудил сопственост во однос 50-50 проценти, но дека Приштина тоа не го прифатила, додавајќи дека од Бриселскиот договор останале шест од 15 точки и дека една од нив се однесува Заедницата на српските општини.

Тој додал дека ваквата заедница се уште не е формирана, а тоа е нешто за кое тој инсистирал од самиот почеток на преговорите.

„Го направивме и тоа што е најтешко за Србија, а тоа е планот за правосудството. И тоа го потпишавме“, порачал Вучиќ, истакнувајќи дека со Хан ќе разговара околу конкретната причина за неотворањето на поглавјата во преговорите меѓу Србија и ЕУ, пришто потенцирал дека тоа сигурно не е поради Бриселскиот договор, бидејќи Србија применила се што било предвидено со овој договор./крај/мф/бс