Турските воени авиони ги бомбардирале ноќта кон вторникот целите на забранетата Работничка партија на Курдистан (РКК) во југоисточна урција, првпат по прекинот на огнот кои го прогласија курдските бунтовници во март 2013 година.
 

Турските воени авиони ги бомбардирале ноќта кон вторникот целите на забранетата Работничка партија на Курдистан (РКК) во југоисточна урција, првпат по прекинот на огнот кои го прогласија курдските бунтовници во март 2013 година.

Ловците на воздухопловните сили на Турција ги нападнале позициите на Работничка партија на Курдистан (РКК) поради тоа што нејзините борци три дена ги напаѓале позициите на турската копнена војска во селото Даглиџа, изјавил за AFP турски безбедносен извор кој барал да остане анонимен.

Операцијата на турската армија е изведена неколку дената откако избувнаа безредија и протести на курдската заедница во цела Турција во која загинаа 34 луѓе и имаше стотици ранет, поради пасивноста на Анкара во однос на офанзивата на џихадистите од Исламската држава кои се закануваа со заземање на курдскиот град Кобане во Сирија на самата турска граница. Имено, Турција одбива да го отвори единствениот коридор за пристап до овој град за курдските доброволци кои сакаа да им помогнат на бранителите на Кобане.

Историскиот лидер на курдските сепаратисти Абдулах Оџалан година се наоѓа во затвор на островот Имрали јужно од Истанбул, се наоѓа во изолација откако беше уапсен и грабнат од припадниците на турските тајни служби во Кенија во февруари 1999 година. Во јуни истата година, тој беше осуден на смрт за тероризам и предавство и затворен на островот во Мраморно Море. Казната подоцна под притисок на меѓународната заедница беше заменета со доживотен затвор без право на помилување.

Меѓутоа, Оџалан од октомври 2012 година води преговори чијашто цел е ставање крај на 30-годишните судири меѓу турските безбедносни сили и курдските бунтовници во кои загинаа повеќе од 40 илјади луѓе. Во согласност со планот, PKK официјално прогласи прекин на огнот од 21-ви март таа година, кога се прославува курдската Нова година. Повлекувањето на курдските милитанти од турската територија кон палнината Кандил во северен Ирак требаше да заврши на 15-ти август 2013 година. Наведениот датум зависеше од тоа дали Турција ќе ги усвои реформите со коишто ќе гарантира поголеми права за курдското малцинство, коешто според процените го има околу 15 милиони, што претставува 20 отсто од вкупното населени на Турција коешто брои 76 милиони луѓе. Курдските борци ја прекинаа таа оепрација пред една година, оценувајќи дека владата во Анкара не ги одржала ветувањата за реформите во полза на курдското малцинство.

Тензиите меѓу двете страни нагло повторно избувнаа со офанзивата на џихадстите врз Кобане (Ајин ал-Араб, на арапски). Оџалан неодамна предупреди дека паѓањето на Кобане би претставувал крај на мировниот процес и ја повика турската влада да преземе иницијатива во однос на тој проблем./крај/мф/сн

Извор: Макфакс