Европа
Низ Австрија само во септември поминале 200 илјади бегалци
Во актуелниот бегалски бран кој ја зафати Европа, низ Австрија само во минатиот месец поминале околу 200 илјади луѓе, покажува статистиката на австриското министерство за внатрешни работи, пренесуваат австриските медиуми.
Од 31-ви август, кога повеќе стотици бегалци дојдоа на виенската железничка станица Вестбанхов и повеќе од нив го продолжија патот кон Германија, полицијата започна да следи колку лица од бегалскиот бран се движат низ земјата.
Градот Виена за време на минатиот месец изброја околу 130 илјади бегалци кои минале низ овој град, а 113.491 лица исто така преноќиле во Виена. Денот во кој најмногу бегалци пристигнале во Австрија, бил 14-ти септември, кога нивната бројка изнесувала 19.700.
Ова било поврзано во врска со случувањата во Унгарија, од каде пристигнале повеќе од нив, бидејќи ден подоцна официјална Будимпешта започна да применува построги закони за азил и за илегално преминување на границата.
Повеќето мигранти границата ја поминале пеш, бидејќи унгарските власти претходно со автобуси и возови ги префрлиле до близината на граничниот премин, наведува министерството.
Во текот на септември во Австрија околу 10 илјади бегалци поднеле барање за добивање на азил, од кои две илјади тоа го направиле во Виена. Од почетокот на годината, пак, до 31-ви август биле поднесени 46.133 барања за добивање на азил, а оваа бројка за време на цела 2014-та година изнесувала околу 28 илјади.
Деновиве се бележи и раст на молбите за добивање на азил, односно дневно помеѓу 300 и 450, како и околу пет до осум илјади таканаречени транзитни бегалци. Министерот за финансии на Австрија, Ханс-Јерг Шелинг изнел податок дека бегалците оваа година Австрија ќе ја „чинат“ околу 400 милиони евра, а само Виена досега ја чинеле околу 27 милиони евра.
Азилантите, кои се наоѓаат во организирано сместување, добиваат џепарлак во висина од 40 евра месечно, а оние кои се сместени во приватно сместување добиваат максимално 320 евра месечно, бидејќи мораат самите да плаќаат за храна и кирија./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.