Европа
На австриските претседателски избори води десницата, резултатите ќе ги одредат гласовите по пошта
– Норберт Хофер (л) и Александер Ван дер Белен (д) на гласањето во неделета
Кандидатот на десничарската Слободарска партија (FPo) на австриските претседателски избори Норберт Хофер е во водство со 51,9 отсто од гласовите, но резултатот не е конечен, бидејќи уште не се преборени гласовите кои стигнуваат по пошта, објави во неделата вечерта австриското министерство за внатрешни работи.
Кандидатот на десничарската Слободарска партија (FPo) на австриските претседателски избори Норберт Хофер е во водство со 51,9 отсто од гласовите, но резултатот не е конечен, бидејќи уште не се преборени гласовите кои стигнуваат по пошта, објави во неделата вечерта австриското министерство за внатрешни работи.
Независниот кандидат, Александер Ван дер Белен, кој всушност беше кандидат на Зелените и ја имаше поддршката и од двете етаблирани партии од левиот и десниот центар, освоил 48,1 отсто од гласовите, покажуваат прелиминарните официјални резултати.
Доколку победи Хофер, кој во првиот изборен круг освои убедливо најголем број гласови, тоа ќе биде првиот претседател кој доаѓа од една крајно десна партија во земја на Европската унија.
Последните проекции, коишто исто така не ги вклучуваат гласовите на отсутните, за кои се проценува дека ги има 900.000 или 14 отсто, предвидуваат дека двајцата кандидати ќе добијат по 50 отсто, со водство на Ван дер Белен од 3.000 гласови, пренесува германската новинска агенција DPA.
Од друга страна, истакнувајќи дека конечниот резултат од вториот круг на претседателските избори во Австрија ќе биде познат во понеделникот, агенцијата AFP додава дека гласањето по пошта досега вообичаено одело во прилог токму на FPo.
Австриската телевизија ORF, калкулирајќи со гласовите по пошта, објави дека двајцата кандидати се целосно изедначени,
Ниеден од двајцата кандидата во неделата навечер не се осмели да објави победа, повикувајќи ги Австријците, коишто овие избори во голема мера ги поделија, да се обединат.
„Претседателот, кој и да биде, мора да биде претседател на сите Австријци“, изјави Норберт Хофер, сегашен претседател на парламентот, за австриската јавна телевизија. Противкандидатот Алексадер Ван дер Белен од своја страна ги повика сите политички сили „да работат заедно на најдобар можен начин“.
Околу 6,4 милиони гласачи беа повикани во неделата на изборите на кои треба да се избере наследникот на досегашниот претседател Ханс Фишер, кому му истекува вториот мандат.
Излезноста на гласачите, која се проценува на над 70 отсто, повеќе отколку што беше во првиот изборен круг на 24-ти април, кога Хофер доби најголем број гласови – 35 отсто, додека поранешниот челник на Зелените, Ван дер Белен беше втор со 21,3 отсто од гласовите.
Во Австрија претседателската должност во голема мера е симболична, но претседателот сепак има некои важно овластувања како можноста да ја отповика владата, што кандидатот на десницата во своите последни предизборни обраќања не го исклучи. Новиот претседател, кој се избора со мандат од шест години, ќе стапи на должноста на 8-ми јули.
Сегашната влада на Австрија ја сочинуваат социјалдемократите и „народњаците“, двете големи партии кои со години како спротиставености доминираа со тамошната политичка сцена, но сега станаа изборни губитници.
Тесната изборна трка, ја одразува сé поголемата поделба во австриското општество. Меѓу оние кои им изразуваат добредојде на речиси стоте илјади доселеници, кои пристигнуваат од минатата година, и оние кои стравуваат дека тоа ќе ги загрози традиционалните австриски вредност, ќе ја промени демографијата на земјата и ќе го загрози животниот стандард.
Излезните анкети покажуваа дека оние кои се чувствувале економски посигурно, гласале за Ван дер Белен, додека оние кои очекуваат пад на животниот стандард гласале за Хофер. Се проценува дека 86 отсто од работниците гласале за Хофер, пишува DPA без да ги наведе изворите.
Двајцата кандидати истакнаа дека 50 отсто од оние кои го поддржуваат Хофер не значи дека се гласачи на крајната десница, туку луѓе кои протестираат против центристичката влада, којашто се соочена со лошите економски предвидува и нема визија како да ги надвладее./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Пожар зафати десетици куќи, центарот на градот блокиран: страшна снимка од голем пожар во Холандија
Голем пожар избувна денеска во центарот на холандскиот град Арнем, кој бргу се прошири на десетина згради, а сè уште не е под контрола, изјави портпаролот на противпожарната бригада.
Пожарот најпрвин избувнал во една продавница, потоа се проширил и на другите, а целиот историски дел од центарот на градот бил блокиран, пренесува „НЛ тајмс“.
Brand in Arnhem 🔥🚒 pic.twitter.com/qpONfVcoMy
— Yorick (@YorickB) March 6, 2025
Засега нема информации за повредени, но пожарникарите не можеа да ги пребараат сите запалени куќи поради интензитетот на пожарот.
Пожарот зафатил стари куќи од 18 и 19 век, со дуќани на приземје и станови над нив.
🚨🇳🇱 MASSIVE FIRE DESTROYS FURNITURE STORE IN ARNHEM—NEARBY OIL STORAGE PROTECTED
A major fire engulfed a furniture store and garage in Arnhem, Netherlands.
Firefighters prevented flames from reaching a Shell oil storage facility containing millions of liters of oil.… pic.twitter.com/2mVTkthEsC
— Mario Nawfal (@MarioNawfal) March 6, 2025
Изгореа десетина продавници и станбени блокови, изјави локалниот претставник Рене Бирман.
Полицијата и пожарникарите прават напори да ги евакуираат сите загрозени жители. За гаснење на пожарот ангажирани се речиси 150 пожарникари.
Heftige beelden van grote brand in centrum van Arnhem! Sloeg over op meerdere historische panden
Meer beelden en info via : https://t.co/zy6HhTo4vR#arnhem #nieuws pic.twitter.com/G9RwFIXS59— HaberArnhem.nl (@HaberArnhem) March 6, 2025
Портпаролот на полицијата рече дека пожарот, најверојатно, довел до испуштање азбест, а локалните жители биле предупредени да не ги отвораат вратите и прозорците.
Градската општина ги отвори своите капацитети за да ги прими евакуираните, а досега таму засолниште побарале педесетина луѓе.
Европа
Папата помина мирна ноќ во болница, вчера дури можеше малку и да работи, извести Ватикан
Папата Франциско, кој речиси три недели е во болница со билатерална пневмонија, помина уште една мирна ноќ, соопшти денеска Ватикан. 88-годишниот папа беше примен во римската болница „Гемели“ на 14 февруари со тешка респираторна инфекција, која бара постојан третман.
Ватикан вчера соопшти дека неговата состојба останала стабилна тој ден, што му овозможило малку да работи и да ја зголеми физиотерапијата за дишење и мобилност. Се додава дека тој немал никакви респираторни кризи, кои се случиле претходните денови.
Франциско не е виден во јавноста откога влезе во болницата, што е негово најдолго отсуство по преземањето на функцијата пред 12 години. Неговите лекари не кажаа колку долго може да трае третманот.
Папата во последните две години во неколку наврати страдаше од лоша здравствена состојба и е склон на белодробни инфекции бидејќи како млад имал плеврит и му бил отстранет дел од едното белодробно крило. Двојната пневмонија е сериозна инфекција, која може да остави лузни, што го отежнува дишењето.
Европа
Европа има план да го заштити украинскиот воздушен простор, се вика „Скај шилд“
Европското воено воздухопловство, составено од 120 борбени авиони, би можело да биде распоредено за да ги заштити Киев и западна Украина од руските напади без да предизвика поширок конфликт со Москва, според планот што го смислиле воени експерти.
Според предлогот, наречен „Скај штит“, станува збор за зона на воздушна одбрана предводена од Европа, која работи независно од НАТО, со цел пресретнување на руски ракетни и беспилотни напади врз украинските градови и инфраструктура. Овој систем би можел да биде дел од „примирјето на небото“, иницијатива предложена оваа недела од украинскиот претседател Володимир Зеленски.
„Скај Шилд“ ќе опфати три активни украински нуклеарни централи и градовите Одеса и Лавов, но нема да ја вклучи линијата на фронтот или источните делови на земјата. Според неодамна објавената анализа, таков систем за заштита би имал поголемо воено, политичко и економско влијание од распоредувањето на 10.000 европски војници на украинска територија.
Меѓу предлагачите на овој план се поранешниот врховен командант на НАТО во Европа Филип Бридлав, поранешниот британски генерал и заменик врховен командант на сојузничките сили на НАТО Сер Ричард Ширф и поранешниот полски претседател Александар Квашњевски. Планот беше поддржан и од поранешниот министер за надворешни работи на Литванија Габриелиус Ландсбергис, кој изјави: „Имплементацијата на Скај Шилд ќе биде клучен чекор во зајакнувањето на европската безбедност и обезбедување на ефикасна заштита на Украина“.
Иако варијантите на овој предлог се дискутираа од почетокот на руската инвазија во февруари 2022 година, иницијативата доби нов замав оваа недела, по бурната средба меѓу Зеленски и американскиот претседател Доналд Трамп минатиот петок.
По тој состанок, САД ја суспендираа воената помош за Украина и ограниченото споделување разузнавачки информации, што ја подигна свеста во Европа дека ќе треба да преземе водечка улога во поддршката на Украина и да и понуди безбедносни гаранции како дел од можниот мировен договор.
Планот Скај Шилд беше дизајниран од поранешни британски воени стратези во соработка со украинските вооружени сили, а беше претставен и пред европските министерства за одбрана. Но, досега немаше вистинска политичка волја меѓу европските лидери да воспостават воздушна одбрана над Украина додека трае војната.
Младо момче добило лажна порака да се сретне со девојка, па било однесено во куќа во Ѓорче и претепано
Хорор во скопската населба Ѓорче Петров. Мајка пријавила во полицијата дека нејзиниот 15-годишен син примил порака на социјална мрежа од лажен...
Обвинителството со детали: Кумановката добила 4.000 евра за бебето од брачната двојка, а кога го барала назад не и’ го враќале – притвор за сопружникот и мајката
Обвинителството донесе наредба за истражна постапка против пет лица, во случајот со родилката од Куманово која и’ го дала своето бебе...
Се намалува бројот на грипозни, но и последнава недела е со рекорден број новозаболени во споредба со изминатите 14 сезони
Бројот на новозаболени од грип се намалува во споредба со минатата недела, но ако се спореди со истата недела изминатите...
Исплатена првата транша во вредност од 10,4 милиони евра од унгарскиот кредит
Развојната банка ја исплати првата транша во износ од 10,4 милиони евра кон комерцијалните банки за проекти на 47 компании...
Зеленски стигна на самитот во Брисел: „Не сме сами и тоа го чувствуваме, ви благодарам“
Украинскиот претседател Володимир Зеленски пристигна на самитот за Украина и европската одбрана во Брисел. По пристигнувањето, тој им се заблагодари...
Димитриевска-Кочоска бара трпение од граѓаните за скандалот со Петровска: Многу бргу на сите ќе ви биде јасно зошто се случуваа сите овие работи
Министерката за финансии Гордана Димитриевска-Кочоска, и седум дена по скандалот во Собранието, е на ставот дека не погрешила и нема...
Хрватите во Македонија сакаат да бидат внесени во Уставот
Хрватите во Македонија ќе имаат корист од вклучувањето на хрватското национално малцинство во Уставот на земјата бидејќи тоа ќе го...
(Видео) Министерот на Трамп се појави на телевизија со крст на челото
Американскиот државен секретар Марко Рубио се појави на „Фокс њуз“ вчера со крст на челото. Христијанската традиција налага дека свештеникот...
Незгода на патниот правец Крива Паланка – Куманово, сообраќајот во прекин
Сообраќајот на патниот правец Крива Паланка – Куманово од 10:10 часот е во прекин. Како што извести АМСМ, на излезот...
„Како Заеви од просечно земјоделско семејство стасаа до сопствеништво на авиокомпании“, прашува ВМРО-ДПМНЕ
„Чудна е пасијата на СДС да води полемика за авио сообраќајот и да спомнува авио летови. Можеби таа пасија доаѓа...
„Зошто Владата три дена крие колку платила за приватниот лет за Будимпешта“, прашува СДСМ
„Мицкоски и ВМРО-ДПМНЕ, кои тврдат дека платите се доволно високи и не треба да се зголемуваат, немаат никаков проблем да...
(Фото) Разорени куќи, уништени возила: како изгледа селото во Јужна Кореја каде што воен авион случајно фрлил бомби
Разорени куќи, уништени возила… Ова се ужасните сцени во Почеон, Јужна Кореја, каде воен авион случајно исфрли бомби, при што...
Орбан му напиша на шефот на Европскиот совет: „Мораме директно да преговараме со Русија“
Лидерите на Европската унија денеска се собираат во Брисел за да најдат одговор на драстичната промена на САД во поддршката...
Денеска е големиот самит на ЕУ: „Европа е пет минути до полноќ“
Додека 27-те лидери на ЕУ се собираат во Брисел, тие се свесни дека безбедносниот поредок воспоставен по 1945 година –...
(Видео) Корејски воен авион случајно фрли осум бомби, при што беа повредени најмалку седум лица
Најмалку седум лица се повредени откако јужнокорејски воен авион случајно фрли бомби надвор од полигонот Сеунџин во Почеон, Јужна Кореја....
Трамп му се закани на Хамас: Веднаш вратете ги сите тела на луѓето што ги убивте или за вас е готово
Американскиот претседател Доналд Трамп му се закани на Хамас со „последно предупредување“ и ги повика да ги ослободат сите заложници...
(Видео) Канаѓаните масовно ги бојкотираат американските производи: „американото“ стана „канадијано“
Во незапаметено прикажување на националното единство Канаѓаните се здружуваат во бојкот за да одговорат на ескалацијата на трговските тензии со...
(Видео) Макрон: Мора да се подготвиме, САД можеби повеќе нема да бидат со Европа
Францускиот претседател Емануел Макрон и се обрати на јавноста пред утрешниот самит на Европската унија во Брисел. Макрон утрово на...
Зеленски: Очекуваме позитивни вести од САД почнувајќи од следната недела
Киев очекува позитивни вести од САД почнувајќи од следната недела, изјави украинскиот претседател Володимир Зеленски. Во своето ноќно обраќање, Зеленски...
Обвинителството предложи одземање на пасошот за двајцата возачи поради сообраќајката на автопатот Гостивар-Тетово во која загина жена
Основното јавно обвинителство Гостивар поведе постапка и предложи мерки на претпазливост за двајцата возачи по вчерашната сообраќајна несреќа на автопатот...
