Црна хроника
Уапсен сопственик на градежни фирми од Скопје, затаил данок од 400.000 евра
Сопственик и управител на две градежни фирми од Скопје е уапсен под сомнение дека затаил данок од 400 илјади евра, соопшти Финансиската полиција.
Полицијата трага по уште двајца други сопственици и управители на градежни фирми осомничени за помагање во криминалот.Уапсениот сопственик прикажал фалсификувани податоци во сметководствената евиденција, така што евидентирал 47 фактури со невистинита содржина од добавувачи -градежни фирми кои се во сопственост и се управувани од второ и трето пријавениот кои фирми никогаш ниту извршиле услуги, ниту, пак, е извршено плаќање кон нив. Второпријавениот, исто така, сопственик на градежни фирми од Скопје, со цел да му помогне на првопријавениот да изврши поврат на ДДВ, изготвил 14 фактури во износ од 14.385.944 денари кои не ги евидентирал во сопственото сметководство, со што прикажал невистинити податоци во поднесените ДДВ пријави и завршните сметка, ја намалил обврската и не пресметал и не платил данок на додадена вредност.Уапсениот бизнисмен со цел да се стекне со поголема материјална полза, од банкарските сметки на двете негови фирми за наводни „материјални трошоци“ и за наводни обврски „по склучен договор“ подигнал парични средства во готово за кои не изготвил и не доставил документација во сметководствената евиденција за нивна економска оправданост во износ од вкупно 54.238.910 денари.Пријавениот со цел да не плати данок, дури и извршените набавки на трговска стока од маркети во Скопје кои ги користел за сопственото домаќинство во износ од 1.808.477 денари, без никаков правен основ ги плаќал со пари од фирмите кои ги поседува.Основано сомневање за сторено кривично дело даночно затајување е утврдено и при продажба на основните средства на една од фирмите, бидејќи наплатените пари наместо да ги упати на сметката на фирмата, пријавениот ги присвоил лично за себе.Финансиската полиција до Основното јавно обвинителство во Скопје против трите лица поднесе кривична пријава за сторени кривични дела даночно затајување и фалсификување или уништување на деловни книги. На уапсениот бизнисмен му е одреден триесетдневен притвор./крај/мф/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.