Европа
Истрагата осомничи нарачател на убиството на рускиот опозиционер Немцов
Руските истражители го открија во вторникот осомничениот како нарачател на минатогодишниот атентат врз Борис Немцов челникот на руската опозиција и еден од најжестоките критичари на рускиот претседател Владимир Путин, кој претходно беше осомничен како организатор на ликвидацијата.
Станува збор за Руслан Мухудинов, поранешен офицер во полицискиот баталјон „Север“, кој се товари како нарачател и организатор на Борис Немцов, и по кого од ноември 2015 година е распишана меѓународна потерница. Во соопштението од Истражната комисија, кое го пренесуваат агенциите, исто така, се наведува дека осомничени се и се води постапка и за „други неидентификувани лица кои го планирале извршувањето на кривичното дело“.
Истрагата утврдила дека Мухудинов со фалсификуван пасош избегал од Русија и оти во моментов се наоѓа во Обединетите Арапски Емирати, а сомневањата за неговата инволвираност во убиството на опозицискиот политичар се темелат на изјави од сведоци и експертиза.
Адвокатите на осомничениот, пак, тврдат дека името на Мухудинов не се споменува во ниедна од изјавите на притворените за убиството на Немцов. Тие појаснуваат дека некои од обвинетите изјавиле дека во убиството е вмешано извесно лице кого го именувале како „Русик“, но оти во документацијата не е наведено ниту името, ниту презимето на Мухудинов, како и дека подоцна тие ги негирале тие изјави.
Меѓутоа, според истрагата доказите против Мухудинов ги дале осомничените извршители на убиството Заур Дадаев и браќата Губашеви. За сите тројца подоцна обвинението беше повлечено.
Истрагата, исто така, според агенцијата РИА, поседувала и сведоштва од жена која го одржувала станот во кој живееле осомничените, која тврдела дека тоа и Мухудинов често дискутирале за политичките активности на Немцоб и за неговите религиозни ставови.
Мухудинов инаку се бара по меѓународна потерница за убиство и за нелегална трговија со оружје.
Немцов, поранешен заменик премиер и искусен либерален политичар, беше убиен на 27-ми февруари на мостот во близина на Кремљ додека се шетал со својата девојка. Путин го осуди убиството и вети дека сторителите ќе бидат изведени пред лицето на правдата.
Обвинителството сé уште го нема соопштено мотивот за убиството на Немцов.
Неговите блиски тврдат дека опозицискиот лидер минатата година ги предупредувал руските власти дека примал смртни закани преку Facebook поради своите ставови за судирот во Украина, но полицијата ги отфрли неговите предупредувања.
Немцов, наводно, подготвувал извештај во којшто планирал да го обелодени руското учество во овој судир. Во Русија имаше шпекулации и дека Немцов бил убиен бидејќи јавно ги бранел објавените карикатури на пророкот Мухамед во францускиот сатиричен весник, којшто во јануари беше цел на терористички напад.
Блиските соработници на убиениот опозициски лидер, меѓутоа, истакнуваат дека Немцов не бил гласен критичар на радикалниот ислам, туку дека бил насочен кон критиките на сметка на Путин./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шпанските студенти планираат протести против Израел
Студентите во Шпанија во наредните денови би можеле да почнат протести против „геноцидот што го изврши Израел во Палестина“ по примерот на универзитетите во САД, Холандија и Белгија, изјавија нивните претставници за шпанските медиуми.
На Филозофскиот факултет во Валенсија, приморски град на југозападот на земјата, студентите веќе една недела спијат во шатори и секојдневно протестираат.
„Бараме од нашиот универзитет да ги прекине сите врски со институциите и компаниите што соработуваат со Израел“, изјави 20-годишната Естер Монге, студентка по политички науки и социологија за весникот „Ел Паис“.
Во моментот многу универзитети одржуваат состаноци, на кои студентите и професорите гласаат за блокадите на факултетите.
„Студентскиот совет ќе одлучи за активностите во наредните денови“, рече Марија Хозе Лера, координаторка на „Палестиниум“, група за солидарност со палестинските аспирации.
Лера, која има докторат по психологија на Универзитетот во Севилја, вели дека моменно се одржуваат состаноци на универзитетите во Мадрид, Сарагоса, Барселона, Жирона, Гранада и во други градови.
Во понеделникот стотици студенти се собраа пред Универзитетот во Барселона, каде што ги развиорија своите транспаренти.
„Сакаме нашите факултети да ги прекинат сите односи со Израел и компаниите што работат таму“, рече 24-годишниот Пабло Кастиља, дипломиран студент по јавна политика.
Во Мадрид сѐ уште нема протестно кампување, но има демонстрации. На автономниот универзитет во Мадрид планираното предавање за НАТО беше откажано под притисок на пропалестинските демонстранти.
Друг јавен универзитет, Universidad Complutense de Madrid, објави декларација со наслов „Со Палестина против геноцидот во Газа“.
„По влошувањето на насилството врз палестинскиот народ, ги повикуваме професорите, истражувачите и вработените во администрацијата да се спротивстават на колективното казнување на Палестинците што го спроведува Израел“, се вели во декларацијата усвоена од администрацијата на Факултетот за политички науки и социологија.
Сведоци сме на геноцидот врз палестинскиот народ, што е продолжение на децениското систематско насилство врз палестинскиот народ и неговата присилна емиграција“, се вели во декларацијата објавена на веб-страницата на Факултетот.
Европа
(Видео) Украинците објавија снимка: „Ова се руски агенти, сакаа да го убијат Зеленски“
Украинските разузнавачи соопштија дека спречиле руски заговор за атентат на претседателот Володимир Зеленски. Украинската служба за државна безбедност СБУ објави дека фатила руски агенти, кои биле вработени во украинската државна гарда. Разузнавачките претставници велат дека руски агенти планирале да ги убијат претседателот и други високи владини функционери.
Шефот на СБУ, Васил Маљук, изјави дека неуспешниот атентат требало да биде подарок за Владимир Путин пред неговата денешна инаугурација.
СБУ на својот канал на „Телеграм“ објави тврдење дека руски таен агент ги пренел координатите на безбедната куќа пред планираниот воздушен напад. Претставници на разузнавањето додадоа дека Русија планирала да ги уништи сите траги од дронот што би се користел за гаѓање на претседателот со друг проектил.
„Непријателот активно развиваше планови за да го тргне претседателот Володимир Зеленски. Една од задачите на руската разузнавачка мрежа ФСБ беше да бара џелати меѓу војниците блиски до службата што го штити претседателот, кои би можеле да го убијат шефот на државата“, соопштија од СБУ.
„Покрај Володимир Зеленски, непријателот планира да ги елиминира и шефот на Службата за безбедност на Украина, Васил Маљук, шефот на Воената разузнавачка служба на Украина, Кирил Буданов, и други високи функционери“, се вели во соопштението.
„Ограничен број луѓе знаеја за нашата специјална операција и јас лично го следев нејзиниот напредок. Терористичкиот напад, кој требаше да биде подарок за Путин пред инаугурацијата, всушност беше неуспех на руските специјални служби“, рече Маљук.
„Но, не смееме да заборавиме – непријателот е силен и искусен, не може да се потцени. Ќе продолжиме да планираме однапред и да си ја работиме работата секој предавник да ги добие заслужените судски казни“, заклучи тој.
СБУ наведува дека при претресот на просториите на уапсените руски агенти биле пронајдени „релевантни средства за уништување“ и други докази за криминални активности.
Европа
Босфор затворен, заринка украински брод
Теснината Босфор, која го поврзува Црното со Средоземното Море, е затворена за бродови откога денеска таму заринка товарен брод од Украина, соопштија турските власти за ДПА.
Бродот „Алексис“ превезува прехранбени производи од Украина до Египет. Дефект на моторот се случил во близина на излезот од пловниот пат, изјави портпаролот на Управата за безбедност на крајбрежјето за дпа.
Спасувачките напори се веќе во тек, додаде изворот. Босфорот служи како излез за украинското жито на светските пазари во екот на руската инвазија. Речиси 40.000 брода поминале низ Босфорот во 2023 година, според турското Министерство за транспорт.