Домашен
Димевски: Лична желба на поединци е барањето за моја смена
Претседателот на Македонската кошаркарска федерација (МКФ) Даниел Димевски, одговори на иницијативата за негова смена. Тој преку соопштение кое е објавено на интернет страницата на МКФ, меѓудругото вели дека зад иницијативата за негова смена стојат одредени поединци.
Инаку иницијативата за свикување на вонредно собрание, која е потпишана од 22 клуба, ја поднесе КК Карпош Соколи . Според Димевски негова смена бараат оние на кои им пречат континуираните успеси на македонската кошарка.
Во продолжение ви го пренесуваме соопштението на Димевски.
Јасно и гласно сакам да го поставам прашањето – На кого му смета успехот на македонската кошарка?
Смета ли што во континуитет успешно играме на завршниците од последните четири ЕП?
Смета ли што имаме чисти и регуларни првенства каде најдобрите освојуваат титули ?
Смета ли што имаме најинтересна и најквалитетна лига во цел регион?
На кого му смета што МКФ е чиста спортска организација каде нема место за политика?
Поднесеното барање од КК Карпош Соколи го сфаќам како лична желба на поединци, а прилогот за наводна подршка од други клубови за чист фалсификат.
Прилогот е фалсификат од секој аспект.
1. Од формално правен аспект, секоја иницијатива се поднесува на заверен образец од МКФ, со име, презиме,потпис и печат на овластено лице, со утврден идентитет на овластеното лице, како што налага законската процедура и досегашната пракса. Од ова во прилогот нема ништо. Дополнително, подносител не може да биде лице кое е под суспензија на сите функции во МКФ. Така велат прописите.
2. Уште поважно е што прилогот е фалсификат на вистинската воља на клубовите кои на Редовното годишно собрание одржано на 21 Февруари 2015, слободно, јасно и недвосмислено, едногласно изразија целосна подршка на МКФ и претседателот лично, за што ќе посведочат и многубројните медиуми и ценети гости.
Бидејки на писмото стои датум 25 февруари, се прашувам, што се случи во изминатите 4 дена по редовното собрание, да некој клуб доброволно?! го сменил ставот?
Одговорот е едноставен: МЗТ Скопје Аеродром не успеа да го освои Купот на РМ.
Евидентирано и аргументирано е недозволено мешање на моќници од локалната политика во спортското функционирање на клубовите преку злоупотреба на градоначалничката позиција со закана за користење на спортски сали и финансиска подршка од локалната самоуправа.
Ваквото мешање на политиката во спортот е недопуштено и најстрого казниво согласно Статутот на ФИБА и ИОК. Двете меѓународни организации како и АМС на РМ се известени и алармирани за овој обид за назаконски упад во автономијата на кошаркарскта федерација.
Секое продолжување на ваквото недопуштено поведение на локалните моќници, ризикува суспендирање на македонската кошарка од сите меѓународни натпреварувања вклучително и репрезентативните.
Се наметнува прашањето – Кој стои позади ова и зошто?
Целата оваа ујдурма е инспирирана од градоначалниците Ивица Коневски и Стевчо Јакимовски, кои се соочени со силен притисок и барање отчет за потрошените милионски суми (во евра) народни пари без никаков спортски успех и резултат. Во ист момент истиве двајца колеги по интерес, имаат и огромни доспеани, а неплатени обврски спрема МКФ и веројатно во ова гледаат шанса да ги забошотат.
Господата Коневски и Јакимовски досега не покажаа дека имаат капацитет нешто да направат, но и те како покажаа дека знаат и умеат да растураат. Истиве двајца преку нивните претставници за само една година успеаја да го растурат Здружението на прволигаши кое оттогаш неможе нормално да профункционира.
Коневски и Јакимовски во повеќе наврати досега, удрија со нож во грб и на најсветото нешто- македонската кошаркарска репрезентација и нашите репрезентативци. Ивица Коневски лично ги избрка скоро сите репрезентативци од клубот, за на нивно место да носи петоразредни странци. Не само што ги избрка македонските национални херои, туку уште и ги казни со огромни финансиски казни зошто носеле маици со натписот- Користете македонски производи. Какво лицемерие од страна на еден градоначалник кој љуби себе си да се опише како градоначалник на најмакедонската општина во Македонија а се суди со нејзините херои.
Дали зад заедничките барања со својот колега по интерес за шест странци се крие криминален бизнис интерес со одредени менаџерски куќи? Федерацијата констатира огромни несогласувања во износите на договорите пријавени во Федерацијата и УЈП, со што евидентно е направен криминал за кој институциите мора да поведат истрага.
Нема друго логично објаснување за тоа што за пет месеци продефилираа пет тренери и дваесетина странски играчи, за што се потрошени милионски суми народни пари. Вакво нешто досега се нема случено никаде во Европа. Можеби е добро што бар по нешто се познати.
Пред многу кратко време КК Карпош Соколи беше фатен од страна на останатите клубови членки на првата лига, како заедно во спрега со сега веке набрканиот комесар, го оштетил Здржението на прволигаши вклучително и федерацијата за 60.000 денари, со што само се потврдува за каков ментален склоп се работи.
Врв на спортската мизерија што ни ја приредија овие двајца колеги по интерес и сфаќања е нивната најново патентирана измислица дека кошаркарскиот натпревар е приватна забава финансирана од општински пари на која може да се присуствува само по нивен избор и одобрение. Со Вакво поведение не само што е неетичко и неморално туку е и назаконско и спротивно на Уставот на РМ.
Согласно сето споменато, јас како претседател на МКФ, имам обврска јавно да ги соопштам следниве препораки:
1. До сите локални и партиски моќници кои влетале на терен што не им припаѓа, да внимаваат на своите постапки и да не дозволат македонскиот спорт и националниот интерес да станат жртви на нечиви непромислени постапки и болни амбиции.
2. До клубовите членки на МКФ, да ги почитуваат актите на ФИБА и МКФ и во согласност со нив да ги артикулираат своите ставови, не дозволувајќи на никого однадвор да ги манипулира и ограничува во сувереното право што го имаат.
3. До вистинскиот подносител на ова писмо, сакам да му порачам да собере сили да се потпише со име и презиме како што налагаат прописите и да дојде на редовно собрание да дискутира за сите теми како и сите останати клубови.
Истовремено јавно праќам порака до секој еден заинтересиран човек за позицијата претседател на МКФ, јавно да искаже желба за кандидатура а јас лично, овде и сега, со сиот свој авторитет изјавувам дека веднаш ќе закажам изборно собрание каде секој потенцијален кандидат ќе може да се соочи со мене на избори, како што и доликува на реномирана спортска институција како што е МКФ. крај/мф
Извор: basketball.org.mk
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Златна недела за „Алкалоид“
РК Алкалоид викендов стана шестиот клуб во Македонија кој успеал да освои пехар од националното Куп натпреварување кое брои 32 сезони, вклучително со прекинатата ковид сезона 2019-20.
Зад Алкалоид е златна недела. Почнувајќи од 12 до 19 мај, седум дена во кои пионерите станаа државни прваци, потоа и младинците беа верификувани како шампиони, за конечно и кадетите да го подигнат шампионскиот пехар. Такво нешто во поновата историја му им успеано само на Металург, но немаше ни тие одличја да блеснат вака, ако успехот не беше комплетиран со пехар на сениорскиот тим.
Од улога на трет носител или аутсајдер во однос на двата најпознати колектива, Алкалоид потврди дека Куп е приказна во која непишаните правила важат исто колку и пишаните.
Огромна сатисфакција плус за тренерот/селектор и неколкуте репрезентативци што се градат во овој клуб е успешниот бараж на сениорската репрезентација.
Златна недела е сосема адекватен епитет за ракометниот колектив Алкалоид и уште една успешно штиклирана сезона.
Трета успешна од вкупно три, што е голем предизвик за четвртата.
Но, има и други причини да биде задоволен Алкалоид од наш агол можеби и поважни отколку погледот кон витрината сезонава.
Во Македонија (ова е личен став) има погрешно поставен систем на вредности кога се во прашање резултатите. Речиси сѐ е поставено во служба на резултатот преточен низ бројки и конечниот пласман што служи за задоволување на амбициие, желбите и вкусовите на спонзорите и на локалната јавност и посебните групи на фанови.
Најбрзиот и најефикасниот начин тоа да се постигне е вложување во готови производи во најголем дел странски играчи, надополнета со тоа што колку толку го нуди домашниот пазар.
Секој си го бира својот пат, подвлечено тоа си е клупска политика, но генерално ваквите приказни се успешни додека има пари. Повеќе пари, подобри резултати, но кога парите ќе секнат, а таа чешма кај нас знае брзо да се затвори, не останува ништо.
Примери што ќе го поткрепат ова има доволно, но тоа е тема што е многу обемна и заслужува поголем простор само за себе.
Алкалоид има и повеќе причини да биде задоволен, не само поради шампионските пехари во младинските категории и пехарот во Куп на Македонија.
За само три години овој колектив покажа дека работи по поинаква матрица од споменатиот систем на вредности и во моментов е еден од најдобро организираните ракометни колективи, иако има најмало искуство и логично т.н. детски болести што едноставно мора да се прележат. Но, логистички во сите сфери, Алкалоид е на ниво на европски клуб.
Во прилог е клупската стратегија, определба и решителност да се докаже дека резултати со бројки можат да се постигнат и со домашни ракометари, ако им се даде вистинска шанса, се работи квалитетно и истрајно.
Инвестирање во организација и работа со млади категории, селекцијата и условите уште во првата сезона донесоа пехар, а во третата комплетна доминација.
Може да биде задоволен што ги извади за кратко време на ниво да бидат забележани и од странство играчи како Марко Митев, зад него е Дамјан Митев, новата ѕвезда Иван Галевски итн. Но, ќе чуете многу повеќе уште летово и за браќата Узунчеви, потоа онаа многу добра кадетска екипа со уште еден голман со огромен потенцијал како Ѓорги Николовски, потоа бековите Христијан Гурмешевиќ, Марин Крстевски итн.
Во Македонија системот на вредности, сепак, најмногу се гледа низ резултатите како бројки, а достигнувањата на Алкалоид во организацискиот дел, младите категории итн. немаше да бидат вистински вреднувани доколку во клубот не стигнеше пехар во сениорска конкуренција. За да се заработи респект, треба да се победи и да се освои пехар.
Со победите над Вардар и Е. Пелистер во Куп на Македонија го мина и тоа ниво од играта.
Сега, со нескриена љубопитност и нетрпение чекаме да видиме каков ќе биде нивниот следен чекор. Многу работи зависат од тоа како ќе изгледа следното ниво, не само за клубот, туку и за репрезентацијата и генерално и за целиот ракомет во Македонија.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Детали за ноќната спасувачка мисија: Го лепеле чамецот и им фрлале вода на заглавените пред да ги извлечат живи (ФОТО+ВИДЕО)
Четирите лица, меѓу кои и седумгодишно дете се лоцирани и најдени, соопштија утрово од ЦУК. Ноќната спасувачка акција не била...
Најдени се седумгодишното дете и трите лица кои се изгубија кај реката Пчиња
Четири лица, две жени, еден маж и едно дете кои се изгубија, а се на возраст од 29, 18, 35...
Седумгодишно дете и уште три лице се изгубија на патот од Кожле кон Велес
Четири лица планинарејќи го згрешиле патот и залутале на стрмно опасно место за понатамошно нивно движење. Меѓу лицата има едно...
Смрдеа затвори дел од салите за операции во комплексот клиники „Мајка Тереза“
Претставник на Министерството за здравство бил сослушан во скопското Обивнителство, а по него според неофицијални информации следуваат директорите на хирушките...
При контрола на угостителски објекти за дрога се приведени девет лица
Полициските службеници од Единицата за недозволена трговија при СВР Скопје вчера по план на СВР Скопје ивршија контрола во повеќе...
Ден посветен на Данка Илиќ: Центарот за исчезнати и малтретирани деца празникот го посвети на девојчето од Бор
Центарот за исчезнати и малтретирани деца денеска, Меѓународниот ден на исчезнатите деца, го посвети на двегодишната Данка Илиќ од Бор,...
Ангелов бара пешачки премин или изградба на кружен тек на булеварот Србија кај трговскиот центар Џевахир (ВИДЕО)
Граѓаните на скопската населба Аеродром Центарот имаат потреби кои беа упатени до Центарот за убправување со кризи (ЦУК), а кои...
Поради реконструкција, без вода жителите на Водно, Козле, Клиничкиот центар, а во Сарај ќе има намалување на притисокот на водоснабдување
Од ЈП Водовод и Канализација известуваат за пуштање на употреба на нова водоводна мрежа во реоните Сарај и Центар. ЈП...
Безбедно пронајдени и евакуирани граѓани од височините на Осоговските планини
Денеска, во 16.15 часот од лицето за контакт од Доброволнота спасувачка служба „Осогово“ Кочани, ЦУК добил известување дека неколку лица...
Сиљановска Давкова со италијанскиот претседател Матарела: побарани гаранции за европските интеграции
Претседателката Гордана Сиљановска Давкова во рамки на посетата на Италијанската Република денеска оствари средба со италијанскиот претседател Серџо Матарела. На...
Путин: Русија ќе разговара за мирот во Украина само со легитимните лидери во Киев
Рускиот претседател Владимир Путин денеска изјави дека мировните преговори во Украина мора да се обноват, но дека Москва ќе соработува...
Судот во Хаг му нареди на Израел да ја прекине офанзивата на Рафах
Меѓународниот кривичен суд во Хаг денеска одлучи дека Израел мора веднаш да ја прекине воената офанзива и другите дејствија во...
Ахмети: Да работиме заедно за правилно образование на генерациите, во духот на меѓусебното почитување
Претседателот на ДУИ, Али Ахмети со објава на својата Фејсбук страница го честиташе 24 мај – Денот на светите браќа...
Мицкоски: За скоро време ќе имаме нова влада, следува ново поглавје со работа, одговорност и резултати
Првенствено ќе се посветам на она што најмногу го засега секој еден човек, а тоа е потребата за подобар живот...
Левица: Аманет да си го браниме јазикот од сите напади, денес ги има повеќе од било кога
Значајни за Македонија, но и за останатите словенски народи, Кирил и Методиј, основоположниците на словенската писменост имале единствена мисија: да...
Загина 76-годишен маж: со тракторот се превртел на патот во Кочанско
Вчера во 13.29 часот во СВР Штип било пријавено дека на локалниот пат с.Зрновци–с.Мородвис, кочанско, на коловозот се превртел трактор...
Орбан: Во Брисел во тек се подготовки за влез на Европа во војна
Унгарскиот премиер Виктор Орбан денеска изјави дека во Брисел се водат подготовки за влез на Европа во војната и додаде...
Сиљановска Давкова по повод Денот на сесловенските просветители светите браќа Кирил и Методиј: Тие се наш патоказ за иднината
Претседателката Гордана Сиљановска Давкова упати честитка по повод 24 Мај, Денот на сесловенските просветители светите браќа Кирил и Методиј. „Од...
Претседателката на Косово: Негирањето на геноцидот нема да го отвори патот за мир
Косовската претседателка Вјоса Османи на X се осврна на усвојувањето на резолуцијата за геноцидот во Сребреница. Османи вели дека со...
Дали имало траги од куршуми на хеликоптерот? Објавен е прелиминарен извештај за падот на авионот на иранскиот претседател
Трупот на хеликоптерот на починатиот претседател на Иран, Ебрахим Раиси, се запалил откако удрил во рид, се наведува во прелиминарниот...
