Регион
Турција дозволува носење шамии во училиштата

Турција наскоро ќе дозволи девојченцата и девојките да ги прекриваат главите со шамии во текот на наставата во јавните основни и средни училишта, соопшти за тамошните медиуми по состанокот на неговиот кабинет, премиерот Ахмед Давутоглу.
Турција наскоро ќе дозволи девојченцата и девојките да ги прекриваат главите со шамии во текот на наставата во јавните основни и средни училишта, соопшти за тамошните медиуми по состанокот на неговиот кабинет, премиерот Ахмед Давутоглу.
И покрај тоа што Турција е уставно секуларна држава со мнозинско муслиманско население, прекривањето на главата со шамии беше забрането на универзитетите во оваа земја до 2008 година, кога беше изменет законот. Од минатата 2013 година прописите се ублажени, па на жените им беше дозволено да носат шамии во сите јавни институции.
„Секој може да го избере сопствениот начин на живот. Жените кои сакаат, можат со шамија да ја прекријат главата, а оние на коишто тоа не им одговора не мораат“, изјави премиерот Ахмет Давутогли за телевизиската мрежа NTV во последниот дневник во понеделникот доцна навечер. Во вторникот информацијата ја потврди и турскиот министер за образование, Набу Авчи.
На оваа одлука се спротиставија секуларните кругови, вклучително и наставниците од левичарските синдикати, кои со години ја обвинуваат конзервативната владејачка Партија на правдата и развојот (АКР) дека премногу го воведува исламот во јавните институции и во законите./крај/мф/сн
Извор: BBC
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.
Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Регион
Возачот на автобусот приведен по тешката несреќа кај Сремска Митровица: две жртви и 80 повредени

Возачот на автобусот кој денеска се преврте кај Сремска Митровица е приведен и му е одредено задржување до 48 часа, соопшти српското Министерство за внатрешни работи (МУП), пренесе „Н1“.
Во несреќата загинаа две лица, а околу 80 се повредени. 35 повредени лица се згрижени во Општата болница во Сремска Митровица, една личност е пренесена во Клиничкиот центар на Војводина, а уште една е во операциона сала. За останатите се врши дијагностика.
Автобусот на компанијата „Сирмиум бус“, кој превезувал работници од фирмата „Хелткеар“, излета од патот и се преврте на кров од засега непознати причини. Несреќата се случи околу 14:45 часот.
Полицијата го затвори патот и не дозволува пристап до местото на несреќата, а на лице место излезен е и јавен обвинител за да ја утврди причината за трагедијата.