Европа
Камерон предупредува дека илјадници бегалци може да стигнат во Британија ако излезе од ЕУ
Илјадници бегалци би можеле од Франција да преминат во Велика Британија, доколку Британците на референдумот се одлучат да излезат од Европската унија, изјави во понеделникот портпаролот на британскиот премиер Дејвид Камерон.
Според портпаролот, излегувањето на Велика Британија од Европската унија би можело да води кон укинување на договорот со Франција која на британските граничари сега им овозможува да ги проверуваат имигрантите на нејзина територија.
„Го имаме тој однос со Франција, делумно и затоа што сме партнери во ЕУ. Доколку излеземе од Унијата, ништо не гарантира дека тие контроли ќе продолжат“, изјавил гласноговорникот на британскиот премиер Дејвид Камерон, предупредувајќи дека тогаш ништо не би можело да ги спречи илјадниците имигранти да го минат каналот Ламанш.
Британската граница со Франција е на француската страна од каналот кој ги раздвојува двете земји, а во градот Кале во огромна бегалска населба престојуваат илјадници луѓе до северна Африка, Блискиот исток и Азија, кои сакаат да минат во Велика Британија.
На прашањето дали станува збор за заплашување на Британците за да гласаат за останување во ЕУ, портпаролот на Камерон одговорил дека станува збор за објективна причина за загриженост, а особено ако се има предвид дека Британците сакаат премиерот да го реши проблемот на имигрантите во неговите преговори за реформите на ЕУ.
Меѓутоа, Арон Бенкс, која ја покрена кампањата за излегување од Европската унија којашто се води под мотото „Leave.EU“, вели дека Велија Британија договорот за обработка на податоците на имигрантите во Кале го склучила со Франција а не со ЕУ, па оттаму нема причина тоа да се промени со британското напуштање на Унијата./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.