Европа
Варуфакис: Грција е погрешно сфатена за санкциите против Русија
Новиот грчки министер за финансии, Јанис Варуфакис, ги отфрли во четвртокот тврдењата дека пораките кои доаѓаат од Атина во врска со соопштението на Европската унија во кое се содржат закани за можно воведување нови санкции против Русија пореди нејзината наводна улога во украинската криза.
Во изјавата на својот блог, грчкиот министер Варифакис тврди дека медиумите го искривиле ставот на новата влада предводена од коалицијата на радикалната левица Сириза. Критиката на надворешната политика на шефицата на дипломатијата на ЕУ, Федерика Могерини, настанала како последица на изостанувањето на консултациите, а не поради прашањето на самите санкции (против Русија), напиша Варуфакис.
Министрите за надворешни работи на 28-те земји членки на ЕУ во четврток од Европската комисија треба да побараат подготовка на нов круг санкции против Русија, чија цел е да се казни Москва поради нејзиното наводно поддржување на рускојазичните бунтовници во југоисточна Украина, што руската страна одлучно го негира и постојано бара тие обвинувања да бидат аргументирани со докази.
Варуфакис изјави дека министерот за надворешни работи Никос Коциас во вторникот со своите колеги во владата рекол дека слушнал оти членките на ЕУ едногласно одобриле донесување санкции против Русија.
„Проблемот настана бидејќи ниту него и новата грчка влада за тоа ништо не ги прашале. Јасно е, значи, дека не е во проблемот во тоа дали се согласува новата влада или не со новите санкции против Русија… Проблемот е во тоа дали се зема нашиот став здраво за готово, а од притоа ниту да бидеме известени за што станува збор“, напиша Варуфакис на својот блог.
Впечатокот дека владата на новиот грчки премиер Алексис Ципрас не се согласува со остатокот од ЕУ во врска со наведените прашања го засили изјавата на министерот за енергетика Панајотис Лафазанис, кои изјави дека Атина се противи на санкциите за Русија. Покрај тоа, премиерот Ципрас во понеделникот, откако победи на неделните предвремени парламентарни избори, веднаш по полагањето на свечената обврска како прв странски функционер го прими рускиот амбасадор во Грција.
Изјавите на грчките министри ги испровоцира европските челници, поттикнувајќи ги притоа шпекулациите дека новата грчка влада е наклонета кон Русија, а истовремено со нетрпение се очекуваат продолжување на преговорите за мерките со помош. Лафазанис, инаку, во средата изјави дека не е во интерес на Грција да и’ наметнува санкции на Русија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Грузија сака да донесе закон за „странски агенти“, oфицијален претставник на ЕУ: Неприфатливо
Висок функционер на Европската унија денеска ја предупреди грузиската влада дека предложениот закон за „странски агенти“ е неприфатлив и ќе претставува пречка во напорите на земјата да се приклучи кон ЕУ, доколку биде усвоен во сегашната форма.
Грузискиот парламент вчера го усвои законот во второто читање, за кој опозицијата вели дека е инспириран од Кремљ, додека полицијата употреби солзавец и шок-бомби за да ги растера толпата демонстранти.
Владата смета дека законот е неопходен за да се гарантира транспарентно странско финансирање на невладините организации.
Секоја вечер, речиси еден месец, се поголем број демонстранти излегуваат на улиците. Вчера десет илјади демонстранти го блокираа центарот на Тбилиси на најголемиот антивладин митинг организиран досега.
Герт Јан Купман, директор на Управата за проширување на Европската комисија, за новинарите во главниот град на Грузија изјави дека Брисел ја следи ситуацијата и е загрижен за тоа што се случува.
„Гледаме загрижувачки случувања кога станува збор за законодавството. Законот за транспарентност, кој беше усвоен во второ читање, е неприфатлив во сегашната форма и ќе создаде сериозни пречки на патот кон пристапување во ЕУ“, рече Купман.
„Но, има уште време. Во септември ќе излеземе со препораки дали да ги започнеме пристапните преговори со Грузија и да објавиме извештај во октомври и ноември, така што има уште време. Но, сега топката кај владата“, додаде тој.
Грузискиот парламент се очекува да го разгледа законот во третото читање за околу две недели.
Европа
Русија: Не ја гледаме поентата на мировната конференција во Швајцарија
Русија објави дека не ја гледа поентата на конференцијата за прекин на огнот во Украина што Швајцарија ја планира за средината на јуни и на која Москва не беше поканета. Швајцарската влада соопшти дека Русија „во овој момент“ не е меѓу десетиците поканети земји, додавајќи дека е отворена за нејзино учество, но дека Москва не е заинтересирана. Берн го најави собирот во јануари, велејќи дека го организирал на барање на украинскиот претседател Володимир Зеленски.
Портпаролот на Кремљ, Дмитриј Песков, нагласи дека Москва не ја смета за веродостојна иницијатива.
„Не разбираме каква пресвртница би била таа мировна конференција“, им рече тој на новинарите. „За каква конференција зборуваме, за каква сериозна конференција со сериозни очекувања дека ќе има некакви резултати, без учество на Русија?
„Тоа е целосно невозможно и јасно е дека тоа е некаква иницијатива која не е фокусирана на резултати“, заклучи тој.
Швајцарската влада соопшти дека „мировниот процес не е можен без Русија. Украина, од друга страна, ги доведува во прашање придобивките од руското учество на состанокот што ќе се одржи во близина на градот Луцерн.
„Знаеме дека нема смисла да ја имаме Русија на маса ако не можете да се осигурате дека таа ќе дејствува со добра волја“, рече шефот на украинската дипломатија Дмитро Кулеба минатата недела во интервју за магазинот „Форин полиси“.
Кулеба смета дека создавањето дополнителен притисок врз Русија на бојното поле и обединувањето на земјите „кои ги делат принципите“ ќе помогнат Русија да биде подготвена да учествува во дијалогот.
Европа
Макрон не ја исклучува можноста за испраќање војници во Украина доколку Русија „ја пробие линијата на фронтот“
Францускиот претседател Емануел Макрон во интервју за Економист изјави дека не ја исклучува можноста за испраќање војници во Украина доколку Русија „ја пробие линијата на фронтот“ и ако Киев тоа го побара од Париз, пренесува BFMTV.
„Доколку Русите ги пробија првите линии на фронтот и ако има украинско барање – што не е случај денес – би било легитимно да се постави тоа прашање“, рече Макрон.
Веќе во февруари, Макрон ја покрена можноста за испраќање западни трупи на украинска територија, потсетува БФМ.
„Како што кажав, не исклучувам ништо бидејќи има некој од другата страна кој не исклучува ништо. Без сомнение, бевме премногу сомнителни кога ги дефиниравме границите на нашата акција”, рече францускиот претседател.
Макрон рече дека „априори отфрлањето“ на можноста за испраќање војници би значело дека „не се научени лекциите од последните две години“, бидејќи во летото 2022 година биле против испраќање тенкови, ракети со долг дострел и авиони. и сега сето ова го испорачуваат во Украина.
„Имам јасна стратешка задача: Русија не смее да победи во Украина. Ако Русија победи во Украина, нема да има безбедност во Европа“, додаде тој.
„Кој може да тврди дека Русија ќе застане таму? Каква безбедност има за другите соседни земји, Молдавија, Романија, Полска, Литванија и толку многу други? И тогаш, каков кредибилитет има за Европејците кои би потрошиле милијарди, велејќи дека тоа е опстанокот на континентот и не би обезбедиле средства за запирање на Русија. Така да, не треба ништо да исклучуваме“, истакна Макрон.