Црна хроника
Братот на сопругата на војникот успеал да му ја одземе пушката на убиецот
Професионалниот војник, Драган Манаилов откако застрелал педесет и едногодишен жител на Злетово и таткото и мајката на неговата сопруга заминал во домот кадешто живееле со неговата сопруга, соопштуваат од МВР.
Таму физички се пресметале со братот на неговата сопруга кој успеал да му ја одземе службената автоматска пушка со која ги извршил убиствата, по што избегал.Министерството за внатрешни работи попладнево излезе со соопштение со детали за тројното убиство што се случи утрово во Злетово, пробиштипско. Утрово околу 6.40 часот во полициската станица во Пробиштип, граѓанин пријавил дека слушнал истрели во куќа сопственост на педесет и едногодишен жител на Злетово, а веднаш потоа сопругата на војникот пријавила дека слушнала истрели во куќата на нејзините родители.Во една куќа било најдено безживотното тело на педесет и едногодишниот Методи Д., а во другата куќа биле најдени мртвите тела на родителите на сопругата на војникот, 65-годишниот Илија М. и 63-годишната Јана М.Полицијата веднаш стапила во контакт со Армијата на Македонија, каде бил вработен осомничениот и било утврдено дека тој своеволно го напуштил работното место. По неколку часа од убиството, во непосредна близина на бачило кај Злетово пронајдено е леце кое се самоубило со бесење. „Во тек е идентификација односно потврда на идентитетот на лицето и проверка на информациите дека станува збор за осомничениот“ соопштуваат од МВР.Досега против четириесетгодишниот Драган Манаилов биле поднесени две кривични пријави за сторени кривични дела телесна повреда и тешка телесна повреда сторени во семејството, а во тек била бракоразводна постпака меѓу сопружниците.Сепак од Генералштабот на АРМ велат дека Манаилов имал чисто војничко досие, ноќеска војникот бил на стража во кумановската касарна. Тие го осудуваат чинот на нивниот вработен.„Напомнуваме дека согласно правилото за обезбедување објекти, материјални средства и луѓе во АРМ и неговата примена во однос на подготовката на припадниците на АРМ пред извршување на должноста, кај професионалниот војник од страна на лекар е утврдена добра здравствена и психофизичка состојба“ се вели во соопштението од АРМ. Оттаму велат дека не биле известени дека имало пријави за нивниот вработен, а немале основа за дисциплинска постапка, бидејќи немало правосилна пресуда против него.
Медиумите јавуваат дека причината за тројното убиство била врската на неговата сопруга со внукот на убиениот Методи Д. Според пишувањата на медиумите, љубовникот се спасил во последен момент, успеал да побегне, но не и неговиот чичко. Осомничениот претходно војувал и во Авганистан./крај/мвр
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Познат идентитетот на скопјанецот кој ноќеска загина во сообраќајка на патот Штип -Кочани
Познат е идентитетот на мажот кој ноќеска загина во сообраќајна несреќа на патот Штип -Кочани.
– На 06.05.2024 во 02.45 часот во СВР Штип било пријавено дека на експресниот пат Штип -Кочани, во близина на с.Крупиште, патничко возило „рено лагуна“ со скопски регистарски ознаки, управувано од С.М.(34) од Скопје, излетало надвор од коловозот. По несреќата, возачот и сопатниците, И.М.(39) од Скопје и двајца малолетници биле пренесени во Клиничка болница Штип, каде што кај И.М. била констатирана смрт, додека кај возачот и малолетниците биле констатирани телесни повреди, информираа од полицијата.
Увид на местото извршиле јавен обвинител и увидна екипа од СВР Штип.
Црна хроника
Велосипедист е тешко повреден во сообраќајка во Охрид
Вчера околу 14.45 часот во СВР Охрид било пријавено дека на ул.„Питу Гули“ во Охрид се случила сообраќајна несреќа помеѓу велосипед управуван од Ј.Д.(74) од Охрид и патничко возило „хјундаи “ со охридски регистарски ознаки, управувано од Д.В.(28) од Охрид.
Во несреќата со тешки телесни повреди се здобил велосипедистот, констатирани во специјалната болница „Св.Еразмо“ во Охрид.
Увид на местото извршила екипа од СВР Охрид.
Црна хроника
Скопјанец измамен во менувачница од двајца странски државјани
Скопјанец пријавил дека во менувачница во Старата скопска чаршија бил измамен од страна на двајца странски државјани за сума од 25.000 евра, информираат попладнево од Министерството за внатрешни работи.
Синоќа во 19.15 часот во СВР – Скопје, Х.М., на возраст од 34 години од главниот град на државава, пријавил дека околу 15 часот во менувачница во Старата скопска чаршија бил измамен од двајца странски државјани.
Според пријавеното, откако се договориле во менувачницата да сменат пари за 25.000 евра, лицата дошле со чанта со договорената сума на пари во денари, при што еден од нив ја заменил чантата со денари со друга иста чанта, која во долниот дел била полна со хартиени ливчиња.
Како што пријавил Х.М., тој им ги дал еврата без да ја провери чантата, а откако заминале, сфатил дека е измамен, појаснуваат од МВР.
Се преземаат мерки за расчистување на случајот.