Функционерите од Европската унија се подготвуваат да извршат притисок врз владите на земјите членки да преземат многу повеќе азиланти од земјите на границите на ЕУ кои се под притисок, а во овој план не учествуваат Велика Британија, Ирска и Данска, пишуваат медиумите.

Откако германската канцеларка Ангела Меркел и францускиот претседател Франсоа Оланд во четвртокот го поддржаа планот кој челниците на Европската унија во јуни го отфрлија, функционери од Брисел велат дека извршните тела на ЕУ би можеле да предложат зголемување на својот план за четири пати, за да ги обврзат државите да ги преземат 160-те илјади мигранти од Италија, Грција и Унгарија, пишува Reuters.

Претседателот на Европската комисија, Жан-Клод Јункер ќе го објави новиот предлог идната среда, а неговиот портпарол одби однапред да зборува за споменатиот план. Меѓутоа, високи функционери на ЕУ изјавиле дека Јункер, кој во мај ги предложи задолжителните квоти за земјите за да прифатат, тогаш 40.000 азиланти од Италија и од Грција, сега размислува за речиси трипати поголеми бројки и додавајќи уште 50.000 мигранти од Унгарија.

Челниците на земјите од ЕУ го одбија наметнувањето квоти од Брисел, но нивните напори да дојдат до посекуваните 40.000 мигранти на доброволна основа не успеаја да надминат 32.000 луѓе, додека бројките на пристигнатите мигранти во Италија, Грција и сé повеќе во Унгарија, пораснаа на стотици илјади, што не е забележано од 1992 година, односно од војните на просторите на поранешна Јуославија.

Според новиот план на Европската комисија, најмногу мигранти би требало да примат Германија – 34.077, потоа Франција – 26.215 и Шпанија – 16.835, а најмалку Кипар – 722. Од регионот, Словенија би требало да прими 2.128, а Хрватска 3.200 додека според мајскиот план таа бројка изнесуваше 1.062. пишува The Daily Mail во своето интернет издание.

Квотите се одредени врз основа на бројот на жителите на една земја, економското богатство, претходните интеграции на бегалците и степенот на вработеноста.

Велика Британија, којашто одби да му се придружи на планот кога привично беше предложен во мај, нема да нора да прифати ниеден бегалец, и покрај тоа што е една од најголемите и најбогати земји во ЕУ. Ирска и Данска, исто така, не го прифатија планот.

Во настојувањето да се омекне отпорот меѓу источните поранешни комунистички земји членки на ЕУ, кои приговараат дека не се сретнале со масовни имиграции надвор од Европа како нивните западни соседи, неименуван функционер на ЕУ рекол за Reuters дека на тие земји ќе им биде дадена можноста да им платат на другите земји да ги прифатат мигрантите, доколку не ги преземат самите.

Во Брисел стравуваат и ги критикуваат изјавите кои доаѓаат од истокот на ЕУ, како на пример од унгарскиот премиер Виктор Орбан за кој Унијата влетала „во канџите на лудилото“ и во Брисел објави дека неговата земја нема намера да прифаќа голем број муслимани и квотите ги нарече „повик“ за милионите други да го ризикуваат патот во Европа и оти приливот од муслимански мигранти претставува закана за христијанскиот идентитет на Европа.

Словачка, исто така, уште пред десетина дена објави дека е подготвена да прими бегалци од Сирија, но само христијани, бидејќи смета дека муслиманските бегалци не би се интегрирале во општеството, бидејќи во земјата нема ниедно муслиманско светилиште./крај/мф/сн

Извор: Макфакс