Спорт
Нова фудбалска војна меѓу Германија и Англија
Денеска во Блоумфонтејн во 16 часот ќе започне третиот осминафинален натпревар на мундијалот во Јужна Африка кој треба да го даде одговорот кој од европските фаворити ќе испадне уште во првиот елиминациски меч
Оваа фудбалско нетрпеливост која секако ја следи и политичката конкурентност и ривалитет започна на Светското првенство во Англија 1966 г., кога Англија и Германија го одиграа првиот од досегашните четири меѓусебни натпревари. Тогаш во Лондон, Англичаните на контраверзен начин, со според многумина непостоечки а признат гол и конечни 4:2 по продолжението стигнаа до нивната единствена титула светски прваци. Во другите три натпревара Германците одмазнички ги вложуваа сите натпревари играјќи како да станува збор за титулата и славеа победа и на последниот меѓусебен натпревар на Светското првенство во Италија 1990 г. Тогаш во полуфиналето Германија победи и си го отвори патот до шампионската титула. Германците славеа со 4:3 на пенали откако Бодо Илгнер успеа да го одбрани пеналот на Стјуарт Пирс, актуелниот помошник на англискиот селектор Капело.Двете селекции иако се вбројуваат во кругот на претенденти за највисок пласман на шампионатот во Јужна Африка, не импресионираа со својот настап во групната фаза. Германците, го освоија првото место во групата Д со победите над Австралија 4:0 и Гана 1:0, односно поразот од Србија од 1:0. Избраниците на Јоаким Лев прикажаа бројни слабости, но упорноста и дисциплината која го краси секој германски тим е главен адут за трето пласираната репрезентација на Мундијалот во 2006-тата.Звучните и скапи имиња на фудбалери кои ги има на располагање Фабио Капело, со многу мака и среќа успеаја да обезбедат место меѓу шеснаесетте најдобри на првенството. Англија по двата нерешени резултати против САД и Алжир, со многу среќа во третото решавачко коло од групата Ц ја совлада Словенија и го обезбеди второто место. Италијанскиот стручњак истакна дека грчот и бремето кое го чувствувале неговите избраници пред почетокот на шампионатот е веќе минато и дека конечно фудбалерите на Англија почнале да играат фудбал каков што се очекува од играчите кои доаѓаат од „земјата на фудбалот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.