Европа
Меркел ја повикува Европа на заеднички одговор на бегалската криза
Германската канцеларка Ангела Меркел ги повика во понеделникот земјите членки на Европската унија заеднички да ја преземат одговорноста за бегалската криза на европскиот континент, предупредувајќи дека изостанувањето на заедничкиот одговор би ги уништил самите темели на европскиот проект.
„Европа би требала да дејствува како целина. Државите мора да ја споделат одговорноста за бегалците. Универзалните граѓански права досега тесно се поврзуваа со Европа и со нејзината историја. Тоа е едно од темелните начела на Европската унија“, изјави германската канцеларка Ангела Меркел во текот на вообичаената годишна прес-конференција на којашто доминираа прашањата за нејзиниот одговор на драматичното зголемување на лицата коишто бараат азил во Германија.
„Доколку Европа доживее неуспех, кога станува збор за бегалците, доколку се распадне поврзаноста со универзалните граѓански права, ако таа биде уништена, тоа повеќе нема да биде Европа каква што ја замислуваме“, рече Меркел.,
Германија очекува годинава 800.000 баратели на азил, додека некои покраини оценија викендов дека таа бројка ќе надмине над милион луѓе, што е најмногу во историјата на земјата и далеку повеќе отколку другите европски земји.
Тоа предизвика и јакнење на нетрпеливоста и ксенофобијата во Германија и ја разгоре јавната расправа за имиграцијата. Центрите за прифаќање на бегалците и мигрантите сé почесто се цели на напади. Канцеларката Меркел, исто така, е често критикувана за нејзините бавни реакции на кризата. На почетокот од август, таа бегалската криза ја оцени како најголемиот предизвик за Европа од избувнувањето на грчката должничка криза.
Многу од лицата коишто бараат азил бегаат од војните на Блискиот исток, но меѓу нив, како што тврдат германските владини функционери има и многу економски мигранти од Балканот и од Африка. Меркел рече дека оние баратели на азил чии барања ќе бидат одбиени, ќе бидат вратени во нивните татковини. Меркел притоа призна дека, сепак, приливот од мигранти би можел да биде добар за Германија, чиешто население се намалува и многу ѝ се потребни работници.
На германските компании никогаш претходно не им биле потребни повеќе работници отколку што е сега случајот, покажува најновиот извештај на владината Сојузна агенција за вработување, објавен во понеделникот. Барањето работници во август, според пазарниот индекс кој споменатата агенција го изготвува секој месец, никогаш не било поголемо. Индексот BA-X изнесува 194-процентни поени во август, два повеќе отколку во јули, и далеку повеќе отколку во текот на економскиот подем во 2011 и 2012 година.
Слободни работни места има најмногу во секторот услуги, според овој извештај. Агенцијата како појаснување го наведува јакнењето на германската економија, но и недостигот од соодветни работници поради што работните места се подолго време непополнети. Точниот број слободни работни места ќе биде објавен во вторник, заедно со податоците за невработеноста во август./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.