Црна хроника
Кривична пријава за џепчија од „63-ка“
Скопската полиција во неделата до Основното јавно обвинителство поднесе кривична пријава против 46-годишник од Скопје за џебна кражба.
Скопската полиција во неделата до Основното јавно обвинителство поднесе кривична пријава против 46-годишник од Скопје за џебна кражба.
Пријавениот пред една седмица со намера да ја изврши кражбата се качил во автобусот број 63 на постојката кај „Веро Џамбо“ на булеварот „Кузман Јосифовски Питу“ кој сообраќа до Транспортниот центар, и искористувајќи ја гужвата од патник украл машки паричник во кој имало лична карта, платежни картички и електронска здравствена картичка.
Меѓутоа, додека ја извлекувал раката од џебот на жртвата, бил забележан од друг патник кој го предупредил ограбениот, по што била повикана полиција, која при претрес кај осомничениот го пронашла паричникот.
На пријавениот со иницијали И.Ј му е одреден осумдневен притвор. Станува збор инаку за лице на коешто во периодот од 1980 до 2014 година му се поднесени 101 кривична пријава претежно од областа на имотни деликти, главно кражби и измами./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Жена физички нападната од возачот на автобус на ЈСП
Вчера во 17.15 часот во СВР Скопје, С.Б.(60) од Скопје пријавила дека околу 10.20 часот на автобуска постојка на Транспортен центар-Скопје била физички нападната од едно лице – возач на автобус на ЈСП.
Се преземаат мерки за расчистување на случајот.
Црна хроника
Импровизиран кревет и забоден кујнски нож нашла Кацарска пред гаражата – заканите се пријвени во МВР
Претседателката на Уставниот суд, Добрила Кацарска, пријавила во МВР дека добила закани за својот живот.
Од полицијата информираа дека случајот бил пријавен во текот на вчерашниот ден.
„Од страна на Д. К. било пријавено дека на подрачјето на Центар во подземни гаражи, пред нејзиното гаражно место, биле пронајдени импровизиран кревет и кујнски нож, кој бил забоден на прекинувачот за светло“, велат од МВР.
За случајот известен е јавен обвинител, предметите се подигнати за вештачење и се преземаат мерки за расчистување на случајот.
Црна хроника
Во хотелска соба во Охрид пронајдена почината 82-годишна жена од Аргентина
82-годишна жена била пронајдена почината во Охрид, соопшти полицијата.
Имено, на 14.5.2024, во 7.15 часот, во СВР Охрид е пријавено дека во соба во хотел во Охрид, каде што престојувала, била пронајдена почината Р. В. Б. (82) од Аргентина.
Лекар од итната медицинска помош констатирал смрт без видливи траги на насилство.
Надлежните извршиле увид.