Црна хроника
Кривични пријави против три лица за претепувањето на Тодор Петров
Кривични пријави против три лица за претепувањето на Тодор Петров најави во четвртокот скопската полиција, по консултациите со Јавен Обвинител.
Во врска со настан од 27/02/2016 кога во угостителски објект „Казабланка“ физички беше нападнато лицето Т. П, СВР Скопје на разговор повика 11 лица, од кои девет се јавиле на поканата.
Во четвртокот во полициската станица „Бит Пазар“ исказ дадоа лицата Ќ. М. (64), Е. Б. (55), А. А. (53), И. Г. (52) и Б. А. (41), Е. Б. (32), А. Е. (37), Б. Љ. (28) и Х. А. (34) сите од Скопје, додека на поканата не се јавија само А. Б. и И. Г.
Во извршените разговори со лицата, истите изјавија дека на 27/02/2016 година биле присутни во угостителскиот објект, каде се случи кривично правниот настан.
Истиот ден во ПС ОН „Бит Пазар“ во присуство на Јавен Обвинител беше извршено соочување помеѓу оштетениот и лицата Е. Б. (32), А. Е. (37), Б. Љ. (28) и Х. А. (34). При тоа, од страна на оштетениот лицата Е. Б. и А. Е. беа посочени како лица кои биле во групата која физички го нападнала на 27/02/2016 година во угостителскиот објект „Казабланка“ заедно со лицето А. Б..
По извршените консултации со Јавен Обвинител, Единицата за насилен криминал, во текот на денот, ќе поднесе кривична пријава против Е. Б., А. Е. и А. Б. поради основано сомневање дека се сторители на кривично дело „Насилство“ предвидено и казниво по член 386 од КЗ.
Исто така, по дадена насока од Обвинителството, Е.Б. и А. Е. се лишени од слобода, па ослободени со обврска во текот на утрешниот ден да се јават кај Јавниот обвинител. /крај/мф/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Mлад скопјанец натепан во автобус во Карпош од две двојно постари лица
Синоќа во градски автобус на подрачјето на Карпош, Н.Ј.(23) од Скопје бил физички нападнат од Ј.И.(58) и 50 – годишната Л.И., двајцата од Скопје.
Се преземаат мерки за расчистување на случајот, објави МВР во дневниот билтен.
Топ
Деца натепани од врсници на Бит Пазар пред зградата во која живеат
Триесет и четиригодишната Ч.М.А. од Скопје пријавила дека околу 16.30 часот пред зградата во која живеат на подрачје на Бит Пазар, нејзините малолетни деца биле физички нападнати од двајца малолетници.
Се преземаат мерки за расчистување на случајот, објави МВР во дневниот билтен.
Топ
Избоден малолетник во Куманово, пренесен е болница
Малолетно момче било избодено синоќа во Куманово.
Од МВР велат дека момчето се здобило со повреди и било пренесено во Ургентниот центар.
Засега е познато дека зад нападот стои едно лице, но од МВР без детали што претходело и дали двајцата се познавале.
Се преземаат мерки за расчистување на случајот, велат од полицијата.