Европа
Москва ги смета ’нереални’ условите на Киев за примирјето, најавено повлекување на оружјето
Москва ги смета за нереални условите коишто ги наметнува Украина за целосно почитување на примирјето, додека од Киев во четвртокот сепак објавија дека ќе започнат со повлекувањето на тешкото вооружување од боиштето, што неколку дена беше одложувано со оправдување за наводни премини на руско оружје и војници преку границата.
„Се поставуваат смешни, во најголемиот број од случаите, барања коишто целосно го одразуваат ставот на киевските власти, а тие изјавија дека ќе го започнат повлекувањето на тешкото оружје само доколку ден или два минат бе ниеден истрел. Но сите сме свесни дека идеално примирје, идеален прекин на огнот не се случува“, изјави рускиот министер за надворешни работи Сергеј Лавров.
Според него на неодамнешниот состанок на ткн „нормандска четворка“ (Украина, Русија, Франција и Германија) во Париз, на нивно на министри за надворешни работи, „германскиот колега целосно се согласи дека доколку не започне повлекувањето на тешкото оружје, ризикот од инциденти ќе биде несразмерно повисок“, отколку во услови на повлекување на оружјето.
Малку подоцна во четвртокот во Киев беше објавено дека се подготвува повлекување на тешкото вооружување од боиштето во источниот дел од Украина во рамките на мировниот договор потпишан на 12-ти февруари во Минск. „Украина започнува со повлекувањето на топовите со калибар од 100 мм од линијата на разграничувањето. Ова е прв чекор кон повлекувањето на тешкото вооружување“, соопшти Генералштабот на украинската армија.
Првите точки од Минскиот договор подразбираат преки на огнот кој стапи на сила од полноќ 15-ти февруари, па потоа размена на сите заробеници од двете страни започнување на повлекувањето на тешкото вооружување.
Претходно во вторникот украинската армија објави дека нема да започне со повлекување на оружјето со голем калибар додека не престанат веќе ретките пукања, изјавувајќи дека наводно руски колони со тенкови, ракетни системи, борни возила и автобуси со војници ја минале руско-украинската граница.
Рускојазичните бунтовници соопштија дека од неделата започнале со повлекувањето на тешкото вооружување од боиштето и оти до четвртокот повлекле речиси 80 отсто од овој вид вооружување , коешто според договорот од Минск треба да биде повлечено, во зависност од калибарот, меѓу 50 и 140 километри со што ќе се создаде тампон зона меѓу двете завојувани страни./крај/фм/мф
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Киев се урива споменик кој ја слави блискоста меѓу Русија и Украина
Властите на Киев во вторникот почнаа да го отстрануваат споменикот од советската ера што ја означува врската меѓу Русија и Украина, повеќе од две години откако Москва започна инвазија врз Украина.
Неколку дена ќе бидат потребни за целосно уривање на споменикот од црвен гранит, кој се состои од дваесетина поединечни елементи, соопшти градската управа.
Тоа е всушност група статуи кои прикажуваат украински Козаци кои го опкружуваат лидерот Богдан Хмелницки и московскиот амбасадор.
Статуите ќе бидат префрлени во воздухопловниот музеј.
Споменикот е изграден во 1982 година за да го одбележи „обединувањето на украинскиот народ со братскиот руски народ“ во 1654 година, кога Хмелницки склучил сојуз со рускиот император во борбата против полско-литванскиот сојуз.
Советските историски книги го романтизираа како почеток на нераскинливо пријателство меѓу Украина и Русија.
Европа
Белоруските спортисти одат на Олимписките игри, Лукашенко: Победете ги противниците
Белорускиот претседател Александар Лукашенко денеска им порача на белоруските спортисти кои учествуваат на Олимписките игри во Париз под неутрален статус „да ги победат своите противници“.
„Ако сте избрале и одите таму под неутрален статус, истепајте ги, покажете им дека сте вистински Белоруси“, рече Лукашенко во соопштението за печатот на претседателството.
За време на посетата на регионот Могилев во Белорусија, жителите го прашале Александар Лукашенко што мисли за ова учество под неутрален статус, се вели во извештајот објавен на веб-страницата на белоруското претседателство.
„Спортистот треба да избере. Доколку одлучи да учествува на Олимписките игри, ќе биде уште пожесток. Затоа што разбирате дека состојбата на умот и гневот не се од мала важност во спортот“, реагира Лукашенко. „Вие сте Белорусија и кога ќе излезете како победници, тоа е добар начин политички да ги удрите во лице“.
Лукашенко, кој е на власт од 1994 година, ги искорени сите форми на опозиција во неговата земја, потиснувајќи мирно масовно движење во 2020 година. Тој е навикнат и на широки изјави и испади, како на пример кога парадираше со калашников во раката пред демонстрантите кои се противат на неговото владеење, нарекувајќи ги „стаорци“. Во февруари 2022 година, тој ја отвори Белорусија за руската армија за да може да ја нападне Украина од север.
Белорусија беше исклучена како земја од Игрите поради нејзината поддршка за руската инвазија на Украина, а нејзините спортисти се натпреваруваат под неутрален статус, без химна, знаме или национални обележја.
Европа
(Видео) Полицијата го бркаше убиецот со меч низ Лондон, објавена е снимка
Би-би-си објави снимка на која се гледа лондонската полиција која го брка напаѓачот со нож, кој денеска уби 13-годишно момче и повреди неколку други.
На снимката се слушаат полицајците како им викаат на граѓаните: „Заклучете ги вратите“.
Полицијата смета дека не се работи за терористички напад.
Полицајците уапсија маж вооружен со меч по извештаите за сериозен инцидент со прободување во североисточен Лондон.
Со електрошокер бил совладан 36-годишниот маж кој мавтал со меч.
„Со голема тага можам да потврдам дека 13-годишното момче кое беше избодено, почина во болница набргу откако му биле нанесени убодите“, изјави началникот на лондонската полиција Стјуарт Бел.
Уште две лица и двајца полицајци се во болница поради убодни рани и се надвор од животна опасност.
„Не мислиме дека постои закана за пошироката заедница, полицијата не бара други осомничени и се чини дека овој инцидент не е поврзан со тероризам“, рече Бел.