Домашен
Стартува АБА лигата, МЗТ в сабота гостува кај Мега Визура
Новата сезона во регионалната кошаркарска АБА лига ќе започен в петок со натпреварот помеѓу Црвена звезда и дебитантот во ова натпреварување Левски. Македонскиот шампион МЗТ првиот натпревар во својата трета сезона во регионалната лига ќе го одигра в сабота во Сремска Митровица, против Мега Визура.
Лигата во која ќе учествуваат 14 екипи, оваа сезона ќе се игра по нов формат, барем кога станува збор за мечевите кога ќе се разигрува за титулата. Раководството на АБА лигата реши наместо завршен турнир, да се игра плеј оф систем. Екипите на Црвена звезда и Цедевита, кои ќе играат и во Евролигата, заедно со Будуќност која во преодниот рок сериозно се засили, се главните фаворит за титулата. Македонскиот првак МЗТ, во претходните две сезони лигата ја завршуваше на седмото, односно деветтото место, а тешко е да се каже кој е крајниот домет на тимот во оваа сезона, со оглед дека играчки екипата претрпе сериозни измени. Играчи на МЗТ повеќе не се Гечевски, Чековски и Војдан Стојановски, кои две сезони беа главните носители на играта. Во однос на претходното првенство во МЗТ повеќе не се ниту Огнен Стојановски, Синовец, Оташевиќ, Дејвис, Костоски, Шеховиќ и тренерот Мартич. Ново име на клупата на МЗТ е искусниот стратег Змаго Сагадин, а нови кошаркари се Симоновски, Зивчевиќ, Цинцадзе, Класен, Демјунк, Моровиќ. АБА Лига, 1.Коло:Петок, 3.октомври:Црвена звезда-Левски (19 ч)Цибона-Унион Олимпија (21 ч)Сабота, 4.октомври:Крка-Цедевита (17 ч)Солнок-Партизан (18 ч)Мега Визура-МЗТ Скопје Аеродорм (19 ч)Задар-Игокеа (21 ч)Будуќност-Металац (21 ч). крај/мф/нц
Извор: foto mztskopjeaerodrom
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Домашен
Денеска во Прилеп 11. планинска трка „Крали Марко Треилс“
Во Прилеп денеска ќе се одржи 11. трка во планинско трчање „Крали Марко Треилс“. Од 250-те пријавени учесници, 78 отсто се од земјава, а останатите 50-тина се од други 12 држави, најмногу од регионот: Србија, Косово, Грција, Албанија,… На трката ќе учествуваат повеќето од најбрзите македонски планински тркачи, репрезентацијата во планинско трчање на Србија, како и поранешната шампионка на Шведска во 100 километарски ултра маратон Лиса Ринг.
„Крали Марко Треилс“ предвидува две трки со различни должини. Пократката, долга 18 километри, е најстарата и најпопуларна планинска трка во државава, наречена „Трескавец Треил“. Почнува од Варош во Прилеп и преку Марковите Кули и пејсажните ритчиња ги води 160-те натпреварувачи кон манастирот Трескавец, а потоа назад во Прилеп.
Подолгата трка, „Камена Баба Треил“, долга 35 километри, исто така почнува од Варош и ја следи патеката до манастирот Трескавец, но оттаму продолжува низ карпести предели преку Камена Баба. За неа се пријавени 80-тина планински тркачи.
Настанот е во организација на здружението ТРЕКС од Скопје и е наменет за рекреативни, аматерски и професионални спортисти со различно ниво на физичка подготвеност.
Домашен
(Видео) Бугарски навивачи се судрија со полицијата на стадион: фрлаа со предмети, па следуваше апсење
Бугарски навивачи се судрија со македонската полиција на арената „Тодор Проевски“ каде се игра натпреварот Шкупи (Македонија) и Левски Софија (Бугарија).
Турканицата продолжи со вадење на ремени од страна на навивачите и фрлање предмети како што се лименки пива, сокови и слично. По ова, имаше и неколкумина уапсени. Полицијата ги извади од стадионот и однесе со комбиња во станица.
„Макфакс“ контактираше со МВР од каде проверуваат зошто дошло до судирот, како и, како е постапено со уапсените лица.
Ова е втор инцидент. Претходно, во Чаир, беа каменувани два автомобили со бугарски натпреварувачи. На ова претходеа низа провокации на социјалните мрежи и телевизиски изјави со навредувачки пароли за Македонија. Навредувачки навивачки песни, се пееа и на трибините.
Домашен
(Видео) Оформен предмет за полицаецот кој со пендрек го нападна Талески: Имало турканица, службеник преземал и физички мерки
МВР отвори предмет против полицаецот кој со пендрек го удри ракометарот Филип Талески, за да се утврди зошто се решил на таков потег и дали ќе следи казна. Чинот наиде на лавина коментари во јавноста и осуда. Досега, во МВР не е поднесена пријава за ударот на Талески.
„По завршување на спортскиот натпревар, поради меѓусебна турканица на неколку ракометари од двете екипи на терен, најнапред реагираше обезбедувањето на натпреварот, а потоа од страна на еден полициски службеник од полициската станица од општа надлежност Охрид преземени се физички мерки. По службена должност Одделот за внатрешна контрола, криминалистички истраги и професионални стандарди при МВР оформи предмет и презема мерки за целосно расчистување на случајот, велат од МВР за „Макфакс“.
Тие додаваат дека пријава досега не добиле.
„По вчера одиграниот ракометен натпревар КУП на Македонија-финале помеѓу ракометните екипи „Еурофарм Пелистер“ од Битола и „Вардар“ од Скопје, во СВР Охрид не е поднесена преставка, поплака или друг вид на пријава од ракометари, делегати или други официјални спортски претставници против полициски службеници кои извршуваа обезбедување на натпреварот што го следеа околу 4000 лица“, додава МВР.