Контакт

Daily news

Американски ракетен напад врз Сирија – пораки, реакции и последици

Објавено пред

Се случи. По директна наредба на претседателот Доналд Трамп американски воени бродови во Средоземното море стапија во акција и со крстосувачки ракети Томахавк ги нападнаа позициите на Сириската армија.

Ударот започнал во 03.40 минути, а 59 ракети истрелани од воените бродови „Рос“ и „Портер“ ја погодиле сириската воена база „Шајрат“, уништувајќи складишта за муниција, системи за одбрана, авиони, радари и хангари.

Сирија официјално ја призна смртта на пет лица, а непознат број други се повредени. Оваа база е избрана како цел на нападот затоа што, според Пентагон, директно е поврзана со програмата за хемиско оружје кое беше употребено во нападот врз Хан Шеикун во провинцијата Идлиб во кој загинаа стотина луѓе, меѓу кои и голем број жени и деца.

Треба да се напомене дека ова е унилатерална акција на САД бидејќи претходно во Советот за безбедност на ОН не беше постигнат каков било договор кој би вклучувал воени реперкусии на хемискиот напад во Идлиб.

Она што се знае со сигурност е дека пред почетокот на истрелувањето на Томахавките, САД ги известиле Велика Британија, Франција, Израел и Русија дека тоа извесно ќе се случи. Првите три се стратешки сојузници на Вашингтон и тие веднаш побрзаа да ја поздрават оваа акција, а истото го направија и Германија, Турција, Саудиска Арабија и низа други земји.

Русија се разбира била известена од сосема поинакви причини. На сириско тло се наоѓаат руски воени авиони, системи за против ракетна и против авионска одбрана, специјални сили и инструктори, како и одреден број цивилни лица.

Дури и во нападнатата база имало дел во кој била сместена руска опрема и војници, а Американците, разбирливо, како што впрочем и јавно соопштија, не сакале и направиле сè што е можно за да не дојде до евентуални руски жртви.

Интересен момент, пренесен од сириски извори на теренот е дека Русите не само што навремено се повлекле од базата „Шајрат“ туку наводно за нападот ги предупредиле и своите сириски сојузници, па и тие организирано и навремено ја напуштиле базата што го покажува и релативно малиот број на жртви на ударот, иако инфраструктурата внатре во „Шајрат“ практично е целосно уништена.

Сепак официјално Русија негира дека добила предупредување за нападот, кој според Москва е јасно кршење на меѓународното право. Кремљ побара итна седница на Советот за безбедност на ОН каде ќе се расправа за новонастанатата ситуација.

Рускиот претседател Владимир Путин изјави дека нападот претставува агресија врз суверена држава, а Русија соопшти дека го суспендира договорот за безбедност на летовите над Сирија што претходно беше потпишан со САД.

Истовремено Иран, вториот најважен сојузник на сирискиот претседател Асад, остро го осуди инцидентот со образложение дека ваквите акции само им помагаат на терористите и дополнително ја комплицираат ситуацијата во Сирија.

Државната телевизија во Дамаск објави дека нападот е чин на агресија но повеќе од јасно е дека владата на Башар ал Асад нема ниту можности ниту сила на било каков начин да возврати на американскиот напад. Интересно е да се напомене дека во моментот кога томахавк ракетите ја уништувале базата „Шајрат“, претседателот Трамп бил на вечера со кинескиот претседател Кси Џинпинг што никако не може да биде случајност. Наредбата ја издал без да побара одобрение од Конгресот што, пак, наиде на извесни критики од демократите. Кинеската реакција е млака, Пекинг смета дека е потребно воздржување од унилатерални акции без одобрение од Светската организација но исто така остро се противи на користењето на хемиско оружје од која било страна во кој и да е конфликт на планетата.

Тоа се информациите на површината. Каква е позадината малкумина на дуњата знаат иако многумина се обидуваат да одгатнат. Сосем извесно е дека првата воена акција на Трамп откако влезе во Белата куќа ги менува правилата на игра и јасно покажува дека САД немаат намера да се воздржуваат од она што го сметаат за неопходност на моментот, иако тоа нема да им се допадне на другите важни играчи на светската сцена.

Анализите говорат дека акцијата е испланирана однапред и со неа Трамп ги демантира надежите во некои кругови дека со неговиот мандат започнала ера на американско самонаметнато ембарго на воени интервенции надвор сè додека трае обидот за консолидирање на состојбите внатре на територијата на Соединетите држави.

Правилно и логично е постапено со одлуката да се минимизираат до крајни граници можностите за руски жртви на теренот, а преку неименувани официјални лица е испратена и порака дека акцијата од утрината нема да биде продолжена, односно дека претставува само американски чин на одмазда „за варварскиот хемиски напад во Идлиб“. И толку. Тешко е да се поверува и дека Русија исто така ќе се обиде да ги заостри до неподносливост односите со „западните партнери“ како што упорно ги нарекува администрацијата во Кремљ, а впрочем и самиот факт дека за време на нападот воопшто не се активирале руските системи за одбрана говори многу.

Да сакале или да сметале дека е неопходно Русите би реагирале сосем поинаку. (по малку делува збунувачки една информација која вели дека речиси половината од 59-те ракети воопшто не ја погодиле базата, но за ова нема верификувана потврда). Сега е најважно сите заинтересирани да останат со студени глави, внимателно да се анализира секој нареден потег и да работат со полна пареа линиите за комуникација, додека на оние што свират на воени труби треба да им се покаже дека треба да намалат малку со дувањето на образите.

Или уште подобро да им се нареди барем извесно време да се одморат. /крај/дм



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Регион2 минути

(Видео) Ураганот донесе поплави и однесе два животи во Грција

Медитеранскиот ураган Јанос, кој ја погоди централна Грција денеска, однесе два животи, предизвикувајќи поплави и материјална штета. Two dead, one...

Македонија52 минути

(Видео) Како ќе изгледа враќањето на училиште: на секое дете ќе му се мери температура, маските ќе се вадат само за време на оброкот

Министерството за образование и наука во соработка и со поддршка на УНИЦЕФ И УСАИД, изработи видео во кое на јасен...

Топ1 час

Приведен светиниколец за мачење на животни

СВР Штип – ОВР Свети Николе ќе поднесе кривична пријава против М.Е. од селото Ерџелија, Свети Николе, поради мачење животни,...

Македонија2 часа

Османи: Предизвиците со Бугарија иако делуваат жестоко, тие се надминливи

Министерот за надворешни работи, Бујар Османи, денеска ги претстави приоритетите во неговиот мандат. Како прв и најважен приоритет Османи ги...

Свет3 часа

Се огласи Навални: Патот кон закрепнувањето е јасен, но долг

Рускиот опозиционер, Алексеј Навални, објави фотографија на „Инстаграм“ на која се гледа како се симнува по скали и напиша дека...

Гордана Јанкулоска, судење, Титаник Гордана Јанкулоска, судење, Титаник
Македонија6 часа

Јанкулоска: Ако некој ме бара, јас сум дома

Поранешната министерка за внатрешни работи, Гордана Јанкулоска, објави статус на „Фејсбук“ со кој ги негира информациите дека таа избегала откако...

Македонија6 часа

МОН: Децата кои немаат уреди за онлајн настава ќе може да ја следат од училница

Децата коишто немаат уреди за следење на онлајн настава во време на Ковид-19 ќе добијат можност за учење како и...

Свет7 часа

Трамп: До април ќе има вакцина за секој Американец

Претседателот на САД, Доналд Трамп, објави дека очекува до април САД да имаат доволно вакцини против коронавирус за секој Американец....

Македонија7 часа

За еден ден казнети 384 возачи во Скопје

Министерството за внатрешни работи во текот на вчерашниот ден продолжи со засилените акциски контроли во областа на сообраќајот. На територија...

Свет7 часа

Европската агенција за лекови одобри употреба на дексаметазон за лекување на Ковид-19

Европската агенција за лекови (ЕМА) одобри употреба на лекот дексаметазон за лекување на пациенти со Ковид-19 кои имаат проблеми со...

Топ8 часа

Млад скопјанец осомничен дека криел оружје и дрога во бункери во Бутел

Дваесет и четиригодишен скопјанец е осомничен дека ги сокрил оружјето, муницијата и дрогата во бункери во Бутел кои беа откриени...

Спорт8 часа

Либански фудбалер почина откако беше погоден од залутан куршум

Либанскиот фудбалер Мохамед Атви почина во болница откако беше погоден со залутан куршум во главата. 32-годишниот Атви бил погоден во...

Регион21 час

Украдени ретки книги во вредност од 2,5 милиони фунти, пронајдени под подот на куќа во Романија

Околу 200 „незаменливи“ книги вредни повеќе од 2,5 милиони фунти (3,2 милиони американски долари), кои биле украдени од еден магацин...

Свет22 часа

Трамп сакал да го ослободи Асанж, ако му кажел кој стои зад хакерскиот напад на Демократската партија

Американскиот претседател Доналд Трамп му понуди помилување на основачот на „Викиликс“, Џулијан Асанж, доколку открие кој стои зад хакирањето на...

Македонија23 часа

Отказ за советникот на Чулев поради насилно и недолично однесување

Министерството за внатрешни работи му даде отказ на Зоран Ѓорѓиевски, кој беше вработен како советник во кабинетот на министерот во...

Топ1 ден

Осумгодишно дете починало на пат кон болница

Вчера во Градската болница Куманово со возило на брза помош било донесено осумгодишно дете на реанимација. Детето било од Крива...

Македонија1 ден

Осум лица починаа од коронавирус, потврдени 144 нови случаи

Во последните 24 часа осум лица починаа, а потврдени се 144 нови случаи на коронавирус од 1.545 теста, соопшти Министерството...

Македонија1 ден

Мицкоски: На Јанкулоска ѝ судеа без докази затоа што не избра да биде слуга во скутот на Заев

„Мафијата на власт потроши над 8 милиони евра за службени возила, а за набавка на едно службено возило што го...

Македонија1 ден

40 илјади деца немаат компјутери за да следат онлајн-настава

Училиштата ќе отпечатат материјали за учење од дома за 40 илјади деца, кои немаат техничка опрема за следење на онлајн-наставата....

Македонија1 ден

Интегра го тужи Мицкоски, од него бара 100 илјади евра за клевета

Партијата Интегра поднесе тужба против лидерот на ВМРО-ДПМНЕ, Христијан Мицкоски, преку која бара 100.000 евра поради изнесени клевети и лаги...

Досие