Црна хроника
Во притвор разбојникот што ограби казино во Гевгелија

Основното јавно обвинителство Велес донесе наредба за спроведување истражна постапка против 40-годишен гевгеличанец поради недозволено изработување, држење, посредување и тргување со оружје или распрскувачки материи.
„Осомничениот во временскиот период од 12.10.2018 до 22.2.2019 година неовластено држел преправено огнено оружје кое на граѓаните им е забрането, и тоа ловечка пушка „збројовка брно“ во калибар 16 мм и 8 ловечки куршуми во калибар 16 мм. На пушката претходно ѝ биле извршени механички интервенции со кои ѝ се скратени цевките и кундакот.
Со ова оружје осомничениот на 9 јануари околу 2.40 часот отишол во казино во Гевгелија, каде што, кога влегол преку споредниот влез маскиран со качулка на главата, го вперил оружјето кон касиерот. Притоа осомничениот од фиоката што се наоѓала на работното биро и од касата ги одзел парите во вкупен износ од 150.000,00 денари во разни апоени, ги ставил во најлонска кеса и преку споредниот влез излегол од казиното и заминал“, наведува ОЈО.
Основното јавно обвинителство Велес смета дека постојат околности што укажуваат на опасност од бегство на осомничениот и можности да ги повтори кривичните дела поради што до судијата на претходна постапка на Основниот суд Велес предложи против осомниченото лице да се определи мерка притвор. Предлогот е прифатен и од страна на судија на претходна постапка на осомничениот му е определена мерка притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Maж нападнат и ограбен во својот дом во Чаир

Триесет и четиригодишен мaж бил нападнат и ограбен во својот дом во Чаир.
Нападот во полицијата бил пријавен утрово околу 2.30 часот по полноќ.
„Во дом на подрачје на Чаир две лица, од кои едното употребило остар предмет, го нападнале А.К.(34) , при што му одзеле и пари“, соопшти МВР.
Се преземаат мерки за расчистување на случајот.
Црна хроника
Maж од Кочани користел туѓи податоци за да нарачува производи онлајн

Полицијата поднесе кривична пријава против В.С. (37) од Кочани, поради злоупотреба на лични податоци.
Мажот на крајот на минатата година, во период од два месеци, без знаење и дозвола на П.Д. од Штип, ги обезбедил и искористил неговите лични податоци и телефонски број и извршил онлајн нарачки на разни производи од 20 правни лица на 34 производи, кои од негова страна не се подигнати, соопшти МВР.
Покрај ова пријавениот, повеќе пати се обидел во име на оштетениот да се регистрира на веб страната на телефонски оператор, каде во негово име регистрирал и четири телефонски броеви. Исто така пријавениот, креирал и профил на социјалната мрежа „Фејсбук“.
Црна хроника
Кривична пријава против 10 лица за сексуално злоупотребување малолетничка и изготвување порнографски материјал

Кривични пријави против 10 лица од Скопје, Велес и од Тетово се осомничени за трговија со дете. За гонат за сексуална злоупотреба и изготвување порнографски материјал.
Претходно, на 26.01.2023 Одделот за сузбивање на организиран и сериозен криминал до Основното јавно обвинителство за гонење на организиран криминал и корупција поднесе кривична пријава против С.Д.(25) од Велес за сторено кривично дело „трговија со дете“ (чл. 418-г ст. 1 и ст. 3), Д.С. (32) од Тетово за сторено кривично дело „трговија со дете“ (чл. 418-г ст. 3 в.в. ст. 1) и Д.Н. (25), Т.И. (22) и К.Т. (24) од Велес, за сторено кривично дело „трговија со дете“ (чл. 418-г ст. 3) од Кривичниот законик, за што од страна на Судија на претходна постапка, на С.Д., Д.С., Д.Н. и Т.И. им е одредена мерка притвор во траење од 30 дена, додека на К.Т. му е одредена мерка куќен притвор.
По преземени понатамошни мерки и активности од страна на НЕСКМТЛ во содејство со надлежното ОЈО за ГОКК, утврдени се и други лица, на кои се однесува денешната кривична пријава, за кои постојат основи на сомнение дека се инволвирани во извршување на кривичните дела. Врз основа на издадени наредби од Судија на претходна постапка од Основен кривичен суд Скопје, на подрачјето на Велес, Тетово и Скопје извршени се претреси во дом и други простории кај пријавените лица, при што девет лица се лишени од слобода, а по едно лице, кое се наоѓа надвор од државата, се трага. Од извршените претреси пронајдени и привремено одземени се мобилни телефонски апарати, марихуана, гасен пиштол и други предмети кои се предмет на кривично дело.
Одделот за сузбивање на организиран и сериозен криминал до Основното јавно обвинителство за гонење на организиран криминал и корупција поднесе кривична пријава против лицата Д.П.Т.(23), А.З.(25), Р.А.(27), Т.Л.(26), С.Н.(25), сите од Велес и Р.В.(21) од Скопје за сторено кривично дело „трговија со дете“ од член 418-г став 3 од КЗ, А.Ф.(22). и Б.Ф.(27) двајцата од Велес за сторено кривично дело „полова злоупотреба на немоќно лице“ од член 187 став 2 вв став 1 од КЗ, К.Б.(31) од Велес и Б.П.(31) од Тетово за сторено кривично дело „производство и дистрибуција на детска порнографија“ од член 193 став 3 од Кривичниот законик.