Во сообраќајна несреќа помеѓу три возила што се случи синоќа на бул. Илинденска во Тетово повредени се седум лица, меѓу кои потешко е повредена 16-годишна малолетничка од Тетово.

Таа со тешки телесни повреди била пренесена во комплексот клиники „Мајка Тереза“ за укажување лекарска помош. Останатите учесници во незгодата се здобиле со телесни повреди и им била укажана лекарска помош во Клинички центар Тетово.

Увид на местото на настанот извршила увидна екипа при СВР Тетово.

На наплатната станица „Отовица” во Велес полициски службеници од СВР Велес забележале камион, при што возачот го напуштил местото на настанот.

Подоцна, на 500 метри од наплатната станица, полициските службеници го привеле С.С.(38) од Скопје, а по преглед во возилото биле пронајдени 30 мигранти од Авганистан, Сирија и Сомалија.

За настанот е известен јавен обвинител, мигрантите се сместени во Прифатниот центар Винојуг. С.С. бил задржан во полициска станица и по целосно документирање на случајот против него ќе биде поднесен соодветен поднесок.

Ноќеска, пак, околу 2>00 часот на обиколница Табановце, полициски службеници од Полициска станица Сопот забележале автомобил „опел корса“ како остава тројца мигранти и го напушта местото.

Возилото било сопрено во с.Воиновиќ, Kумановско, при што било констатирано дека возилото го управувал Д.С.(41) од Велес.

Мигрантите се предададени во Транзитен центар Табановце. Д.С. бил лишен од слобода и предаден на полициски службеници од Полициска станица Куманово за понатамошна постапка.

Увид на местото на настанот извршила екипа од СВР Куманово и се преземаат мерки за расчистување на случајот.

Двајца пешаци малолетници од кичевското село Челопеци се тешко повредени кога во нив удрил автомобил на локалниот пат кај с.Челопеци во Кичево.

Несреќата се случила вчера попладнето, а автомобилот го управувал 73-годишниот М.Ѓ од Кичево.

По незгодата, тие биле пренесени во Медицински центар Кичево, при што кај едниот биле констатирани телесни повреди, а кај другиот тешки телесни повреди. Увид на местото на настанот извршила екипа од Полициската станица Кичево.