Црна хроника
Двајца осомничени за убиството во Прилеп

Прилепската полиција поднесе во саботата до Јавното обвинителство кривична пријава по чл.123 од КЗ против две лица кои се осомничени дека се можи извршители на убиството во жител од Могила во изнајмен стан во Прилеп за кое беше известено во четвртокот.
Во врска со случајот завчера евидентиран во прилепската полиција, кога при побараната полициска асистенција од страна на 53-годишниот М.М. за отворање на неговиот стан лоциран на улицата „Гоце Делчев“ во Прилеп, издаден под наем, во станот бил најдени 65-годишниот В.М. од селото Могила, без знаци на живот, биле преземени низа мерки и активности при што случајот е целосно расчистен.
Имено, имајќи предвид дека на телото на В.М. беа пронајдени траги на насилна смрт, беа обезбедени оперативни сознанија за можни извршители на кривичното дело. Притоа осомничени се две лица како можни сторители на кривично правниот настан и по нив била распишана потерница во координација со други СВР во земјата, и осомничените се пронајдени и приведени во ПС Кавадарци.
Станува збор за лицата С.М. (32) и В.М.(33), и двајцата од Прилеп, коишто целосно го признале убиството, коешто според нивните изјави било извршено уште на 27-ми февруари.
Според документираните сознанија на полицијата, осомничените со жртвата подолго време се познавале и во повеќе наврати го посетувале неговиот дом, така што критичниот ден заедно влегле во домот откога претходно купиле алкохол и потоа заедно консумирале.
Првоосомничениот, откога побарал одредена сума пари од жртвата а не ги добил од кујната зел кујнски нож и без да биде забележан ја прободел жртвата во задниот дел во пределот на бубрегот, при што жртвата се завртила кон него и притоа уште еднаш бил прободен во пределот на градите и паднал на подот. Второосомничениот цело време бил присутен за време на извршувањето на кривичното дело.
Откога го извршиле кривичното дело од џебот на панталоните го одзеле мобилниот телефон на жртвата, како и телевизорот од станот притоа земајќи го клучот од станот, го заклучиле и се дале во бегство.
Од страна на увидна екипа подигнати се поголем број биолошки, хемиски и дактилоскопски траги кои со наредба на јавен обвинител се дадени на вештачење./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Млада скопјанка пронајдена почината во нејзиниот дом

Вчера утрото била пронајдена почината 33-годишна скопјанка во нејзиниот дом.
Според информациите од МВР, На 31.05.2023 во 06.50 часот во СВР Скопје било пријавено дека во семејниот дом била пронајдена почината И.Р.К.(33). Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатата било предадено за обдукција.
Црна хроника
Страотен случај во Гостивар: Го уценувале за пари дека ќе објават видео разговори и пораки со неговата љубовница, им платил 10.000 евра

Го уценувале за пари дека ќе објават видео разговори и пораки со неговата љубовница. Во неколку наврати му зеле вкупно 10.000 евра.
„Надворешната канцеларија за криминалистички работи Гостивар поднесе кривична пријава против И.И.(33) и М.И.(31), двајцата од село Орашје, општина Јегуновце, поради постоење основи на сомнение за сторено кривично дело „уцена“. Во периодот од април 2022 година до април 2023 година, пријавените повеќе пати уценувале 50-годишен жител на Гостивар дека видео разговорите и разменетите пораки со второпријавената, со која бил во љубовна врска, ќе ги пратат на неговото семејство. Со ваквите дејствија тие го принудиле во неколку наврати да им исплати вкупно 10.000 евра преку брз трансфер на пари“ соопшти МВР.
Црна хроника
Синот ја истепал мајка си: семејно насилство во Гостивар

Мајка го пријавила својот 28-годишен син во полиција поради физички напад, информира полицијата.
Имено, денеска, во 6 часот, полициски службеници на СВР Тетово – Одделение за внатрешни работи Гостивар го лишиле од слобода 28-годишниот гостиварец Д. Н., кој претходно бил пријавен од неговата 49-годишна мајка дека во семејната куќа физички ја нападнал.
Тој, како што соопшти полицијата, е задржан во Полициската станица Тетово за расчистување и документирање на случајот.