Контакт

Топ

Жена со повреди на главата пронајдена мртва во куќа во Охрид

Објавено пред

Жена е пронајдена мртва во викенд-куќа во Охрид. Нејзиното тело било пронајдено утрово, од маж со кој престојувале во куќата. Од првичните резултати од увидот, констатирано е дека жената имала повреди на главата.

„Во 08.20 часот во СВР Охрид, С.Д. пријавил дека во куќа во близина на болницата ‘Св.Еразмо’ во Охрид ја пронашол почината М.М(35) од Охрид, со која живеел заедно во куќата. Лекар од Итна медицинска помош констатирал дека починатата имала повреда на главата, а по наредба на Јавен обвинител телото било предадено на обдукција”, велат од МВР.

По извршениот увид од полицијата, ќе се проверува која е причината за смртта.

Инаку, претходно, безживотно тело беше пронајдено и во автомобил во близина на Горна Порта во Охрид. Стануваше збор за маж, кој починал во автомобил. Досега, нема информации за траги од насилство врз телото.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион

Швајцарски весник со истражување: Зошто Балканот е легло на антиваксери?

Објавено пред

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна, Србија важела за земја со најголема стапка на вакцинација против коронавирус во Европа (покрај Велика Британија).

Но, во меѓувреме, кампањата, како што се наведува во текстот, постепено забавува. Како главна причина се посочува недовербата на граѓаните кон вакцинацијата. Тоа е и една од причините за отворање на српската програма за вакцинација за граѓаните од соседните држави.

„Фактот што Србија ја отвори својата програма за вакцинација за странци во март, покрај ПР-ефектот, е поврзан и со вишокот на вакцини. Во тоа време, само една четвртина од возрасните српски граѓани се пријавиле за вакцинација“, пишува НЗЗ во своето понеделничко издание, а пренесува „Дојче веле“.

Исто така, се посочува дека кампањата станала толку тешка што претседателот на Србија, Александар Вучиќ, сега ги наградува сите оние што ќе решат да се вакцинираат со по 3.000 динари (околу 25 евра), што е околу една десетина од минималецот. НЗЗ наведува дека не е подобро ниту во соседството и посочува за тоа како властите во Република Српска во БиХ, телефонски ги повикуваат оние кои сè уште не се вакцинирани. Но, и тоа не е успешно.

„Една лекарка од Бања Лука сведочи дека од петмина повикани граѓани само еден одговорил на повикот за вакцинирање“, пишува НЗЗ. Слично е и во Косово и во Северна Македонија. Весникот се повикува и на анкета од агенцијата „Галуп“ која покажува дека, со исклучок на некои земји настанати од распадот на Советскиот Сојуз, ниту еден дел од светот не е толку скептичен за вакцинацијата против коронавирус како Источна и Југоисточна Европа.

„Во Босна и Херцеговина и Унгарија, само тројца од десет испитаници би примиле вакцина. На Косово 32 проценти, во Бугарија 33 проценти. И во Албанија, Црна Гора, Северна Македонија, Србија, Романија и Чешка помалку од 40 проценти од луѓето се подготвени да бидат вакцинирани“. НЗЗ наведува дека испитувањето било спроведено во 2020 година, кога многу малку се знаело за вакцините. Но, сепак во текстот додава: „Оттогаш, довербата порасна во многу делови на светот, но не и во Југоисточна Европа“.

Овој скептицизам кон државните кампањи за вакцинација, авторот го поврзува со недовербата кон државата што датира од социјалистичкиот период, со посебен акцент на маргинализираните групи на населението, како што се Ромите.

Но, уште поголема улога во создавањето недоверба, според НЗЗ, се припишува на посебната подготвеност на жителите од овој дел на Европа да ги прифатат различните теории на заговор поврзани со вакцинацијата. Според извештајот на групацијата The Balkans in Europe Policy Advisory Group (BiEPAG) во САД и Западна Европа е забележана подготвеност за прифаќање на теории на заговор во врска со вакцините кај максимум 25 проценти од населението. Во исто време, оваа вредност во земјите од Југоисточна Европа некаде е и двојно поголема. „Повеќе од 60 проценти од анкетираните веруваат дека фармацевтската индустрија придонела за ширење на вирусот, а скоро половина веруваат во вмешаноста на Бил Гејтс или американската воена индустрија“.

Според весникот, геополитичка поларизација е видлива и во фактот што мнозинството жители на Република Српска ја претпочитаат руската вакцина „Спутник в“. На Косово, пак, владата категорично ги отфрла вакцините од Русија и Кина од политички причини затоа што Москва и Пекинг не ја признаваат независноста на поранешната српска покраина.

Медиумските кампањи што би помогнале да се спречи ширењето на теории на заговор се попречени, според НЗЗ.

„Скоро и да нема медиуми кои би се спротивставиле на социјалните мрежи преку кои се шират претежно лажни информации… Во авторитарните земји како што се Србија и Албанија, но и членки на Европската унија како Бугарија, преовладуваат сензационалистички, владини, масовни медиуми, кои често придонесуваат за ширење лажни информации“, се наведува во текстот.

Прикажи повеќе...

Свет

(Видео) Се огласија сирените за напад, истрелани ракети кон Ерусалим

Објавено пред

Неколку минути откако стапи на сила ултиматумот на палестинската милитантна организација Хамас, кој беше испратен до израелската влада за да ги повлече своите безбедносни сили од областа околу џамијата Ал Акса, сирените предупредија за ракетен напад во Ерусалим, пренесува агенцијата „Ројтерс“.

Набргу потоа одекнале детонации, по што се огласи и претставникот на военото крило на Хамас, Абу Обеидa и потврди дека ракетните напади биле одговор на, како што рече, злосторството и агресијата што Израел ги прави во Ерусалим, објави АП.

„Ова е порака што непријателот мора добро да ја разбере“, рекол Обеидa, заканувајќи се со нови напади доколку Израел повторно им нареди на своите безбедносни сили да упаднат во џамијата Ал Акса или да извршат протерување на Палестинците кои живеат во источен Еурслим.

Набргу откако беа активирани сирените од Појасот Газа, во Ерусалим се слушнало лансирање на ракета, а потоа и на втора.

Во меѓувреме, како што објави „Ројтерс“, европскиот комесар за надворешни работи Жозеп Борел повикува на мир во источен Ерусалим, откако повеќе од 300 Палестинци беа повредени во судирите со израелската полиција околу џамијата Ал Акса.

„Ситуацијата што настана поради најавата за протерување на палестинските семејства од источен Ерусалим предизвикува сериозна загриженост. Таквата акција е незаконска и е во спротивност со меѓународното хуманитарно право. Само поттикнува зголемување на тензиите”, предупреди Борел, а пренесе „Ројтерс“.

Засега нема информации за можни жртви во ракетните напади или материјална штета, но израелската армија потврди дека кон Ерусалим биле истрелани седум ракети.

Израел исто така ги јакне силите на Западниот брег и Појасот Газа, од каде милитантите испукаа ракети кон југот на еврејската држава.

Израелската армија потврди возвратен ракетен напад врз Појасот Газа, посочувајќи дека во тој напад загинале тројца припадници на Хамас, пренесе „Харец“. Деветмина Палестинци, вклучително и три малолетни лица, загинале во израелските напади врз појасот Газа, изјави портпаролот на палестинското Министерство за здравство.

Според „Јерусалем пост“, меѓу убиените припадници на Хамас е и еден од командантите, кој бил мета на израелската армија.

 

 

Исто така, според извештаи на локалните медиуми, во меѓувреме е пријавен пожар во џамијата Ал Акса во Ерусалим.

Прикажи повеќе...

Македонија

Потврдени 25 случаи на коронавирус во Македонија, 16 лица починаа

Објавено пред

Во последните 24 часа во Македонија се потврдени 25 случаи на коронавирус, 16 лица починаа, а 408 пациенти оздравеа, соопшти Министерството за здравство.

Во последните 24 часа се направени 1.016 тестирања, а регистрирани се нови случаи на Ковид-19, и тоа во: Скопје – 15, Куманово – четири случаи, а во Прилеп, Тетово, Гостивар, Кичево, Берово и Виница по еден нов случај.

Пријавени се вкупно 16 починати лица: шест од Скопје (61, 65, 71, 74, 76 и 80), две лица од Тетово (69 и 82) и по едно починато лице од Битола (85), Охрид (79), Куманово (55), Кавадарци (83), Гостивар (77), Кичево (72), Радовиш (62) и од Делчево (72).

Од пријавените, двајца заболени се починати во домашни услови, а другите 14 лица во болнички услови.

Вкупната бројка на ковид-дијагностицирани лица во нашата земја од почетокот на епидемијата изнесува 154.051, бројката на оздравени пациенти е 138.370, на починати е 5.109, а бројот на активни случаи изнесува 10.572.

Прикажи повеќе...

Најново

Регион7 часа

Швајцарски весник со истражување: Зошто Балканот е легло на антиваксери?

Весникот Ноје Цирхер Цајтунг (НЗЗ), на почетокот на анализата од дописникот на Југоисточна Европа, Волкер Пабст, истакнува дека до неодамна,...

Свет9 часа

(Видео) Се огласија сирените за напад, истрелани ракети кон Ерусалим

Неколку минути откако стапи на сила ултиматумот на палестинската милитантна организација Хамас, кој беше испратен до израелската влада за да...

Македонија13 часа

Потврдени 25 случаи на коронавирус во Македонија, 16 лица починаа

Во последните 24 часа во Македонија се потврдени 25 случаи на коронавирус, 16 лица починаа, а 408 пациенти оздравеа, соопшти...

Македонија13 часа

Филипче: Значајно се испразнети болниците, хируршките одделенија се вратени во функција

Eпидемиолошката крива е во опаѓање и бројот на хоспитализирани пациенти во континуитет се намалува во изминатите денови, изјави министерот за...

Македонија14 часа

Инспекторатот за животна средина: Рудникот „Казандол“ не претставува опасност

Рудникот „Казандол“ во моментот не претставува опасност за животната средина и локалното население, соопшти Државниот инспекторат за животна средина, кој...

Македонија15 часа

Средба Заев – Фон дер Лаен: Идентитетски прашања не смее да бидат на масата за разговори

Претседателот на Владата на Република Северна Македонија, Зоран Заев, во рамките на посетата на Брисел, оствари средба и со претседателката...

Македонија18 часа

Заев од Брисел: Идентитетот не може да биде причина за блокада на европските интеграции

Премиерот Зоран Заев, придружуван од заменик-претседателот во Владата за европски прашања, Никола Димитров, министерот за надворешни работи, Бујар Османи, и...

Македонија19 часа

Од 12 до 18 мај полициски час од 24 часот, дозволено да биде и организирање настани на затворено

Кризниот штаб предложи олеснување на рестриктивните мерки – полицискиот час да почнува од 24 часот, угостителските објекти да работат до...

Свет19 часа

(Видео) Застрашувачки снимки од Индија, пациенти оставени да умираат, лекарите се кријат

Во Индија се појавија застрашувачки снимки од пациенти заразени од коронавирус, кои, според тврдењата на нивните семејства, лекарите ги оставиле...

Свет20 часа

(Видео) Пет лица повредени при напад со нож на Нов Зеланд

Пет лица се повредени, а три се во критична состојба кога биле прободени со нож во супермаркет на Нов Зеланд,...

Свет20 часа

Состанок на министрите за надворешни работи на ЕУ, фокусот е Западен Балкан

Шефовите на дипломатиите на Европската Унија денеска во Брисел ќе одржат дискусија за посилен политички ангажман на ЕУ со партнерите...

Свет21 час

(Видео) Седум лица убиени на роденденска забава во Колорадо

Седум лица, вклучително и напаѓачот, беа убиени синоќа во пукање на роденденска забава во Колорадо Спрингс во американската држава Колорадо,...

Македонија2 дена

Регистрирани нови 135 заболени и 14 починати од коронавирус во земјата

Во последните 24 часа се направени 1.993 тестирања, а регистрирани се 135 нови случаи на КОВИД-19 во: Скопје – 74,...

Свет2 дена

(Видео) Илон Маск призна дека има Аспергеров синдром на телевизиско шоу

Елон Маск откри дека има Аспергеров синдром, за време на неговото гостување во американското ТВ-шоу „Saturday Night Live“. Тој откри...

Регион2 дена

(Видео) Хрватскиот министер за здравство вакцинираше граѓани

Хрватскиот министер за здравство, Вили Берош заедно со лекарите на Хрватскиот институт за јавно здравје и Наставниот институт за јавно...

Топ2 дена

Се преврте автомобил кај клучката Коњари, загина 27 годишник

Во сообраќајна несреќа што се случи вчера попладне на автопатот Скопје-Штип, во близина на клучката Коњари, загина 27 годишно лице...

Македонија2 дена

Во болниците во земјата од коронавирус се лекуваат 760 пациенти

Вкупната бројка на пациенти позитивни и суспектни на корона вирусот кои се лекуваат на инфективните одделенија во главниот град и...

Македонија2 дена

(Видео) Колариќ: Шилегов делел субвенции за инвертер клими на партиски луѓе

Советничката на ВМРО-ДПМНЕ во Град Скопје, Светлана Колариќ на денешната прес-конференција обвини за измама и злоупотреба во врска со најавените...

Македонија2 дена

Во земјава досега втора доза вакцина против Ковид-19 примиле 22.900 граѓани

На вакциналните пунктови во државата заклучно со вчера вакцинирани се вкупно 107.978 граѓани, а ревакцинирани се 22.900 граѓани. Прва доза...

Свет2 дена

(Видео) Путин: Секогаш ќе се сеќаваме дека величествената победа над нацизмот ја постигна советскиот народ

Претседателот на Русија, Владимир Путин, на почетокот на традиционалната воена парада во Москва, им го честиташе на граѓаните Денот на...

Досие