Црна хроника
Истрага за пронајдена импровизирана лабораторија за марихуана и масло од канабис во Гевгелија
Две лица во Гевгелија произведувале марихуана и масло од канабис по што дрогата ја продавале. Дрогата и опремата за производство во импровизирана лабораторија биле откриени при претрес во викенд-куќа во која престојувале осомничените.
Јавен обвинител од Основното јавно обвинителство Гевгелија поведе истражна постапка за двете лица за неовластено производство и пуштање во промет наркотични дроги.
Осомничените кај местото наречено Големи Јавори произведувале наркотична дрога марихуана и масло од канабис. Во фолија-пластеник имале засадено повеќе корени од растението канабис сатива, кои редовно ги наводнувале. Кога растенијата дошле во фаза на цветање, тие собрале, исушиле и спремиле за продажба вкупно 1.458,43 грама марихуана во разни пакувања, а 57 гранки ги сушеле заради производство на масло од канабис во импровизирана лабораторија. Кај нив биле пронајдени и 1,5 литар масло од канабис во пластично шише. Во фолијата останале уште 20 корени од растението со висина од 0,2 до 2,4 метра, кои продолжиле да ги наводнуваат и ги чекале да созреат. Наркотичната дрога и опремата за производство во импровизирана лабораторија биле откриени при претрес во викенд-куќата во која престојувале осомничените.
Во истата викендичка двајцата осомничени на 21 октомври им овозможиле на двајца сведоци да употребуваат наркотична дрога марихуана, така што им отстапиле посебна просторија за тоа. При претресот кај двајцата сведоци биле пронајдени помали количества марихуана во рачно изработени цигари.
Надлежниот јавен обвинител до судијата на претходна постапка од Основниот суд во Гевгелија достави предлог за определување мерка притвор за двајцата осомничени поради опасност од бегство, можност да се обидат да ги прикријат трагите од кривичното дело или да го повторат делото. Судот го прифати предлогот и им определи притвор во траење од 30 дена.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Насилство во Скопско: ја нападнал поранешната партнерка и се обидел да ја силува
Вчера во 10.00 часот во Полициската станица Кисела Вода полициски службеници извршиле службен разговор со 44-годишниот М.С. од радовишко село, со престој во скопско село, постапувајќи по претходна пријава дека на 28.09.2024 во скопско, физички ја нападнал неговата 39-годишна поранешна вонбрачна партнерка и се обидел да изврши обљуба врз неа.
По целосно документирање на случајот ќе следува соодветен поднесок.
Црна хроника
Кривични против четворица царински службеници, на струмичанец му пресметале помал износ на ДДВ и давачки за увоз
СВР Куманово поднесе кривична пријава против Ј.Р.(35), В.М.(44), Д.М.(49) и С.М.(39), сите царински службеници, поради постоење основи на сомнение за сторено кривично дело „злоупотреба на службена положба и овластување“.
На 25.07.2023 на работното место на граничен премин Табановце, за влез во државата, пријавените на едно лице од Струмица му пресметале помал износ на ДДВ и царински давачки за увоз, со што му овозможиле да се стекне со противправна имотна корист, а му издале и потврда за плаќање на увозни давачки, која ја завериле со свој печат и потпис, соопшти МВР.
Црна хроника
Малолетник од Делчево тешко се повредил додека работел во дворот, се расчистува случајот
На 02.10.2024 во 17.03 часот во Полициската станица Делчево, од Итна медицинска помош Делчево било пријавено дека кај нив со тешки телесни повреди бил донесен малолетник од Делчево.
Според пријавеното, тој се здобил со повредите од остар предмет додека работел во дворно место од куќа во Делчево. За настанот бил известен Јавен обвинител и се работи на расчистување на случајот.