Автомобил марка „пежо“ удри во банкината на крстосницата кај трговскиот центар „Мавровка“. Според очевидци, инцидентот се случил околу 11 часот и 30 минути.

Возачот со брза помош е пренесен во градската општа болница „Свети Наум Охридски“. За видот и тежината на повредите, засега нема информации.

Непознати се и причините поради кои возачот изгубил контрола врз автомобилот.

Од МВР, детали за сообраќајката најавија по увидот. Поради несреќата, полицајци го регулираат сообраќајот.

Две лица се тешко повредени откако со возилото излетале од патот Демир Хисар-Кичево во атар на селото Сопотница, Демир Хисар.

Во незгодата патничко мотрно возило „поло“ управувано од Г.Н(42) од Кичево излетало од коловозот при што возачот се здобил со тешки телесни повреди, додека совозачот Х.С(41) се здобил со повреди. Увид извршила увидната екипа на Полициска станица Демир Хисар.

Скопското основно јавно обвинителство поднесе обвинение против две лица за кривично дело  напад врз службено лице при вршење работи на безбедноста.

Како што се наведува во соопштението, обвинетиот 21-годишник и неговата 22-годишна сестра, како соизвршители, на 20 јануари во вечерните часови нападнале и повредиле полицаец кој извршувал работни задачи на подрачјето на Бит-пазар и Чаир.

Полицискиот службеник заедно со уште еден негов колега се обиделе да го легитимираат обвинетиот, кој им кажал дека нема лични документи со себе и започнал расправија со нив.

Кога му било кажано дека ќе биде приведен во полициска станица со цел утврдување на неговиот идентитет, обвинетиот почнал да пружа отпор и се дал во бегство.

Кога полицаецот го стигнал и го совладал, обвинетата се обидела да му помогне на својот брат, па му задала неколку удари и гребаници на полицискиот службеник.

Во тој момент и обвинетиот повторно започнал да го удира полицаецот со тупаници по главата и градите, нанесувајќи му телесни повреди.​