Вчера во 11.30 часот во СВР Скопје било пријавено дека во с.Кондово, општина Сарај, патничко моторно возило „опел зафира“ со скопски регистарски ознаки, управувано од М.Ф.(52) од с.Радуша, општина Сарај, удрило во малолетник од с.Кондово.

Во несреќата со тешки телесни повреди се здобил малолетникот, констатирани во Комплекс клиники „Мајка Тереза“ Скопје.

Синоќа околу 16.30 часот во ОВР Струга било пријавено дека на улица „Владо Малески“, патничко моторно возило „фиат“ со струшки регистарски ознаки, управувано од Р.В.(21) од с.Велешта, струшко, удрило во Љ.Н.(72) од Прилеп.

Во несреќата со тешки телесни повреди се здобила Љ.Н., констатирана во Општа болница Струга.

Увид на местото извршила екипа од ОВР Струга.

Приведен 26-годишен скопјанец, кој е фатен како превезува мигранти од Сирија и Авганистан.

Според информациите од МВР, И. Б. бил фатен на автопат А1 во правец Смоквица – Демир Капија, при што во патничко моторно возило „фолксваген голф“, со велешки регистарски ознаки, превезувал шест лица – мигранти од Сирија и Авганистан.

И. Б. при обид да биде сопрен од полициски службеници не застанал и на местото наречено Црвени Брегови со возилото удрил во патничко моторно возило „бмв“, со скопски регистарски ознаки, управувано од Б. К. од Гостивар.

Известен е јавен обвинител. И. Б. е задржан во Полициската станица Неготино и по насока на јавен обвинител, против него ќе биде поднесена кривична пријава по член 418-б, ст. 2 од Кривичниот законик.