Црна хроника
Кражба на риби од рибник, уапсени петмина
Во СВР Битола синоќа била пријавена кражба на риби од рибникот „Букри“. Полициски службеници излегле на местото и затекле патничко возило со приколка полна со риби и пет лица – А. С. (33) од Битола, А. Н. (34) од с. Живојно, П. С. (54) од Битола, Б. А. (25) од с. Гермијан и С. К. (61) од с. Канино.
Лицата биле уапсени и по целосно документирање на случајот, против нив ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Измама во Тетово: Двајца пријавени за земање пари за лажно посредување во Центарот за социјални работи
Две лица од Тетово се соочуваат со кривична пријава поради сомнение за сторено кривично дело – измама.
Според полицијата, настанот се случил во октомври 2024 година, кога Х.А. (58) довела во заблуда лице од Тетово, уверувајќи го дека може да му помогне со посредување во Јавната установа – Меѓуопштински центар за социјални работи Тетово, со цел тој и неговата сопруга да остварат надомест за помош и нега од друго лице.
Откако го уверила оштетениот дека ќе ја заврши постапката, заедно со С.Р. (51) од него побарале потребни документи и парични средства. Подоцна, барањето за надомест било одбиено, а парите, како што се наведува, не му биле вратени.
По преземените мерки, СВР Тетово поднела кривична пријава, а случајот е доставен до надлежните институции за понатамошно постапување.
Црна хроника
Насилство во теретана во Тетово
Четири лица од Тетово се опфатени со кривична пријава поради сомнение дека сториле кривично дело „насилство“, соопшти СВР Тетово.
Според полицијата, на 17 август 2025 година, во еден фитнес-центар во Тетово, а потоа и надвор од објектот, Б.А. (28), Б.А. (33), Х.Б. (19) и М.Ш. (33) физички го нападнале А.И. (32) од Тетово, при што му биле нанесени телесни повреди.
Фото: unsplash
Топ
Двајца млади скопјани најдени починати – едниот во напуштена куќа во Центар, другиот во дом на пријател во Кисела Вода
Двајца скопјани на возраст од 25 и 36 години биле пронајдени починати во текот на изминатото деноноќие.
Според информациите од Министерството за внатрешни работи, околу 20 минути по полноќ, во напуштена куќа на подрачјето на Центар бил пронајден починат Е.Р. (25) од Скопје.
Во текот на вчерашниот ден во полицијата било пријавено и дека во дом на негов пријател на подрачјето на Кисела Вода во Скопје бил пронајден починат Б.П. (36) од Скопје.
Во двата случаи, според констатацијата на лекар од Итната медицинска помош, не биле утврдени видливи траги на насилство.
По наредба на јавен обвинител, телата на починатите се дадени на обдукција. Засега нема дополнителни информации за околностите под кои настапила смртта.

