Црна хроника

МВР сослушува 12 лица за нападот врз новинарите на А1.он

Објавено пред

4 години

- 1 март, 2017

Од

Министерството за внатрешни работи ги осуди последните настани, односно нападот врз новинарите на А1.он, што се случи во вторник вечер по протестот на иницијативата „За заедничка Македонија“, во центарот на Скопје и ќе ги употреби сите средства за да ги расчисти сите обиди за нарушување на јавниот ред и мир.

Како што појасни портпаролот Јордан Ламановски, на прес-конференција, во вторникот биле пријавени три кривични дела „насилство“, од кои првото се однесува на нападот на новинарите на електронскиот медиум А1.он, при што се вели дека две лица од грб ги нападнале новинарите кои извршувале работна задача.

Во другите „насилства“ биле повредени двајца малолетници.

Според МВР, на место на настанот биле легитимирани 12 лица, со кои во текот на денешниот ден се извршени информативни, службени разговори и се преземаат сите неопходни мерки за утврдување на мотивот на напаѓачите. Полицијата презема мерки да се најдат тие две непознати лица, кои ги нападнале новинарите, кои, пак, не можат да посведочат за нивниот идентитет, со оглед на фактот дека биле нападнати од грб.

Ламановски потврди дека имаат фотографија од лице во профил кое бега од местото на настанот и во следниот период ќе се утврдува неговиот идентитет, како и тоа дали учествувал во насилството.

Во другите два одделни случаи групи млади нападнале малолетник на возраст од 17 години во близина на зградата на Народна банка. Малолетникот во бесознание е префрлен во Клинички центар каде е задржан на неврохирургија за натамошно лекување.

Трето дело насилство се случило во 19.20 часот во автобус ЈСП борј „58“, кој се движел кон транспортен центар. Возачот на автобусот рекол дека во автобусот на автобуската постојка кај „Евро Ламбо“, влегле група млади и тие физички нападнале 17-годишен малолетник и искршиле еден прозорец.

Девет лица се приведени, од кои пет најверојатно се извршители на насилствата. Едно полнолетно лице е задржано во полиција, а другите се пуштени како малолетници дома, откако во присуство на нивните родители и на адвокати биле испрашани.

Од местото на насилството најдени се траги од крв и еден нож, а одземена е и облеката на некои од лицата, на кои имало траги слични на крв./крај/мф

©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Поврзани Артикли:МВР напад новинари

Следно

Изгоре градинката во Шуто Оризари

Претходно

Малолетник ограбен пред својот дом

Црна хроника

Тројца обвинети за илегална препродажба на дрога во Гостивар

Објавено пред

3 минути

- 23 јуни, 2021

Од

Макфакс

Основното јавно обвиителство Гостивар поднесе Обвинителен акт против три лица за кривично дело – неовластено производство и пуштање во промет на наркотични дроги, психотропни супстанции и прекурсори казниво по Кривичниот законик.

Како соизвршители, тројцата обвинети на 10 мај во тетовското село Камењане од непознато лице набавиле наркотична дрога – хероин со намера да ја препродадат на уживатели во Гостивар и околината. Кај врапчишка петља возилото било забележано од полициски службеници, кои го запреле и пребарувајќи пронашле 4,4 грама хероин, информираат од МВР.

Надлежниот јавен обвинител до Основниот суд Гостивар достави и предлог за продолжување на претходно определените мерки притвор за обвинетите лица.

Прикажи повеќе...

Црна хроника

Тетовец измамил околу 40 луѓе дека нивни блиски загинале во сообраќајки и барал пари за транспорт

Објавено пред

2 часа

- 23 јуни, 2021

Од

Макфакс

Тетовец измамил десетици луѓе дека нивни блиски загинале во сообраќајна несреќа и да му испратат пари за транспорт.

„ Р.М. се сомничи дека во јануари, март и април годинава со лажно прикажување на факти измамил лице од Охрид и двајца српски државјани и противправно се стекнал со вкупна имотна корист од 2210 евра. На оштетените телефонски или преку пораки им се јавувал дека нивни блиски загинале во сообраќајни несреќи и дека преку друго лице треба да му испратат пари за транспортни или други трошоци“ соопшти МВР.

Р.М.(44) и претходно бил кривично пријавуван дека на идентичен начин досега вкупно измамил четириесетина лица од нашата земја и од Косово, Србија и Албанија.

Тој е приведен и денеска ќе биде изведен пред судија во претходна постапка на Основниот суд Тетово.

Прикажи повеќе...

Црна хроника

241 санкционирани возачи во Скопје

Објавено пред

4 часа

- 23 јуни, 2021

Од

Макфакс

По засилените акциски контроли во текот на вчерашниот ден на територијата на град Скопје биле изречени вкупно 241 казни, меѓу кои за возење над дозволената брзина 18 санкции, 14 казни за управување возило под дејство на алкохол, 20 прекршоци што ги направиле возачите на мотоцикли, 26 санкции за управување без возачка дозвола.

Исто така, биле изречени и 10 казни за управување на технички неисправни и нерегистрирани возила, 24 казни за некористење сигурносен појас, 23 за користење мобилен телефон при управување возило, една за минување на црвено светло, 50 казни за непрописно паркирање.

Засилените акциски сообраќајни контроли продолжуваат, велат од МВР и апелираат до граѓаните да ги почитуваат сообраќајните правила и прописи.

Прикажи повеќе...