Црна хроника
Обвинение против скопјанец кој со тупаници и клоци убил жена
Скопското Основно јавно обвинителство поднесе обвинение против скопјанец за кривично дело – убиство.
Обвинетиот на 10 мај во раните утрински часови, во куќа на улицата Перо Наков, извршил семејно насилство и со умисла убил жена со која живеел во заедничко домаќинство и со која имал блиски лични односи.
Тој со повеќе удари со рацете и нозете ѝ нанел повеќе телесни повреди во пределот на главата и по целото тело, и тоа хематоми и скршеници, од кои кај неа се развил трауматски шок и настапила смрт.
Бидејќи постојат околности што укажуваат на опасност од бегство и можност обвинетиот да ја попречува кривичната постапка со влијание врз сведоци, надлежниот јавен обвинител на судот му предложил да ја продолжи претходно определената мерка притвор за обвинетиот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Го пријавиле за починат за да му го земат имотот: Жител од тетовско село се жали на лажна пресуда
Вчера во 15.20 часот во СВР Тетово, А.И.(80) од тетовско пријавил дека во текот на 2017 година без негово присуство во Основен суд Тетово била донесена пресуда со лажно прикажување на факти и докази.
Според пријавеното, во судот биле приложени лажни докази дека тој бил починат, а воедно од адвокат биле поднесени лажни докази – фалсификувано полномошно дека бил негов застапник и застапник на неговата ќерка.
Како што е пријавено, по донесувањето на пресудата со лажните докази Н.Ш. од истото село ја доставил пресудата во Агенција за катастар на недвижности-Тетово и неговиот имот бил префрлен на името на Н.Ш.
Се преземаат мерки за расчистување на случајот.
Црна хроника
Битолчанец тепал 24-годишна жена и ја држел затворена во викендица
СВР Битола поднесе кривична пријава против Љ.Т.(42) од Битола поради постоење основи на сомнение за сторено кривично дело „противправно лишување од слобода“.
На 21.10.2024 пријавениот во повеќе наврати физички нападнал 24 – годишна жена и против нејзина волја ја држел во неговата викенд куќа во битолско, каде што, исто така, физички ја напаѓал.
Топ
38-годишен маж силувал малолетник во Струмица
Синоќа во 23.50 часот, полициски службеници од СВР Струмица лишиле од слобода 38 – годишен жител на Струмица.
Тој се сомничи дека извршил обљуба врз малолетник од Струмица.
Лицето е задржано во Полициската станица Струмица, за настанот е запознаен јавен обвинител од Основното јавно обвинителство Струмица и по документирање на случајот против него ќе биде поднесена соодветна пријава.