Црна хроника
Ослободен осомничениот за пукањето во Ѓорче Петров

По наредба на јавен обвинител од Основното јавно обвинителство Скопје, извршена е анализа на биолошки материјал – ДНК-траги, кои беа пронајдени во возилото, од кое постои сомнение дека билo пуканo, при што беше повредено едно лице во населбата Ѓорче Петров.
Настанот се случи на 1.3.2021 година, околу 16 часот, на улицата Борис Сарафов во Скопје, кога од патничко моторно возило „голф 5“, без регистарски таблички, беше пукано со огнено оружје кон автомобил „мерцедес“ со скопски регистарски таблички, управувано од лице од с. Горно Свиларе, при што возачот на „мерцедесот“ доби прострелна рана во левата натколеница.
„Денеска, во Обвинителството пристигна извештајот од извршената анализа на биолошкиот материјал од Институтот за судска медицина, криминалистика и медицинска деонтологија. Во согласност со доставената анализа, биолошките траги пронајдени во возилото ‘голф 5; не одговараат на ДНК-профилот на лицето спрема кое беше определена мерка краткотраен притвор во траење од 48 часа. Истовремено, обвинителството презеде и процесно дејство – препознавање, при што оштетениот не го препозна притвореното лице како лице сторител на кривично дело што испукало проектили кон него.
При вака утврдени факти Обвинителството утврди дека не постои основано сомнение дека лицето спрема кое беше определена мерка краткотраен притвор е сторител на кривично дело, па од тие причини нема да отвори истражна постапка против него. Воедно, надлежниот обвинител го извести судијата на претходна постапка при надлежниот суд и побара лицето веднаш да биде пуштено од краткотрајниот притвор“, соопшти Обвинителството.
За истиот настан беше приведено уште едно лице, но тоа е пуштено бидејќи од МВР не беа обезбедени и приложени докази за негова инволвираност.
Обвинителството издаде повеќе наредби и насоки на Министерството за внатрешни работи во насока на утврдување на идентитетот на сторителот на конкретното кривично дело. Откако МВР ќе го утврди идентитетот на сторителот и ќе обезбеди докази во поглед на кривичното дело, ќе поднесе кривична пријава по која Обвинителството ќе постапува во согласност со надлежноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Топ
(Фото) Запленети околу 100 килограми марихуана во Струмица, уапсени три лица

Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите законски овластувања, постапувајќи по наредба на јавен обвинител на 30.06.2025 во 18.30 часот на ул. „Климент Охридски“ во Струмица ги лишија од слобода Е.Б.(32) од село Попчево, струмичко и А.С.(39) и А.С.(24) од скопско.
При преглед на патничко возило „голф“ со фалсификувани регистарски ознаки, управувано од Е.Б., биле пронајдени шест торби со 100 пакувања марихуана, со вкупна тежина од околу 100 килограми.
За настанот бил запознаен јавен обвинител од Основното јавно обвинителство Струмица.
По документирање на случајот, во текот на денот ќе биде поднесена кривична пријава и ќе бидат изведени пред судија од Основен суд Струмица, соопштија надлежните.
Црна хроника
Тројца повредени, меѓу нив и малолетник: „митцубиши“ управувано од 18-годишник излета од патот во Демир Капија

Синоќа во 22.50 часот во ОВР Неготино е пријавено дека на обиколницата во Демир Капија, патничко возило „митсубиши“ со демиркаписки регистарски ознаки, управувано од Н.Д.(18) од Демир Капија, излетало од коловозот.
Во несреќата, со тешки телесни повреди се здобил возачот, додека со телесни повреди се здобиле сопатниците Д.П.(19) и малолетник, двајцата од Демир Капија, констатирани во Општа болница Кавадарци.
Извршен е увид од увидна екипа на ОВР Неготино.
Црна хроника
Три автобуси и комбе опожарени во близина на бензинска пумпа во Кочанско

Денеска (01.07.2025) во 02.30 часот во СВР Штип е пријавено дека кај бензинска пумпа во нас.Оризари, кочанско се опожарени три автобуси и едно комбе, сопственост на приватна фирма.
Пожарот е изгаснат од страна на Територијалната противпожарна единица Штип. Повредени лица нема.
Полицијата соопшти дека во текот на денот ќе биде извршен увид од увидна екипа од ОВР Кочани.