Двајцата пациенти на кои во саботата им беше изведена трансплантација на бубрег од починат донор се во добра и стабилна здравствена состојба, соопшти Министерството за здравство.

Од Клиниката за урологија информираат дека интензивно се следи постоперативниот тек и функцијата на трансплантираните бубрези.

Трансплантирани се двајца пациенти, жена на 45-годишна возраст од Скопје и маж на 40-годишна возраст од Куманово. Двајцата пациенти беа со хронична бубрежна слабост и со години на дијализа.

На трансплантација на бубрези работеше стручен тим на уролози под водство на д-р Сашо Дохчев, д-р Сотир Ставридис, д-р Јосиф Јанчулев, д-р Александар Трифуновски, д-р Александар Јосифов и анестезиологот Александра Гавриловска од КАРИЛ, како и Проф. Гоце Спасовски, д-р Ирена Рамбабова Бушљетиќ и д-р Светлана Павлеска од Клиниката за нефрологија.

Во изминатите 24 часа потврден е 21 нов случај на коронавирус, а Министерството за здравство соопшти дека не се регистрирани починати пациенти како последица на Ковид-19.

Во последните 24 часа направени се 258 тестирања, а регистрирани се 12 нови случаи во Скопје, пет случаи во Тетово, три во Куманово и еден во Штип.

Институтот за јавно здравје регистрира 17 оздравени пациенти во Скопје- седум, по двајца во Куманово, Прилеп и Велес и по еден во Гостивар, Крива Паланка, Пехчево и Берово.

Вкупната бројка на случаи во нашата земја од почетокот на епидемијата изнесува 1.999, бројката на оздравени пациенти е 1.439, на починати е 113, а во моментов бројот на активни случаи во земјата изнесува 447.

Последната дистрибуција по градови е:
• Скопје – 725, активни 204
• Куманово – 436, активни 35
• Дебар – 51, активни 0
• Штип-41, активни 6
• Прилеп –210, активни 46
• Тетово – 177, активни 82
• Струга – 75, активни 8
• Велес – 127, активни 41
• Битола –28, активни 7
• Охрид –23, активни 8
• Кавадарци – 5, активни 0
• Гостивар –21, активни 3
• Гевгелија – 4, активни 0
• Струмица – 3, активни 1
• Крива Паланка- 6, активни 0
• Радовиш – 4, активни 0
• Крушево – 3, активни 0
• Кочани – 31, активни 0
• Пробиштип – 2, активни 0
• Кичево – 2, активни 0
• Неготино -10, активни 3 (7 заболени лица од ПЕ Неготино се жители на Демир Капија)
• Демир Хисар – 1, активни 0
• Македонски Брод – 2, активни 0
• Пехчево- 3, активни 0
• Делчево-1, активни 0
• Валандово -1, активни 0
• Виница – 3, активни 1
• Кратово-2, активни 1
• Берово-1, активни 0
• Свети Николе-1, активни 1

Досега во земјата се направени вкупно 25.528 тестирања.

Од вкупниот број направени тестови во изминатото деноноќие 13 теста се во рамките на скринингот. Тестирањата се направени преку Центрите за јавно здравје во Велес, Кочани, Куманово и Скопје во градинки и геронтолошки установи и не се регистрирани позитивни случаи на ковид-19.

На Клиниката за инфективни болести и фебрилни состојби во изминативе 24 часа примени се 3 нови пациенти, хоспитализирани се вкупно 54 пациенти. На кислородна поддршка се 20, на механичка вентилација се 3 пациенти. Во ГОБ „8 септември“ примени се 5 нови, а вкупно хоспитализирани 21 пациент. На респиратор се 6, a со потешка клиничка слика се уште 6 пациенти.

Во болницата во Битола се хоспитализирани 4 пациенти, а на домашно лекување се следат уште 4 пациенти. Во болницата во Штип се хоспитализирани 7 пациенти, на домашно лекување се следи 1 пациент. На ифективните одделенија во Велес, Куманово, Прилеп и Охрид се хоспитализирани 41 пациент- позитивни и сомнителни на ковид-19.

Психијатар вработен во затвор со српско потекло е уапсен недалеку од Виена под сомнение дека на колегите им дал торта со отров.

Според австрискиот портал „Heute“, неговите колеги се почувствувале лошо откако јаделе од тортата, а еден од нив завршил во болница.

Осомничениот е уапсен и се наоѓа во притвор во Корнебург.

Тој е обвинет за кривично дело тешка телесна повреда и нанесување материјална штета, со оглед дека на еден од неговите колеги му ги избушил гумите на неговиот автомобил.

Според медиумите, докторот потекнува од истакнато белградско семејство. Полицијата го испитува можниот мотив за делото и се сомневаат дека станува збор за одмазда.